Lucas 12:11 - La'aqtaqa Ñim Lo'onatac 'Enauacna 2013

¹¹ Qaq qom ivita da qami' qaỹauegueua'alo ana napaxaguenaxaquipi na judiopi huo'otaq nam nmit na nasouaxashetpi qataq nam nataxala'pi da qami' qanmi't, nache saishet qome da tatapigui qarvilli cam qarasataxaqui qataq cam qoñiitec da qauataiỹa'aguet namayepi.

Nuevo Testamento Toba Sur

¹¹ Qaq qom ivita da qami' qaÿauegueu'alo anam laponaxaquipi na judiopi huo'otaq nam nta'alpi qataq nam nataxala'pi, qalaq sa ishit qome da tatapigui qadvilli cam qadasataxaqui qataq cam qoñiÿapec.

Nuevo Testamento Toba Sombrero Negro

¹¹ “Qom ami qoyauegouelo ga'me nemaĝaiqui, ami qoyajoĝona'agueta gaa'me jiyaĝadipi nec'atenoqo't nataq'aen jaliaĝanaqa, ena'te aviyechitac queda'me jach'e jogamaĝa at'ataĝaqui uotaĝa ga'me anenaĝachiyegue,

Lucas 12:11 Referans Kwoze

Lucas 12:22

Qaq co'ollaq ime, nache So Jesús 'enapegalo soua lapaxaguenataqa, 'eeta': «Nagui qami' shenapegalo: Saishet qome da ỹataqta ỹapac da qarhuogoqoi cam qolliqui qataq cam qanapoiña.

Mateo 23:34

Aỹem samaq qome ca ỹa'aqtaxanaxanecpi qataq ca ỹaanaxanaxaicpi qataq ca napaxaguenataxanaqpi. Qalaxaye huo'o qome ca qaualauache camayepi qataq qauaxañiiguet ca npe'enaxaqui; qataq huo'o qome na qauaxañiitac da huaigui ana qanapaxaguenaxaqui, qataq huo'o qome ca laỹepi da qaviraxachiỹa'a na laỹepi nỹecpi da qaucañiitac.

Éxodo 4:12

Qaq ỹoqo'oye nagui 'aue, qojec, aỹem 'am soota'aguet qome da 'autaqa, qataq 'am sapaxaguenec ca llec ca 'artaxaỹaxac.»

Mateo 6:25

Qaq ỹoqo'oye nagui qami' shenapegalo da saishet qome da nachaqrata da qauennacheetega cam qolliqui qataq cam qanỹomiigui, qataq cam qorogoxoche maye qaviñiitac. Cha'aye, ¿qaỹo'ot peta'a da achaalataxac da yaqto' nachaqrata da lquia'axac? Qataq ¿qaỹo'ot peta'a da no'ocỹaxac da nachaqrata da qano'otaxanaxaatac?

Mateo 6:27

Cha'aye ¿negue't ca 'oonolec da qoñiita da huo'otaq ỹapactec da lhuogoqchec, nache ishet da nquigaxat da lca'alaxa?

Mateo 6:28

Ña qauloỹa ana huoue maye huo'o ana lauoxo maye huetalec na no'onaxa. Anamayepi saishet da do'onataxan qataq saishet da ỹo'ot ca logoxot.

Mateo 6:31

Qaq ỹoqo'oye saishet qome da nachaqrata da qauennacheetega ca qolliqui, qataq cam qanỹomiigui huo'otaq ca qorogoxoche maye qaviñiitac.

Mateo 6:34

Qaq ỹoqo'oye saishet qome da leetapigui ye qarvilli cam huaigui ca lỹa na'a'q. Cha'aye ca lỹa na'a'q huo'o ca maiche lalamaxat da huaigui. Qauennachiỹa'a da mashe qalota na seviraxaguet lqalaicpi ye 'oonolec na'a'q.