Lucas 12:15 - La'aqtaqa Ñim Lo'onatac 'Enauacna 2013

¹⁵ Ime, nache ỹamataigui som hueta'a yi'iye, nache 'enapeco': «Maxatchaxa, qarvichiỹa'aguet da nqopitaxanaqtaic da nsallaxa, cha'aye da nachaalataxac ca shiỹaxaua saishet da ỹachegoxotaigui nam saqalota lsallaxa maye hueto'ot.»

Nuevo Testamento Toba Sur

¹⁵ Nataq'en 'enapeco': –Maxatchaxa, qadvichiÿa'a qome 'enauac na nqopitaxanaqtaiguesat, cha'ayi da nachaalataxac ca shiÿaxaua sa ishit da ÿachigoxotagui nam saqalota lsallaxa mayi hueto'ot.

Nuevo Testamento Toba Sombrero Negro

¹⁵ Nataq'aen dojapegue'to ena'uaque ga'me jiyaĝadipi, enaac: —'Noota qom achiya'aguet ta'le auepichiya'alo gaa'me adepitaqataĝanaĝacodi', qa'a da'me at'oyaĝaqui ja chiyaqayi da'me ta'le jalcote ga'me auañiyalo jo'ne uo'oe.

Lucas 12:15 Referans Kwoze

Hebreos 13:5

Qataq saishet da ỹaguec da qarhuogoqoi da qanaviqui aca anom. Nachaqrata da qantoñiitapeguec cam qami' hueto'oto, cha'aye Ñim Lo'onatac 'Enauacna 'eeta' da la'aqtac maye nanettalec ana nere maye huetalec na la'aqtacpi Ñimaye: «Saishet da 'am seỹotec, qataq saishet da 'am salat.»

Proverbios 15:16

Na'aictoxo' da choxoraq ca shiỹaxaua, qalaxaye huo'o naq 'enec naqa'en Ñim Nataxala', qaq saq 'ena'am da sallaxanec ca shiỹaxaua, qalaxaye nda'a't da nque'eenaxac.

Proverbios 16:16

Ỹoqta ỹactec da 'onaxaic da qaỹaconeguet da naỹaanec, qaq saq 'ena'am ca oro, qataq da nauattonaxanaxac, napacalec na lcat plata.

2 Timoteo 3:2

Huo'o qome na shiỹaxauapi na maiche nauoola't, qataq quetague' da lqopitaxanaqtaic ana anom. Nataqa'en huo'o qome na shiỹaxauapi ño'oxonnaxaic, 'eetega da ỹactec da la'amaqchec, saq 'ena'am na laỹepi. Saishet da huo'o ca 'enec naqa'en Ñim Lo'onatac 'Enauacna qataq saishet da ỹalaxaleguete caua yo'oqchiguilo lta'al, nachaqrata da qaica ca nmaatega qataq camachaqca ca isheuen.

Lucas 16:14

Nache hua'aqtega 'enauac de'era nam fariseopi maye ỹataqta lqopitaxat da nsallaxa, nache ỹe'eetac So Jesús.

Colosenses 3:5

Qaq ỹoqo'oye qami' iuen da ileu qanqa'eñi da qarqopitaxanaqtaiqui maye qauem. Qaica qome ca huetapeeguet aca sa lhua, qataq saishet qome da sa qanaỹamaxachiỹapec, qataq qanlliỹañi qome da qauem qarqopitaxanaqtaiqui, qataq saishet qome da choche qanmichiita'a da choche qalaỹoñiitasheguem ana qo'omi, cha'aye damaye 'eeta'am da qanatameetacot na ne'enaqtacpi maye saq 'en.

Lucas 8:14

Qaq asom nañiguishe maye tatelec som 'alhua maye huo'o ana ỹaxat, qalaq naigui ca shiỹaxaua maye na'axaỹaxaatega da na'aqtac. Qalaxaye saishet da hua'aqta'a damaye da naralaxat da nachaalataxac, nachaqrata da iuennatega nam yo'oqchigui lhuenaxanaxa da qanauec aca anom qataq da 'eetec da iqopitaxaatac da nachaalataxac.

Salmos 62:10

Saishet qome da qaupi'iitega da loquiaxac, saishet da qaỹa'agaqñiỹauec da ncachaxac, da ivita da nquictasheguem da qarsallaqai, qalaq saishet da qaumachiỹalec da qarquiyaqteỹaxaqui damaye.

Salmos 37:16

Na saq 'amaqtaq lalamaxat ca ỹale no'on da lataxac, namaye ỹataqta 'onaxaic, qaq saq 'ena'am na qalota lsallaxa na qauemaicpi.

