Lucas 12:31 - La'aqtaqa Ñim Lo'onatac 'Enauacna 2013

³¹ Qalaxaye dam ỹataqta ỹaỹamaqchiguiñi 'eeta': qauauattoñiita da Ñim Lo'onatac 'Enauacna nacheñita 'oonolec Nta'a. Qaq 'enauac na laỹepi maye qaviñiitac Ñimaye qami' ỹanema da ivita ca laloqo' naqa'en.

Nuevo Testamento Toba Sur

³¹ Qalaxayi qami' qauamachiu'a qome da l'onataxanaxac ñi Dios da ilo'ogue 'enauacna, yaqto' ishit da qami' taÿoto 'enauac namayipi.

Nuevo Testamento Toba Sombrero Negro

³¹ P'ajaye 'noota, aueloyitaque da'me lejaliaĝa joñe'me, qama'le nach'e ena'am ami qoyanema ena'uaque naajo' uo'oe.

Lucas 12:31 Referans Kwoze

Mateo 6:33

Qaq ỹoqo'oye ỹactec da 'onaxaic da qauauattoñiita Ñim Lo'onatac 'Enauacna da nachaqñita ỹactec da la'amaqchec da Nta'a, qataq da qauo'oche dam 'eetapeguec Ñimaye. Nache 'enauac na laỹepi maye qaviñiitaique qami' ỹanema Ñimaye da ivita ca laloqo'.

Hebreos 13:5

Qataq saishet da ỹaguec da qarhuogoqoi da qanaviqui aca anom. Nachaqrata da qantoñiitapeguec cam qami' hueto'oto, cha'aye Ñim Lo'onatac 'Enauacna 'eeta' da la'aqtac maye nanettalec ana nere maye huetalec na la'aqtacpi Ñimaye: «Saishet da 'am seỹotec, qataq saishet da 'am salat.»

Salmos 34:9

Ñaq huo'o naq 'enec qanqa'eñi Ñim Nataxala', qami' maye qanañañiỹot Ñimaye, cha'aye qaica ca iueetac cam huo'o naq 'enec naqa'en Ñimaye.

1 Timoteo 4:8

Cha'aye 'eesa ca shiỹaxaua da ñe'egueeteguela't da sa desalli naqa'en na lo'oc, damaye cara'acolec da huo'o da naigui. Qalaxaye da qanpa'ataxareelec da na'amqaanataxanaxac Ñim Lo'onatac 'Enauacna, damaye ỹataqta lta'araic da naigui. Cha'aye ỹataqta 'onaxaic da qomi' ỹo'otegueta nagui da ñaq souaqtalec ana 'alhua qataq nataqa'en qom seviraxague da piguem. Qaq de'era ỹataqta 'eesa, qaq ỹoqo'oye 'enauac damaye iuen da sa'amaqtenaq.

Juan 6:27

Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

Salmos 84:11

Cha'aye Ñim Lo'onatac 'Enauacna maye Nataxala', Ñimaye qomi' icoỹattaleguete qataq qomi' npaxattaleguete, Ñim Nataxala' chochaq ỹaatem da lchoxonnataxanaxa, 'enauac nam nalochiguiñi da lataxac.

Romanos 8:31

Qaq ỹoqo'oye ¿negue't ca lỹa qara'aqtac? Ye 'oonolec dam ishet da qara'aqtac, 'eeta': Da Ñim Lo'onatac 'Enauacna da qomi' hueta'agueta, nache qaica ca ishet da qomi' dataỹa'agueta.

Salmos 37:3

Ỹataqta 'aupi'iỹa'a Ñim Nataxala' qataq 'auo'ot ca ỹaỹamaqchiguiñi, yaqto' nache qonetai' da qonetalec ana 'alhua qataq qoquetegue Ñimaye.

Salmos 37:25

Co'ollaq ñaq aỹem nsoqolec qataq nagui da mashe aỹem ỹa'axaiquiolec, qalaq saishet da sauaachigui da qaỹalata'a't na no'on da lataxac, qataq saishet da sauaachigui na llalaqpi da dashelaxaataique ca aloq.

Isaías 33:16

qaq nacheca qome ca qaica ca ndaqtaique, qataq lle'eguenaqa' qome cam lo'oxonaxat na coma', qataq nache 'eetai' qome da huo'o ca aloq qataq saqoue ca laquip 'etaxat.

Salmos 37:19

Qataq da ivita da qauema naua na'axa'te, qalaq namayepi qaica ca iueetac, qataq da ivita da huo'o na nqouaxa qalaq namayepi huañi na aloq.

Lucas 12:30

Cha'aye nachaqnata nam saishet da ỹauatton Ñim Lo'onatac 'Enauacna maye huo'o da lachetataic souaxat de'era. Qalaxaye Ñim Lo'onatac 'Enauacna maye Qarta'ai, ỹaỹaten 'enauac namayepi da qaviñiitac.