Lucas 12:19 - La'aqtaqa Ñim Lo'onatac 'Enauacna 2013

¹⁹ Ime, nache maiche ntaqteguela't, 'eeta': Nagui mashe ỹataqta qalota nam ỹalamaxatpi maye saỹamaxat, namaye nalaiguilo caua saqaỹoqteguelo vi'iye. Nagui ñematec, seque'etac, ñeỹomtac, qataq samachiguiñi.›

Nuevo Testamento Toba Sur

¹⁹ Ime, qaq shinapega qome som iqui'i, shiita': 'Am iqui'i, nagui mashi ÿataqta qalota nam 'adalamaxatpi mayi 'auaÿamaxat, namayi nalaiguilo caua saqaÿoqteguelo vi'iyi. Nagui 'anmateec, 'auque'e, 'anÿomtac, qataq 'auamachiguiñi.”

Nuevo Testamento Toba Sombrero Negro

¹⁹ Yem qama'le mach'e jayem da'me jenapela't: Nayi jalcote ga'me jauana jo'ne jiyamaĝatetac nalo'tagueta qayoĝode' gaa'me 'uoidi; qama'le nayi 'ñomategue, jeque'e, nataq'aen ñiyom, qama'le yataqachiñe jayem matac.»

Lucas 12:19 Referans Kwoze

Proverbios 27:1

Saishet da 'ana'amaqteeta'aguet ca lỹa na'a'q, cha'aye sa 'auaỹaten ca huaigui qom nvi' camaye.

1 Corintios 15:32

Co'ollaq soota'a ye Éfeso, nache satata'aguet na ỹalleppi maye 'eeta'am ca shiguiỹac dequi'iỹapec. Qalaxaye da 'eesa da na leuaxaicpi saishet da ỹe'eguelaxalec da nca'alec, nache ¿negue't ca ỹaueguec maye sachegoxotaigui de'era? Qaq ỹoqo'oye ỹaỹamaqchiguiñi da so'otaq de'era na'aqtac naxa maye 'eeta': «Sequia'aq qataq ñeỹomaq, cha'aye qonte' seleuaq.»

Isaías 5:11

¡Choxoraxaso' nam no'ottasheguem ye nte'eta da yaqto' no'otta'ai' da nỹomaxac na lataxa, nache choche ivitta'a ye pe da nỹomtac nache ivitta'a da ỹataqta taxaic.

Eclesiastés 11:9

'Am nsoqolec, nagui da ñaq nalota't da 'anachaalataxac nache 'antootapigui' qome, qataq 'anque'etaxaachigui nam no'on maye ishet da 'auo'ot nagui. Qoquegue da 'arquiyaqteỹaxac souaxat nam 'aulota'api, qalaxaye 'auennata'a da Ñim Lo'onatac 'Enauacna, nmit qome 'enauac nam 'auo'otpi.

Santiago 5:5

Qami' sallaxanecpi maye qoviitaigui da lta'araic lyac, qataq qoviitaigui da lta'araic ño'oxoyec da qoñiitalec ana 'alhua. Qataq qaviyiỹa'a da ỹataqta qami' chaxaraiqa qoñiita'am ca huaca lhuaraic huo'otaq aca huaca, maye mashe lhuotta da qaỹauegueua'a ca nalaataqa'.

Filipenses 3:19

Ne'ena shiỹaxauapi namayepi taỹa'a da qaỹasaxaña cam nhuaxanaqa' na 'etaxaloxoicpi. Cha'aye nda'a't da quetague' da ño'oxonnaxac da huo'o ye ỹo'ot, cha'aye da ỹoqta ỹaỹateeta taxa, nache huo'o da la'agaxa. Qataq namayepi nda'a't da iuennatega na qauem maye huetalec ana 'alhua.

