Lucas 11:9 - La'aqtaqa Ñim Lo'onatac 'Enauacna 2013

⁹ Ỹoqo'oye qami' shenapegalo nagui: Qauỹaxañiỹot Ñim Lo'onatac 'Enauacna, qaq Ñimaye qami' ỹanema cam qauỹaxañiitaique, qautaqỹapegue' Ñimaye, nache qauanachiỹa cam qanmichiitaique, qautoqñiiua'a ca lasom, yaqto' qami' qanauategueta.

Nuevo Testamento Toba Sur

⁹ Qaq ÿoqo'oyi qami' shinapegalo nagui: Qauÿaxañi, qaq yi ñi Dios qami' ÿanema cam qauÿaxañiitaique; qaumitaxañi, yaqto' qauanachiÿa cam qanmichiitaique; qautoqñiu'a ca lasom, yaqto' qami' qanauategueta.

Nuevo Testamento Toba Sombrero Negro

⁹ “Chane'eja ami ja'aĝatema: auajelaĝañiyot ñe'me Dios, qama'le ami qoyanema qomle; anec'achiya joñe'me qaedi anemichiyaque ga'me auoviñetaque, qama'le auejomiyalegue qomle; auajoyiya'uet ga'me jom da'me aviyaĝañiya'uo, qama'le ami qo'youategueta qomle.

Lucas 11:9 Referans Kwoze

Juan 15:16

Qami' saishet co'ollaxa da Aỹem qarca'aguishiqui, Aỹem maye qami' ica'agui'she. Nache qami' shenapegalo da yaqto' ỹataqta qalota da alaỹaxac da qanachaalataxaqui, qaq de'era alaỹaxac da qanachaalataxaqui, damaye nache 'eetai'. Yaqto' Ñim Ita'a qami' ỹanema 'enauac nam qauỹaxañiỹaique da qoviilec da ỹe'enaxat.

Juan 15:7

Qaq qami' da nache 'eetai' da Aỹem qana'ayeetaua'a, qaltaq qaualaqaiguet 'enauac nam qami' sapaxagueneque, nache Ñim Ita'a qami' ỹanema 'enauac cam qauỹaxañiỹaique.

Juan 14:13

Qaq 'enauac nam qauỹaxañiỹaique da qoviilec da ỹe'enaxat, nache Aỹem so'ot, yaqto' ne'ena Llalec Ñim Lo'onatac 'Enauacna ishet da ỹachaxan da llo'oxoyec Ñim Lta'a.

1 Juan 3:22

Nache qomi' ỹanema cam seỹaxanaqaique, cha'aye salaxasoxoguet nam lamaxasoxonaxacpi, qataq so'otaq cam ỹaỹamaxareeta Ñimaye.

Santiago 1:5

Da huo'o ca 'oonolec da qoñiita da iuen ca laỹaanec, qaq no'on da iỹaxanot Ñim Lo'onatac 'Enauacna. Qaq Ñimaye ỹami' camaye ỹataqta sa naloqnañi, cha'aye saishet da ỹauota'a da la'aloxo ca shiỹaxaua.

Salmos 118:5

Co'ollaq huo'o da ỹachetataic nache seỹaxanot Ñim Nataxala', qaq Ñimaye aỹem hua'axaỹa nache aỹem huesochiguiñi naqa'en.

Jeremías 29:12

Qaq huaña qome, nache Aỹem qauỹaxañiỹot qataq Aỹem qauanaiua'a da qanatamñi, nache Aỹem qami' sa'axaỹalo qome.

Hebreos 11:6

Cha'aye Ñim Lo'onatac 'Enauacna sa ỹaỹamaxaren da qaica ca qarpi'iỹaxac Ñimaye. Qaq ỹoqo'oye da qanshetaique da qaivira'a da auochaxaua Ñim Lo'onatac 'Enauacna qalaq iuen da qaỹa'amaqten da 'eesa da huo'o Ñimaye, qataq da ishet da ỹami' ca laueguec cam nmitaique da nauochaxaua Ñimaye.

Santiago 5:15

Qaq camayepi da ỹataqta huo'o da lpi'iỹaxac da nqouagaxauen, nache Ñim Lo'onatac 'Enauacna ỹasateguet camayepi, nache nataren cam sa no'on. Qaq da huo'otaq huo'o ca lasouaxashet cam sa no'on, nache nataqa'en ỹapalaxat Ñimaye.

Jeremías 33:3

Aỹem 'aỹaxana qome, nache Aỹem 'am sasateguet, nache 'am sa'axatem cam lataxac maye ỹataqta lta'araic, qataq saqcha'a maye 'am sa 'auaỹaten.

Salmos 34:10

Na sallaxanecpi qalaq ỹe'eguelaxa da choxoraq qataq nque'etaxangui na lqouaxa, qalaxaye nam nmitaique Ñim Nataxala', qalaq qaica ca iueetac.

Hebreos 4:16

Qaq ỹoqo'oye da huo'o ca qarhuenaxanaxa, nache no'on da maiche sauoqo'o da qanaquitaxac da ñequigaxaua'a ca hueta'a Ñim Lo'onatac 'Enauacna. Qaq Ñimaye qomi' itaua'n, cha'aye ỹataqta soxoraic, qataq qomi' lauotaqa'ate.

Salmos 50:15

Qataq Aỹem 'aỹaxana qom huo'o ca 'anque'eenaxac, nache aỹem qome 'am ñepaxattalec, huaña nache 'am aỹem 'avio'oxoreetac.»

