Lucas 12:14 - La'aqtaqa Ñim Lo'onatac 'Enauacna 2013

¹⁴ Qalaxaye So Jesús 'enapega, 'eeta': –'Am shenapega, ¿negue't ca Aỹem ỹanagui da saỹamaxaañi cam qancotaitapigui, huo'otaq da secolaxachigui da nsallaxa?

Nuevo Testamento Toba Sur

¹⁴ Qalaxayi so Jesús 'enapega, 'eeta': –'Am shinapega, ¿négue't ca aÿim ÿanagui da i'onataxanaxac da ñimit ca nasouaxashit, huo'otaq da seÿodacachi da nsallaxa?

Nuevo Testamento Toba Sombrero Negro

¹⁴ Qalaĝaja Jesús 'yateguet: —¿Toqoch'e aueetapega mach'e 'yonatac da'me dojo' qaedi ena'am ta'le jayem anec'atenoqo't uotaĝa jelolegue da'me adeuoyaĝaqui?

Lucas 12:14 Referans Kwoze

Romanos 2:3

Qaq 'am da 'auauo'o ca lasouaxashet qataq da 'anmittac na 'araỹepi, qalaxaye da nataqa'en 'auo'ottac nam ỹo'ottac namayepi, nache 'am ỹataqta 'ape'enaxan da qonetega da Ñim Lo'onatac 'Enauacna saishet da ỹo'ot ca 'anhuaxanaguec.

Romanos 9:20

nache aỹem ishet da sasateguet camaye sheeta': «'Am ñauochaxaua, ¿negue't 'am da qonetega sa ỹaỹamaxaayiñi naua lhuennataxaco Ñim Lo'onatac 'Enauacna?» Aca taxaqui maye no'oxona 'alhua, saishet da quetapeguelec cam ỹo'oxon souaxat da lataxac acamaye.

Romanos 2:1

Da huo'o ca 'oonolec da qoñiita da ỹauo'o ca lasouaxashet ca lỹa, nache camaye maiche ỹo'ottac nataqa'en ca lasouaxashet, cha'aye nataqa'en ỹo'ottac damaye. Qaq ỹoqo'oye camaye sa ỹaỹamaxañi da ỹauo'o ca lasouaxashet ca lỹa huo'otaq da nmittac,

Éxodo 2:14

Nache se'eso hebreo le'ec 'enapeco': «¿Negue't ca 'am ỹanagui da 'am qarataxala' qataq da qomi' 'anmi't? ¿Qalqo' 'auauotaique da aỹem 'aualauat da 'eeta'am 'anqa'en so 'aualauat co'ollaxa Egipto le'ec?» Qaq co'ollaq hua'axaỹa de'era so Moisés, nache ỹataqta huo'o da lcolanaxa, cha'aye tachigui lauel da mashe ya'aqlec da l-leuaxa se'eso lalaatac Egipto le'ec.

Juan 8:11

Nache asomaye 'enapeco': –Qaica, 'am Ỹataxala'. Nache So Jesús 'enapego' asomaye, 'eeta': –Aỹem nataqa'en saishet da sauo'o ca 'arasouaxashet. Qaq nagui 'am qojec, qalaxaye saishet da qaltaq 'avi'eguelaxalec da 'auo'ot som qauem maye 'auo'ottac.]

Juan 6:15

Qalaxaye So Jesús co'ollaq noma da qaỹauotaique da qaỹaconeua'a da qoỹanagui da nta'a, nache Somaye qaltaq ca'ai somayepi da tasheguemec aso qaỹoqotcheguemec 'alhua, da yaqto' nda'a't ca hueta'a.

Lucas 5:20

Nache So Jesús co'ollaq ila'a da lta'araic lpi'iỹaxa'c soomaye, nache 'enapega so sa no'on, 'eeta': «¡'Am ñauochaxaua, nagui sapalaxat na 'arasouaxashetpi!»

Miqueas 6:8

Ñim Nataxala' mashe 'am da'aqtaxaatapeguem dam no'on. Maye iuatta'a Ñimaye da 'auo'ot, 'eeta': 'Auo'ot da nalochiguiñi lataxac, qataq 'auo'ot da nchoxonnataxanaxa, qataq 'am huesota da 'auatato'ot Ñim 'Anatamnaxala'.

Lucas 22:58

Qaq co'ollaq qaỹata'ague de'era, qaltaq jec so lỹa da ila'a somaye, nache 'enapega, 'eeta': –¡'Am nataqa'en 'am 'oonolec nam ca'attague' da Jesús! Nache so Pedro ỹasateguet 'eeta': –Aque', saishet da nachaỹem.

Lucas 12:13

Nache huo'o so shiỹaxaua maye hueta'a yi'iye 'enapega So Jesús, 'eeta': –'Am Napaxaguenataxanaq, qonapega ctaxa ñi ỹaqaỹa da icolaxachigui da nsallaxa maye qomi' no'onaxata'agueta co'ollaxa so qarta'a.