Lucas 12:18 - La'aqtaqa Ñim Lo'onatac 'Enauacna 2013

¹⁸ Qaq co'ollaq nmate' da lhuennataxac, nache 'eeta': ‹Aja', saỹaten nagui dam iuen da so'ot. Nagui aỹem ñelaxaañi ñim laponaxaqui na ala na ỹañiguishec, da yaqto' so'ot ca lỹa ỹactec da lta'araic ñaqa'en. Qaq qom ime, qaq soxotoigui 'enauac nam ala na ỹañiguishec maye ñeqat, nataqa'en 'enauac nam aỹem hueto'ot.

Nuevo Testamento Toba Sur

¹⁸ Qaq deuennataxaatac, nachi 'eeta': “Shiita' nagui da 'eetec dam so'ot. Nagui aÿim ñilaxajñi ñim laponaxaqui na ala na ÿanguishic, da yaqto' so'ot ca lÿa ÿacteec da lta'adaic ñaqshin. Qaq qom ime, qaq soxotoigui 'enauac nam ala na ÿanguishic mayi ñaqat, nataq'en 'enauac nam aÿim hueto'ot.

Nuevo Testamento Toba Sombrero Negro

¹⁸ Qama'le mach'e enaac: «Male jayaten ga'me ja'uo nayi. Ñejoyidiñe gaa'me yiquipi' qama'le 'ñoĝodijeguem laqaya' jo'ne let'adayaqa, qaedi naqaegaua jiyamaĝatouelo yema ga'me yanec jala nataq'aen yema ga'me jo'ne jauana.

Lucas 12:18 Referans Kwoze

Santiago 3:15

Cha'aye de'era naỹaanec saishet da chegoqo'ot Ñim Lo'onatac 'Enauacna, nachaqrata da chegaqalec ana 'alhua qataq chegoqo'ot so saqcha'a na'añaxac leguemaxaic.

Santiago 4:15

Ỹactectaxa da ỹaỹamaqchiguiñi da qoñiita' da qara'aqtaqui: «Da nachera ỹaỹamaxareeta Ñim Lo'onatac 'Enauacna, nache da ñaq ñeca'alaqtauec, nache so'otaq de'era, huo'otaq de'era lỹa.»

Lucas 18:6

Nache So Jesús 'enapeco': «Qaq 'era da 'enapec som nmit na nasouaxashet maye qauemaic.

Lucas 12:21

Qaq 'era qome da 'eetec cam shiỹaxaua da maiche logosheguem naqa'en da lsallaxa, qalaxaye Ñim Lo'onatac 'Enauacna ỹaỹaten camaye da ỹataqta choxoraq.»

Lucas 18:4

Qalaxaye se'eso ỹale ỹataqta huo'oi soua na'axa'te da saishet da ilo'oguet asomaye. Qalaxaye co'ollaq qaỹoqtegue, nache somaye deuennataxaatac, 'eeta': ‹Aỹem na'aictoxo' da saishet da huo'o ca 'enec ñaqa'en Ñim Lo'onatac 'Enauacna qataq 'enauac nam shiỹaxauapi,

Salmos 17:14

'Aurolec qome da 'ara'añaxac, 'Am Nataxala' da aỹem 'anca'alaxateeguesop namayepi, qataq ca'ai 'anqa'en ana'ana 'alhua maye nhuanaua'a de'era nachaalataxac. Ỹoqo'oye 'aua'axaỹa'a qome namayepi da yaqto' qalota da lsallaxa, qataq da ỹataqta icoma' na llalaqpi da deque'etac, qataq da ivirauga 'anqa'en da lquia'axac ca laualpi.

Mateo 6:26

Ñaq qauloỹa na maỹo maye huaỹotac queto'ot na pa'asheguem, da namayepi saishet da danaxan, qataq sa deqataxan, qataq saishet da choche ỹaỹamaxat na ala ca lañiguishec. Qalaxaye Ñim Lo'onatac 'Enauacna maye Qarta'ai maye neta'ague da piguem, Ñimaye ỹanem da lquia'axac namayepi. Qaq ¿qami' saisheto' da qanapacỹalec da la'amaqchec namayepi?

Lucas 12:17

Nache so sallaxanec deuennataxaatac, 'eeta': ‹¿Chaq hua'ago' nagui ca sheetec? Ye aỹem qaica cam sacha'ague da saỹamaxat nam ñeqat ala na ỹañiguishec.›

Lucas 12:19

Ime, nache maiche ntaqteguela't, 'eeta': Nagui mashe ỹataqta qalota nam ỹalamaxatpi maye saỹamaxat, namaye nalaiguilo caua saqaỹoqteguelo vi'iye. Nagui ñematec, seque'etac, ñeỹomtac, qataq samachiguiñi.›

Lucas 12:24

Ñaq qauloỹa nam teguesanpi, namayepi saishet da danaxan, qataq saishet da deqataxan, qataq saishet da huo'o ca laponaxanaxaqui, qataq qaica ca laretac laỹe'. Qalaxaye Ñim Lo'onatac 'Enauacna iquia'axaatac namayepi. ¡Qami', qalaxaye ỹactec da qarashiichiỹaxaqui, saishet da qoñiỹa'am nam maỹopi!

Santiago 4:13

Aỹem qana'axaỹaxañiỹa, qami' maye qoñiỹapec naxa da qara'aqtaqui: «Na na'a'q, huo'otaq qoyo'oxoñi, ñeqo'onaxaua'a ye nỹecpi; nache souaqa'a yemaye ivittec ca 'oonolec vi'i, nache sauoqo'o na qarmenec, yaqto' ñauegaq aca late'erai qorom.»