Lucas 12:35 - La'aqtaqa Ñim Lo'onatac 'Enauacna 2013

^35-36 Qami' iuen da nache 'eetai' da qami' lhuotte'. Iuen da qoñiita'am ca namaxashecpi maye ca na'aco' nqo'ona ca naronaxac. Camayepi nache 'eetai' da nlotauec qataq 'ettaigui aca lcoỹaraxanaxaqui, iuattaique cam na'aco' da deỹaxan da netaigui ca lasom, nache sa naỹaloxon da ỹauateguet.

Nuevo Testamento Toba Sur

³⁵ Ÿataqta qanaÿamaxachiitai' qome, aca qadcoÿadaxanaxaquii qalaq sogote da 'ettaigui qanqashiñi.

Nuevo Testamento Toba Sombrero Negro

³⁵ “¡'Noota qom a'vicheta't, nataq'aen aniyamaĝachita't!

Lucas 12:35 Referans Kwoze

1 Pedro 1:13

Qaq ỹoqo'oye iuen da ỹataqta qanloitec qataq qauennataxañiitelec ca qauo'oche, yaqto' nache 'eetai' da qauo'ocheetac ca ỹaỹamaqchiguiñi. Qataq ỹataqta imauec da qaua'amaqchiñi Ñim Lo'onatac 'Enauacna da qami' ỹo'oteque ca ỹaỹamaqchiguiñi qom ñe'eguelaq So Jesucristo.

Efesios 6:14

Nache ỹataqta qanaỹamaxacheetai', qansachiigui da 'eesa lataxac, qataq qaupaqtaxañiỹa da no'on nataxac da 'eeta'am qanqa'eñi aca npaxaalec ana ltogue ca huataxanaq le'ec.

Mateo 5:16

Qaq nache 'eetec qome nataqa'en da qoñiita, da qarataxaqui iuen da 'eeta'am aca ncoỹaraxanaxaqui da 'eroigui qataq ỹachaxan da 'eetec da qaỹalaxaguet Ñim Lo'onatac 'Enauacna. Qauo'oche ca ỹaỹamaqchiguiñi, yaqto' ila'a na laỹepi shiỹaxauapi. Ime, nache namayepi ỹo'oxoren Ñim Lo'onatac 'Enauacna, Ñim Qarta'ai maye neto'ot na piguem.

Mateo 25:1

De'era lo'onataxanaxac Ñim Lo'onatac 'Enauacna, damaye 'eeta'am da 'eetec se'eso pe co'ollaq huo'o so naronaxac. Nache huo'oi soua diez qa'añole ỹaconalo soua lcoỹaraxanaxaqui' maye lca'atoxo't na aceite. Nache huaqatra'aguet ca auonaxaua.

Isaías 5:27

Qaq camayepi qaica qome ca nasamtapiguiñi, qataq qaica ca pogolaxaateguiñi, qataq qaica ca do'ochetapigui' qataq qaica ca sa ichiguiñi naqa'en ca nsaataxaqui, qataq qaica ca dachepta'ape caua lque'ete caua lapela'ate.

Isaías 11:5

Camaye nache 'eetai' qome da ỹaatañi da nalochiguiñi qataq dam 'eesa lataxac.

Filipenses 2:15

yaqto' saishet da huo'o ca qarasouaxashechi, qataq saishet da huo'o ca qami' qaỹasaxaleguete ca qarasouaxashechi. Ana'ana 'alhua nlaqtelec na shiỹaxauapi qauemaicpi, qataq 'etaxaloxoicpi, qami' qalaxaye qami' llalqa Ñim Lo'onatac 'Enauacna. Qaq ỹoqo'oye iuen da qoquiỹa'ai na qauemsat, nache qauachaxañi ca no'on qarataxaqui, qoñiita'am aca huaqaañi da 'ettaigui ye pe.

Proverbios 31:17

Ỹataqta huo'o da na'añaxataxac, qataq da lquesaxanaxa da do'onataxaatac.

1 Reyes 18:46

Qalaxaye Ñim Nataxala', ỹanem da la'añaxac so Elías, ỹoqo'oye co'ollaq ime da ỹa'añaxatchiyiñi soua alogo, nache ỹataqta naloxo da taỹa ye Jezrel, nache hua'auñi da ivireuo co'ollaq saxanaxa da ivireuo so Ajab.