Salmos 34:4

Aỹem seỹaxanot co'ollaxa Ñim Nataxala', nache Ñimaye aỹem ỹasateguet, qataq aỹem isoueeguesop 'enauac na icolanaxasat.

Juan 4:10

Nache So Jesús 'enapeco': –'Am saishet da 'auaỹaten dam huotaique 'am ỹanem Ñim Lo'onatac 'Enauacna, qataq nataqa'en saishet da Aỹem 'auauatton. Cha'ayectaxa da 'auaỹaten, nache 'am Aỹem 'auỹaxanot taxa ca 'etaxat, nache Aỹem 'am sanem ca 'etaxat maye chegaqaigui da nca'alaxa.

Salmos 27:8

Cha'aye da iuennataxac, 'eeta': «Ñaq 'anmitaique da yaqto' 'anauane' Ñim Nataxala'.» Qaq ỹoqo'oye 'am Nataxala', ỹataqta 'am ñimittaique da 'am ñauane'.

Mateo 6:29

Qalaxaye, Aỹem ỹataqta 'eesa de'era qami' sa'aqtaxanema da so nta'a Salomón co'ollaxa qaica ca 'ena'am da lsallaxa, qalaq saishet da ivi' da lyac anamayepi.

2 Corintios 6:2

Cha'aye Ñimaye, naua la'aqtaqa maye nanettrañi, 'eetra': «So na'a'q maye ichoxonnataxanaxaqui, qalaq 'am sa'aqtega; qataq so na'a'q maye huetoigui da seca'alaqtaxan, qalaq 'am setauan.» Qaq nachena na na'a'q nchoxonnataxanaxaqui; qataq nachena na na'a'q nca'alaqtaxanaxaqui.

Marcos 13:37

Qaq de'era qami' sa'aqtaxaateguema, damaye nataqa'en sa'aqtaxanem 'enauac na shiỹaxauapi: ¡Ỹataqta qanloitec qome qataq nache 'eetai' da qauauanaxañiitac!

Romanos 2:7

Cam ỹo'ot ca ỹaỹamaqchiguiñi, cha'aye huo'o da naquitaxac da ỹaconeguet ca laỹamaxannataxanaxac Ñim Lo'onatac 'Enauacna, nache qoỹami' ca llo'oxoyec qataq ca achaalataxac chochaq tatec, nache Ñim Lo'onatac 'Enauacna hua'axaỹa'a qome da chochaq tatec da lmayaxaua camaye.

Salmos 27:4

Qaq 'oonolec da seỹaxaatapegueua'a qataq 'oonolec da ñeqopittega da aỹem ỹami' Ñim Nataxala', qaq damaye 'eeta': sootaua'a añi atamnaxaqui maye lalamaqte Ñim Nataxala' 'enauaque naua na'axa'te da ñachaalataxac, da yaqto' ñatameetac da sootaigui añimaye, qataq da semeteetac da lyacỹaxac Ñimaye.

Daniel 9:3

Qaq huaña, nache ñatamen da ñachoxonnot Ñim Nataxala' maye Ñatamnaxala', qataq ñeqouaqchet qataq saayiñi soua sansatte' anogo, qataq ñeso'ongui so alo.

Mateo 21:31

Qaq ¿chaq negue't se'esoua dos ñalqa cam ỹo'ot da 'eetapeguec so lta'a? Nache som ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som lataxala'pi na judiopi 'enapeco': –Qomye som llalec ỹe, 'enapeco' somayepi. Nache So Jesús, 'eeta': –Ỹoqta 'eesa de'era qami' sa'axatema, da nam shiỹaxauapi maye qauem da na'aqtaguec, qataq nam ỹacootapeeguet ana nsheetenaqte ca nta'a qataq anam quisheguetaxaipi, namayepi la'auaxanec da inoxoneua'a da lo'onataxanaxac Ñim Lo'onatac 'Enauacna.

Isaías 45:19

Aỹem saishet da ñeqañoxottañi co'ollaq setaqa, huo'otaq da sootaigui ca napalaxa ana 'alhua. Saishet co'ollaxa da shenapega nam chegoxoguetpi so Jacob, da sheeta': ‹Qanmiche cam qaica ca hueta'a da Aỹem qanmichiỹaique. Aỹem Nataxala', aỹem sa'axat cam 'eesa, qataq ñasaxauec cam ỹaỹamaqchiguiñi lataxac.›»

Apocalipsis 2:24

Qalaxaye nam hueta'a ye nỹecpi ye Tiatira maye saishet da quegue naua lapaxaguenataxanaxaco aña'añi 'alo, qataq sa ivita da ỹauatton nam qoỹeetega saqcha'a lataxacpi so pa'aguenataxanaxaic, qaq Aỹem sami' de'era 'oonolec iqataxac:

Cantares 5:6

Sauatoigui so lasom da sauateguet so ỹauotaxat. Qalaxaye somaye mashe saq hueta'a yi'iye. Nache ỹataqta nlleuchiguiñi na ỹo'oc ỹasouaxat da mashe jec. Ñimittaique qalaxaye saishet da sanata, seỹaxaataique qalaxaye aỹem sa ỹasateguet.

Lucas 11:10

Cha'aye cam pi'iỹa'a Ñim Lo'onatac 'Enauacna, nache ỹaconeguet cam iỹaxaataique, qataq ỹanata cam nmittaique, qataq da deỹaxan qalaq qaiqoche'eguet.