Lucas 12:17 - La'aqtaqa Ñim Lo'onatac 'Enauacna 2013

¹⁷ Nache so sallaxanec deuennataxaatac, 'eeta': ‹¿Chaq hua'ago' nagui ca sheetec? Ye aỹem qaica cam sacha'ague da saỹamaxat nam ñeqat ala na ỹañiguishec.›

Nuevo Testamento Toba Sur

¹⁷ Nachi so sallaxanec deuennataxaatac, 'eeta': “¿Chaq huá'ago' nagui ca shiitec?, yi aÿim qaica cam sacha'ague da saÿamaxat nam ñaqat ala na ÿanguishic.”

Nuevo Testamento Toba Sombrero Negro

¹⁷ Joñe'me neuoyaq male ya'uo da'me lelnataĝac: «¿Jach'e ga'me 'noota ta'le ja'uo? Qa'a qaya'te 'lachaqa' ta'le jiyamaĝat da'me yaqataĝanaĝac.»

Lucas 12:17 Referans Kwoze

Mateo 5:42

Qataq da huo'o ca 'am iỹaxanot, qalaq 'aỹa'anem cam iỹaxanaique. Qataq saishet da 'avi'eguelaxattec da huo'otaq huo'o ca 'am da'alaxaatecot.

Isaías 58:7

qataq 'aỹa'anem ca laỹe ca 'oq cam huo'o na lqouaxa, qataq ca qaica ca lma' qalaq 'auaconeguet da naua'a ca 'arma', qataq ca qaica ca logoxot qalaq 'aỹa'anem ca logoxot, qataq saishet da 'axanec da 'autauaatac cam qoneta'am 'arỹa.

1 Juan 3:16

Qalaxaye qomi' mashe saỹatenaq da naigui da nsoxoyec, cha'aye So Jesucristo ỹaaleguete qomi' da nachaalataxac. Qaq ỹoqo'oye nataqa'en qomi' iuen da sanaq da qanachaalataxac da ñañanaxalec na qara'amqaanataxanaxauapi.

Romanos 12:13

Qataq qautauañi ca qara'amqaanataxanaxauai da huo'o ca lhuenaxanaxa, qataq ỹataqta qauloỹeeguet ca camachaqca qanamaxasoxoiqui maye chegaqa'a ca qaỹoqta lỹa 'alhua.

Hechos 16:30

Ime, nache nqatre'c soomaye, nache inatta'ape, 'eeta': –Ỹale't, ¿chaq hua'ague ca sheetec, da yaqto' ñeca'alec?

Lucas 19:17

Nache so nta'a 'enapeco': «Aja', no'on, ỹaỹamaqchiguiñi, ỹataqta 'am no'on no'onataxanaxanec. Qaq cha'aye ỹataqta 'apactelec da 'auo'ot, dam saq 'amaqtaq maye 'am sepataxalec, qaq nagui sanagui da 'am nataxala' da 'aulo'oguelo caua diez nam 'amaqtaqaic nỹecpi.»

Lucas 18:22

Nache co'ollaq hua'aqchigui de'era So Jesús, nache 'eeta': –Huo'o da 'oonolec ña deqaptauec, 'eeta': 'Aumen qome 'enauac na 'am hueto'ot, ime, qaq 'aỹa'anoigui nam choxoraqpi, yaqto' huo'o ca 'arsallaxa hua'ague da piguem. Qaq qom ime, nache 'auanac da Aỹem 'auca'ategue.

Lucas 16:9

Qaq ỹoqo'oye qami' seqatalo da qauo'onataxañiỹa ana alom na shiỹaxauapi maye ỹachegoxotaigui da latenataxanaxac, da yaqto' huo'o ca qanauochaxauai, yaqto' qom ivita da imeuo ana anom, nache Ñim Lo'onatac 'Enauacna qami' ỹaconegueta da piguem.