Proverbios 18:11

Ca sallaxanec ipi'itaxaatega da 'eeta'am ca huaqta'a't nỹecpi da lsallaxa, qataq 'eeta'am naqa'en ca qaỹoqotcheguemec npaqtaxanaxat.

Salmos 62:10

Saishet qome da qaupi'iitega da loquiaxac, saishet da qaỹa'agaqñiỹauec da ncachaxac, da ivita da nquictasheguem da qarsallaqai, qalaq saishet da qaumachiỹalec da qarquiyaqteỹaxaqui damaye.

Apocalipsis 18:7

Ayemaye co'ollaxa ỹataqta ỹaguec da ño'oxonnaxac, qataq nqopita da huetaigui da lta'araic lyac da no'otaxac; ¡qaq ỹoqo'oye nagui qauauo'oi qome da nqui'ic!, ¡qaue'enaxachiichigui da 'eetec da ño'oxonnaxac co'ollaxa! Cha'aye da lhuennataxac naxa 'eeta': ‹Aỹem ñeso'ootaña ne'ena, ñeso'ootangui ana ñeso'onaxaqui da aỹem nate'e. Saishet da aỹem pa'ai, qataq saishet da ñauane' da huo'o ca ñeque'eenaxac.›

1 Pedro 4:3

Cha'aye mashe qalote' soua na'axa'te da qauo'ocheetac nam qauem maye ỹo'ottac nam saishet da ỹa'amaqten Ñim Lo'onatac 'Enauacna. Se'esoua na'axa'te qami' qoviitaigui nam ỹotta'a't namanaxanaqtaiguesat, qataq na qauem nqopitaxanaqtaiguesat, qataq qami' taxaiqa, qataq qaualliquiitaua'a na naponaxacpi maye ishet da huaigui da qaỹo'ot ca qauem, qaq dam ỹataqta ỹactec da qauem maye qauo'ocheetac, nachera dam qanatamñeetacot na ne'enaqtacpi maye saq 'en.

2 Timoteo 3:4

Namayepi saishet da qaipi'iỹa'a, cha'aye ne'ena ño'oxonnaxaicpi, namayepi saishet da deuennataxaalec da huo'o ye ỹo'ot. Qataq saishet da ỹalaxaguet Ñim Lo'onatac 'Enauacna, nachaqrata da ỹagaqchenapeguec da ỹo'ottac ca maiche 'eetapeguec.

Oseas 12:8

Qaq na Efraín, qalaq 'eeta': ¡Aỹem ỹataqta aỹem sallaxanec, ỹataqta qalota ana llaỹoñiguishe aỹom! ¡Qalaxaye qaica ca ishet da anac da ỹauo'o ca ỹasouaxashet, da 'eetega sachegoxotaigui da icachaxac de'era isallaxa!

Isaías 22:13

Qalaxaye qami' qauo'ocheetac da na'ashaxac, nache qauamaitapiguiñi qaualauache aso huacapi qataq aso qaguetapi, nache qolliquiitac so lapat qataq qanỹomiitapigui so lataxa. Nache qoñiỹapec: «Sequia'aq qataq ñiỹomaq cha'aye qonte' nache seleuaq.»

Isaías 5:8

¡Choxoraxaso' qome nam desheenaxatega na qalota lma'pi, qataq nquigaxattauec na na'alhuapi, nache qaica ca lma' naqa'en ca lỹa shiỹaxaua, qaq 'eco' da nachaqnata namayepi da netalec na 'alhua!

Proverbios 23:5

Cha'aye da ỹoqta 'aumeteeta damaye, nache ishet da 'aula'a da qaica de'era nsallaxa, cha'aye damaye ỹataqta sa ilaua'ague da jec, 'eco' da huo'oi naua laua't 'eeta'am na vi'ic da huaỹo.

Da na'aqtaguec so Job 14:1

Ca shiỹaxaua ñiguiñi chegaqaigui aca 'alo, camaye da nachaalataxac sa qaỹa'ague qataq qalota na nque'eenaxacpi.

