Lucas 12:20 - La'aqtaqa Ñim Lo'onatac 'Enauacna 2013

²⁰ Qalaxaye Ñim Lo'onatac 'Enauacna 'enapega, 'eeta': ‹'Am ỹale ỹataqta qaica ca 'auaỹaanapec, nachena ne'ena pe 'am 'aleu, qaq 'enauac nam 'auaỹamaxattac, ¿negue't qome cam talec?›

Nuevo Testamento Toba Sur

²⁰ Qalaxayi ñi Dios 'enapega, 'eeta': “'Am shiÿaxaua ÿataqta qaica peta'a ca 'auaÿajnapec, nachina ne'ena pe 'am 'adeleu, qaq 'enauac nam 'auaÿamaxattac, ¿négue't qome cam talec?”

Nuevo Testamento Toba Sombrero Negro

²⁰ Qalaĝaja ñe'me Dios enapega: «¡Am chiyoĝojecolec, qa'a jenjo' pi'yaq qama'le adeleu! Qama'le ga'me jo'ne aviyamaĝat, ¿jach'e jogamaĝa ua'ajop?»

Lucas 12:20 Referans Kwoze

Jeremías 17:11

Qaq cam desalligui da lcachaxac nache camaye 'eeta'am ca dachemi da nqapaxaaleguete caua saishet da lco'oue'ete. Nache da laiñi da nachaalataxac, nache da deqat 'enauac da lsallaxa, ime nache ivitta'a da 'eeta'am ca qaica ca ỹaỹaanapec.

Da na'aqtaguec so Job 27:8

¿Qaq negue'to' ca naquittaique na qauem da lataxac, qom ivita da Ñim Lo'onatac 'Enauacna nqat da nachaalataxac?

1 Timoteo 6:7

Cha'aye qomi' saishet da huo'o ca ñachoqtec co'ollaq ñanaxa ana 'alhua. Nache 'ena'am da she'eguelaxasoq qaica ca qaya'ac.

Salmos 39:6

'Enauac na shiỹaxauapi da jec qalaq 'eeta'am na lpaqal. Qaica ca naigui da lapoosheguem da lsallaxa, cha'aye sa ỹaỹaten chaq negue't ca no'ona'aguet qome damaye.

Santiago 4:14

¿Ta'ainco' da nache 'eetec da qartaxaỹaxaqui ye saq qauaỹaañi ca huaigui ca lỹa na'a'q? Cha'aye da qanachaalataxaqui 'eeta'am na sheue: da cara'acolec huo'o, qaỹata'ague qataq qaica.

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

Lucas 11:40

¡Ỹataqta saqco' peta'a ca qauaỹaañiỹapec! Ñim Lo'onatac 'Enauacna ỹo'ot na pa'auec qataq na pa'auo.

Salmos 73:19

Qaq choche nque'elaxatta qome da nlaguiñi namayepi, nache maiche nlaguiñi naqa'en da lcolanaxa namayepi.

Nahúm 1:10

Qaq ỹoqo'oye qoñiita'am qome aca ipogotta't qo'oipaq lepi, qataq ca 'auaqpi deqaqta da nmichiguiñi qome da ỹavic.

Proverbios 28:8

Ca lapootasheguem da lsallaxa maye ỹachegoxotaigui ana nsheetenaxanaqte, camaye laỹootasheguem da lsallaxa da yaqto' talec qome ca nqouaguec na choxoraqpi.

Proverbios 11:4

Da nsallaxa qaica ca naigui da ivita ca na'a'q da qanmit 'enauacna, qalaxaye ca ỹaỹamaqchiguiñi lataxac nca'alaxateeguesop da l-leuaxa ca shiỹaxaua.

Salmos 78:30

Qalaxaye co'ollaq ñaq saxanaxa da nme de'era lquia'axac lamaic, ñaq huetaigui na alap na aloq,

Ester 5:11

nache da'aqtaxaateguema soomaye da lta'araic lsallaxa, qataq so qalota llalaqpi, qataq da 'eetec da so nta'a ỹataqta huo'o naqa'en da la'amaqchec, qataq da llo'oxonnatac somaye, napacalec som laỹepi nta'alpi qataq som do'onataxaatacot so nta'a.

Salmos 49:10

Cha'aye 'enauac da ileu namayepi, ivira'a na ỹaanaxanaxaic qataq na qaica ca ỹaỹaanapec, nache ỹaqa'a ca no'ona'aguet da lsallaxa.

Proverbios 10:2

Da nsallaxa maye chegaqaigui da ncachaxac qaica ca naigui, da no'on nataxac qalaq ishet da huo'o ca isoueeguesop da nleuaxa.

Proverbios 13:7

Huo'o na qaica ca ye qalaq 'eetega sallaxanec, qataq huo'o na sallaxanec qalaq ỹe'enaxat da choxoraq.

Proverbios 27:1

Saishet da 'ana'amaqteeta'aguet ca lỹa na'a'q, cha'aye sa 'auaỹaten ca huaigui qom nvi' camaye.

Isaías 56:12

Qaq 'enapec naxa namayepi: «Qolaq selaqaique ca lataxa, qataq cam lataxa maye ỹataqta chem da yaqto' ishet da qomi' taxaicpi. Qaq nache shenaqtec nataqa'en qonte' qalaxaye ỹactec qome ca qanỹomaxac.»

Amós 6:13

Qami' maye saq 'en da qantonaxaqui, nache qoñeeta': «Qomi' chegoqchigui da maiche qana'añaxataxac da huo'o da qara'añaxac.»

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.