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

Hechos 2:37

Nache so shiỹaxauapi co'ollaq hua'axaỹa de'era, nache ỹataqta daỹalli' naua lquiyaqte. Nache qainattac so Pedro qataq soua lỹa't namaxa'she, qoỹeeta': –Qami' qarqaỹa't, qaq nagui ¿chaq hua'ague ca shenaqtec?

Lucas 16:3

Nache se'eso ilotague' so nma' deuennataxaatac, 'eeta': ‹¿Chaq hua'agom ca sheetec nagui, cha'aye ñi ña'aco' saishet da ỹauo'o ca ỹo'onatac? Ye aỹem qaica ca ỹa'añaxac da so'onataxan na 'alhua, qataq ỹataqta huo'o da icoxo da choche sashelaxaatac.

Lucas 12:33

Qaq qaumiñi qome na qami' hueto'oto. Ime, qaq qaỹa'añim nam deuenaxaatapigui'. Ime, qaq qauo'oche cam qarachoxonaxaquii maye saishet da lto qataq ca nsallaxa hueta'ague da piguem maye saishet da imeuo, qataq saishet da inoxoneua'a cam cachaxaic, qataq saishet da chec ca lalaxat.

Lucas 12:29

Qaq ỹoqo'oye saishet qome da leetapigui ye qarvilli souaxat cam qolliqui qataq cam qanỹomiigui.

Lucas 12:22

Qaq co'ollaq ime, nache So Jesús 'enapegalo soua lapaxaguenataqa, 'eeta': «Nagui qami' shenapegalo: Saishet qome da ỹataqta ỹapac da qarhuogoqoi cam qolliqui qataq cam qanapoiña.

Lucas 11:41

Qaq dam ỹataqta ỹaỹamaqchiguiñi lataxac qataq 'eesa da qui'itta, damaye nachera da ñi 'oonolec detaunaxanot ca hueto'ot, da itauan na choxoraqpi.

Lucas 10:25

Huo'o so dapaxaguenataxaatapeguec na namaxasoxonaxacpi nquigueua'a So Jesús da yaqto' inat da ishet da ỹasateguet so lnataxanaxac maye ỹataqta alaqaic, nache 'eeta': –'Am Napaxaguenataxanaq, ¿chaq negue't ca iuen da so'ot da yaqto' saconeguet ca nca'alaxa maye chochaq tatec?

Lucas 3:11

Nache so Juan 'enapeco': –Qomye ca dos caua l-lomaxaqui', qalaq ỹanem ca 'oonolec cam qaica ca l-lomaxaqui, qataq cam huo'o ca aloq, qalaq ỹachet cam qaica ca aloq.

Eclesiastés 11:2

Cam 'am hueto'ot, 'aỹa'anoiguilo caua siete huo'otaq caua ocho, cha'aye sa 'auaỹaten negue't cam qauem maye ishet da nvira ana 'alhua.

Mateo 16:7

Nache soua lapaxaguenataqa detaqtega't co'ollaxa, 'eetra': «Ỹoqta da nasaxauec de'era da Jesús souaxat da qomi' saishet da ñachoq aca nauole 'ayiiña.»

Lucas 12:16

Huaña, nache So Jesús huo'o da daloqnaxana, 'eeta': «Huo'o so ỹale ỹataqta sallaxanec, so do'onataxaatapeguelec 'alhua ỹataqta qalota naqa'en ana ala so lañiguishec co'ollaq nqat.

Lucas 12:18

Qaq co'ollaq nmate' da lhuennataxac, nache 'eeta': ‹Aja', saỹaten nagui dam iuen da so'ot. Nagui aỹem ñelaxaañi ñim laponaxaqui na ala na ỹañiguishec, da yaqto' so'ot ca lỹa ỹactec da lta'araic ñaqa'en. Qaq qom ime, qaq soxotoigui 'enauac nam ala na ỹañiguishec maye ñeqat, nataqa'en 'enauac nam aỹem hueto'ot.