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

1 Timoteo 5:6

Qalaxaye aca pa'ai da nañaneguet da sa ntel-la't, nache quegue da lqopitaxanaqtaic, nache acamaye 'eeso'oye da ña nca'altauec, qalaxaye mashe 'eco' da ileu.

Lucas 21:34

Qalaxaye maxatchaxa, saishet da qaumiiguet da qauennacheetega da qauo'oche ca qarquia'axaqui qataq da qaumiiguet da qartaqai, qataq saishet da qaumachiỹalec nam chochaqna, yaqto' que'eca na'a'q saishet da qami' ique'elaxa't,

Lucas 16:19

Huo'o co'ollaxa so ỹale ỹataqta sallaxanec, somaye ỹaatrañi naua no'oñi anogo, qataq qaica ca 'ena'ama. Qaq somaye ỹo'ottac 'enauaque naua na'axa'te da lta'araic lquia'axac.

Habacuc 1:16

Qaq ỹoqo'oye namayepi ỹataqta ỹo'oxoren na laleguecpi qataq ana lqoinapi, nache ỹanot nam lachetaqtaxanaxat qataq ỹavigaxat na nchenaxanaxat da ỹo'oxoren namayepi, cha'aye nache chegoqchigui namayepi da sa qoue da lquia'axac namayepi.

Salmos 49:18

Na'aictoxo' da ỹataqta machiguiñi da ñaq nca'altauec, qataq da ỹo'oxoreetac camaye na shiỹaxauapi souaxat da sallaxanec,

1 Samuel 30:16

Nache so Egipto le'ec ỹauega somaye ye hueta'a so amaleciitapi, qaq somayepi ỹataqta laguelec 'enauac se'eso no'onaxa, deque'etac, nỹomtac qataq ỹo'ottac na la'ashaxac, ntootalec so lhuotaxanaxat nogoxoshetpi maye ỹachegoxotalec ye na'alhua so filisteopi qataq ye na'alhua so Judá le'ecpi.

Proverbios 10:2

Da nsallaxa maye chegaqaigui da ncachaxac qaica ca naigui, da no'on nataxac qalaq ishet da huo'o ca isoueeguesop da nleuaxa.

Eclesiastés 2:24

Qaq dam ỹaỹamaqchiguiñi maye ishet da ỹo'ot cam ỹale, damaye, 'eeta': deque'etac, qataq nỹomtac, qataq nque'etaxaachigui da alaỹaxac da lo'onataxanaxac, cha'aye selalec da nataqa'en damaye, chegoqo'ot Ñim Lo'onatac 'Enauacna.

Isaías 56:12

Qaq 'enapec naxa namayepi: «Qolaq selaqaique ca lataxa, qataq cam lataxa maye ỹataqta chem da yaqto' ishet da qomi' taxaicpi. Qaq nache shenaqtec nataqa'en qonte' qalaxaye ỹactec qome ca qanỹomaxac.»

Amós 6:13

Qami' maye saq 'en da qantonaxaqui, nache qoñeeta': «Qomi' chegoqchigui da maiche qana'añaxataxac da huo'o da qara'añaxac.»

Lucas 12:18

Qaq co'ollaq nmate' da lhuennataxac, nache 'eeta': ‹Aja', saỹaten nagui dam iuen da so'ot. Nagui aỹem ñelaxaañi ñim laponaxaqui na ala na ỹañiguishec, da yaqto' so'ot ca lỹa ỹactec da lta'araic ñaqa'en. Qaq qom ime, qaq soxotoigui 'enauac nam ala na ỹañiguishec maye ñeqat, nataqa'en 'enauac nam aỹem hueto'ot.

Proverbios 14:24

Da laỹaanec ca ỹaanaxanaxaic nachera da ỹo'ot da llo'oxoyec, qaq ca qaica ca ỹaỹaanapec qalaq laueguec da no'oopashaxac.