Lucas 12:21 - La'aqtaqa Ñim Lo'onatac 'Enauacna 2013

²¹ Qaq 'era qome da 'eetec cam shiỹaxaua da maiche logosheguem naqa'en da lsallaxa, qalaxaye Ñim Lo'onatac 'Enauacna ỹaỹaten camaye da ỹataqta choxoraq.»

Nuevo Testamento Toba Sur

²¹ Qaq 'eda qome da 'eetec cam shiÿaxaua da maichi loguishiguem naq'en da maichi lsallaxa, qalaxayi ñi Dios ÿaÿaten camayi da ÿataqta choxodaq.

Nuevo Testamento Toba Sombrero Negro

²¹ Naq'aeta ga'me nauaneguet nale ga'me jiyaĝaua jo'ne ya'uo laponaqa' da'me leuoyaĝaco jo'ne jetaque mach'e yiyamaĝam, qalaĝaja ñe'me Dios en choĝodaq ga'me.”

Lucas 12:21 Referans Kwoze

Santiago 2:5

Qami' ñauochaxau' ỹaqaỹa't, ỹataqta aỹem qana'axaỹaxañiỹa: Ñim Lo'onatac 'Enauacna lca'aguishec na shiỹaxauapi choxoraq maye huetalec ana 'alhua, yaqto' namayepi da naquitaxac Ñim Lo'onatac 'Enauacna, nachera da ỹoqta 'eesa lsallaxa. Nataqa'en lca'aguishec na choxoraqpi da yaqto' ỹaconeguet da lo'onataxanaxac Ñim Lo'onatac 'Enauacna maye ỹachaxanapeguem co'ollaxa nam ỹauotec Ñimaye.

Lucas 12:33

Qaq qaumiñi qome na qami' hueto'oto. Ime, qaq qaỹa'añim nam deuenaxaatapigui'. Ime, qaq qauo'oche cam qarachoxonaxaquii maye saishet da lto qataq ca nsallaxa hueta'ague da piguem maye saishet da imeuo, qataq saishet da inoxoneua'a cam cachaxaic, qataq saishet da chec ca lalaxat.

Apocalipsis 2:9

Aỹem saỹaten 'enauac nam lqalaiguesat maye qouetaigui nagui, qataq saỹaten da 'am choxoraq, na'aictaxa da ỹataqta lta'araic da 'arsallaxa maye saqcha'a. Nataqa'en saỹaten naua ltaxaỹaxaco qauema maye 'am ỹasaqteguelec nam 'eetega da judiopi, qalaxaye namayepi ỹalectaigui nam lalamaxatpi so pa'aguenataxanaxaic.

Habacuc 2:9

Qaq choxoraxaso' 'am, maye 'anlaxatchigui na 'arma' nam 'arcachaxatpi, cha'aye 'anshetaique da 'am ỹet 'enauac na lcheguesat.

Oseas 10:1

Na Israel le'ecpi, qalaq 'eeta'am ana nañiguishe uva maye ỹataqta qalochiguiñi, qalaxaye co'ollaq ỹataqta qalota ana alapi, nache nataqa'en nquictauec ana no'oxoosheguem nca'atoxonaxalatepi. Qataq co'ollaq mashe ỹataqta 'onaxaic na na'alhuapi, nache nataqa'en ỹataqta 'onaxaic naqa'en nam saq 'en natamnaxala' coma'pi.

Romanos 2:5

Qalaxaye da, nache qoquiito'ot da sa qaualaqai, qataq da saishet da qanaralaxache da qarataxaqui, nache Ñim Lo'onatac 'Enauacna, ỹauo'o ca qanque'eenaxaqui ỹataqta ỹactec. Qaq anata ca na'a'q, qom Ñim Lo'onatac 'Enauacna nmit 'enauac na shiỹaxauapi, nache ỹauo'o qome ca qanhuaxanaguiiqui.

Lucas 16:11

Qaq qami' da saishet da qauaỹachiñi da qauloỹeegue cam saq 'amaqtaq qataq qaica ca naigui, 'eeta'am aca anom maye qaỹachegoxotaigui da natenataxanaxac, qaq ¿negue'to' ca ishet da qami' pi'iỹa'alo da qami' ipataxaleguete cam ỹataqta huo'o ca naigui?

Lucas 6:24

Nache So Jesús ỹamataigui so laỹepi shiỹaxauapi, nache 'enapeco': «¡Ỹataqta qauem da qa'aita'ague qami', maye qami' sallaxanecpi, cha'aye nagui qoviitaigui da qavi'imaqaitac qataq qaica ca da!

2 Corintios 6:10

'Eeta'am da saquicoqtac, qamaq ỹoqta 'eesa da qomi' samaqtapiguiñi. 'Eeta'am da qomi' choxora'q, qalaxaye qalota na sesallaqchetaq. Na'aictaxa da qaica ca ye da shenaqta, qalaxaye qaica ca seuenaqtac.

Proverbios 13:7

Huo'o na qaica ca ye qalaq 'eetega sallaxanec, qataq huo'o na sallaxanec qalaq ỹe'enaxat da choxoraq.

1 Timoteo 6:9

Qalaxaye cam nda'a't da iuennatega da nsallaxa, nache camaye lqoiñiguishec so pa'aguenataxanaxaic. Ivitta'a da lpachigui na qalota lqopitaxanaqtaicpi maye qaica ca naigui, qataq na'aqchet, nache iviraxatta'a da ỹataqta nlachiguiñi.