2 Pedro 2:3

Ne'ena napaxaguenataxanaqpi maye tenataxanaxaicpi, namayepi choche quetague' da lqopitaxanaqtaic da ỹaconeguet aca anom, qataq nauec acamaye souaxat da latenataxanaxac. Qalaxaye Ñim Lo'onatac 'Enauacna mashe qaỹoqtegue da lhuennataxac da ỹauo'o ca nhuaxanaguec namayepi, qaq namayepi saishet da ỹet que'eca nhuaxanaguec.

Habacuc 2:9

Qaq choxoraxaso' 'am, maye 'anlaxatchigui na 'arma' nam 'arcachaxatpi, cha'aye 'anshetaique da 'am ỹet 'enauac na lcheguesat.

Salmos 10:3

Na qauemaic qalaq ño'oxoreetapigui na maiche 'eetapeguecpi, qaq na qopitaxanaqtaqaic qalaq ilattapiguiñi qataq ỹo'otan Ñim Nataxala'.

Da na'aqtaguec so Job 2:4

Qalaxaye so Pa'aguenataxanaxaic, 'eeta': «Qomye da saxanaxa da qaipoteua'a da lo'ocỹaxac ñi 'oonolec, nache 'enauac qaica cara. Qataq qaica ca iteetega, cha'aye huotaique da nca'alaxatec da maiche nachaalataxac.

Josué 7:21

Can sela'a so ỹataqta 'onaxaic npo' maye qaỹachegoxota'ague da Babilonia, qataq aso doscientos aso lcatpiole plata qataq so 'oonolec laỹe' so oro maye ivi' medio kilos, ỹalectaigui som qaiuotaxanec nogoxoshetpi. Nache soqopita'alo yi'iyiua nogoxoshe'ete, ỹoqo'oye aỹem saconalo yeemaye qataq soxottrañi, selaroigui na 'alhua nam pa'auo ñi ipe'l, qaq aye lcatpi plata, nache sepa'axaachiguiñi.»

Lucas 21:34

Qalaxaye maxatchaxa, saishet da qaumiiguet da qauennacheetega da qauo'oche ca qarquia'axaqui qataq da qaumiiguet da qartaqai, qataq saishet da qaumachiỹalec nam chochaqna, yaqto' que'eca na'a'q saishet da qami' ique'elaxa't,

Miqueas 2:2

Qaq da huo'o ye nqopita 'alhua nache ỹacona da ỹauo'o lalamaxat, qataq da nqopita ca nỹec nache ỹacona da ỹauo'o lalamaxat, qataq sa iyacnapec cam ỹale qataq cam llalaqpi maye lalamaxat que'eca nỹec.

Jeremías 6:13

Qaq 'enauac na ỹepi qataq nam ñaqpiolec, nacherata da iuennatega da lcachaxac da chegaqaigui da lauegaxanaxac, na na'aqtaxanaxanecpi qataq na ntaxaỹaxanaxanecpi qalaq 'enauac da decachetac.

Proverbios 28:16

Ca nta'a qaica ca ỹaỹaanapec camaye nquigaxattauec da huetaiya' naqa'en na shiỹaxauapi, qaq ca saishet da mataxalaic qalaq logoraic da nachaalataxac.

2 Pedro 2:14

Ne'ena ỹalleppi saishet da choche ilota'a aca 'alo da huo'otaq sa iyaqa'a da hue'eguet, qataq saishet da nasamiisop da ỹo'ottac na qauem. Qataq ỹatenachettac nam saxanaxa da da'añi da lpi'iỹaxac So Cristo, qataq ỹataqta saishet da nqalat da datenataxan da yaqto' nqat aca anom. Ne'ena shiỹaxauapi namayepi Ñim Lo'onatac 'Enauacna ỹauo'o ca nhuaxanaguec qome; ¡qaq damaye ỹataqta saishet da qaiqoleguet!

Ezequiel 33:31

Qaq 'era da 'eetec naxa na ỹalamaxat nhuo' le'ecpi, da anac nache nso'ooñi 'am datato'ot da na'axaỹaxanalo naua 'ara'aqtaqa, qalaxaye saishet da ỹo'o't. Nacherata da ỹe'eguelaxattaleguete 'eeta'am naqa'en ca no'onec maye huetaigui da nauotaxanaqtaic, qalaxaye da lquiyaqteỹaxac quetague' da lauotaxanaqtaic ana anom plata.

Lucas 12:16

Huaña, nache So Jesús huo'o da daloqnaxana, 'eeta': «Huo'o so ỹale ỹataqta sallaxanec, so do'onataxaatapeguelec 'alhua ỹataqta qalota naqa'en ana ala so lañiguishec co'ollaq nqat.

1 Reyes 2:40

nache somaye ñisheguem da ỹo'oolec so lalo 'ashena, da yaqto' nqo'ona ye Gad maye naña so Aquis, da ỹe'eguena'alo soua l-lataqa. Qaq co'ollaq mashe ñe'eguelaq so Simea, nnaictagueto soua l-lataqa,