Lucas 12:40 - La'aqtaqa Ñim Lo'onatac 'Enauacna 2013

⁴⁰ Qaq qami' nataqa'en ỹataqta qanaỹamaxacheetai' qome, cha'aye Aỹem Shiỹaxaua Llalec, ñevi' qom qami' saishet da taỹapigui qarvilli Aỹem.»

Nuevo Testamento Toba Sur

⁴⁰ Qaq qami' nataq'en ÿataqta qanaÿamaxachiitai' qome, cha'ayi qom huo'otaq sa ishit da huo'o ca taÿapigui qadvilli, nachi nvi' ne'ena shiÿaxaua llalec.

Nuevo Testamento Toba Sombrero Negro

⁴⁰ Chane'eja nach'e ena'am a'vicheta't; qa'a jayem jo'ne mach'e Jiyaĝaua Lec'oĝot 'ñiyelaq jo' qom'te, qom qamaĝaya't da'me jayem qoyeuatetaque.”

Lucas 12:40 Referans Kwoze

1 Ts 5:6

Ỹoqo'oye iuen da ỹataqta ñeloqtec, saỹamaxataqchiguiñi da qoyecỹaxac, qataq saishet da leetapigui ye qarhuel da shenaqta'am na laỹepi shiỹaxauapi.

Apocalipsis 19:7

Qaq ỹoqo'oye ỹataqta samaqtapiguiñi qome, qataq qomi' nlaqchiguilo da qantonaxac, qataq sho'oxorenaq Ñimaye, cha'aye mashe ivita ye laloqo' da huaron Ñi Qagueta Llalec. Añi lhua mashe sogote da naỹamaxattai', maye nachena nam 'amqaanataxanaxaicpi;

Romanos 13:11

Qaq 'enauac de'era sheetega da qami' iuen da qauloỹa'alo ne'enaua na'axa'te maye souaqtaiguilo, qaq qami' qoviitaigui da 'eeta'am da qauo'ocheeta. ¡Mashe ivita ye laloqo' da qanloiuec! Mashe saqaỹapeque ca na'a'q da Ñim Lo'onatac 'Enauacna qomi' nca'alaxatre'c; ỹataqta 'eesa da saqaỹapeque saq 'ena'am co'ollaq cheta'ague da sa'amaqtenaq So Jesús.

Mateo 25:13

Nache So Jesús 'enapeco': –Ỹoqo'oye qami' maye qami' ỹapaxaguenataqa, iuen, da nache 'eetai' da qanloitec, cha'aye saishet da qauaỹaañi ca na'a'q qataq ca laloqo' da Aỹem ñe'eguelaq.

Mateo 24:44

Qaq ỹoqo'oye nache 'eetec nataqa'en da qoñiita, iuen da qanloitec qataq qanaỹamaxacheetai' qome. Cha'aye Aỹem Shiỹaxaua Llalec ñevi' qom mashe saishet da Aỹem qaỹauotaique.

Mateo 24:42

Qaq ỹoqo'oye iuen da nache 'eetai' da qanloitec, cha'aye qami' sa qauaỹaañi ca laloqo' da Aỹem, maye Aỹem Qarataxala'ai qaltaq ñe'eguelaq.