Lucas 11:54 - La'aqtaqa Ñim Lo'onatac 'Enauacna 2013

⁵⁴ Qalaxaye choche ỹe'egueetac So Jesús, saiuena'a da huo'otaq huo'o ca nasaxauec la'aqtac sa ỹaỹamaxañi, qaq nacheca chegoqchigui naqa'en da huo'o ca ỹasaxalec lasouaxashet.

Nuevo Testamento Toba Sur

⁵⁴ Chochi qanqoviitac somayi, sa iuena'a da huo'otaq huo'o ca nasaxauec l'aqtac da sa ÿaÿamaxañi, qaq nachica chigoqchigui qanqoÿin da huo'o ca qaÿasaxalec lasouaxashit.

Nuevo Testamento Toba Sombrero Negro

⁵⁴ qa'a yeuateteda'a ta'le 'uo ga'me nenaĝategue jo'ne qoyen uajoilegue qa'a ch'e qonapogoĝotetac.

Lucas 11:54 Referans Kwoze

Marcos 12:13

Qaq co'ollaq ime, nache huo'o so qaỹamaxa So Jesús som chegaqaigui na fariseopi, qataq som quetague'pi so nta'a Herodes, da qaỹauotaique da qaỹe'eguen So Jesús, da yaqto' ishet da qaỹachegoxotchigui da qaỹauo'o ca lasouaxashet.

Mateo 22:35

Nache huo'o so 'oonolec somayepi som ỹaỹaten na namaxasoxonaxacpi maye quetalec so judiopi, ỹe'eguen So Jesús, nache inat, 'eeta':

Mateo 22:15

Qaq huo'o so na'a'q nache nam ỹalectaigui na fariseopi detaxaỹapega't da naỹaana't da huo'o ca nasaxauec la'aqtac qanqa'en So Jesús cam chegoqchigui da qaỹauo'o ca lasouaxashet.

Lucas 20:20

Nache ỹauo'oi soua lamaxa'she da choche 'axaỹaxanaxanaqa. Soomaye choche ỹe'enaxa't da 'eetega no'o'n shiỹaxau', da yaqto' isomaxanaqche't naua la'aqtaqa So Jesús, nache ishet da huo'o ca qaỹachegoxotchigui lasouaxashet, nache qoỹaneua'a so lta'a nam netaña ye 'alhua Judea som lca'aguishec so lta'a na nta'alpi maye netaña ye Roma.

Marcos 3:2

Qaq so chegaqaigui na fariseopi choche nauaatac So Jesús da huo'otaq nataren so ỹale se'eso na'a'q mataxaqui maye saishetapec namayepi, da yaqto' ishet da qaỹauo'o ca lasouaxashet Somaye.

Mateo 22:18

Qalaxaye So Jesús ỹaỹaten dam qauem 'eetapeguec somayepi. Nache 'enapega, 'eeta': –Qami' maye qoñiitega da qami' 'eesora, ¿ta'ainco' ye Aỹem qavi'iguiñiitac?

2 Reyes 5:7

Qaq so nta'a ye Israel, co'ollaq ime da itaxaỹaxaatac asa'aso nere, nache ncolaxata'aisalo soua alogo. Nache 'enapeco': ¿Peta'a nachaỹemo' da Ỹo'onatac 'Enauacna, da ishet da san qataq ñeqat da achaalataxac, da yaqto' que'eca nta'a aỹem namaxa de'era ỹale, da yaqto' no'oita ñaqa'en na lo'oc maye huetalec na lepra? ¡Ña qaumichiñiita de'era, cha'aye camaye yo'oqta da nmittaique ca lataxac da aỹem dataỹa'aguet!

Lucas 11:53

Qaq co'ollaq ca'ai so nỹec So Jesús, nache ca'attague' Somaye nam dapaxaguenataxaatapeguec nam namaxasoxonaxacpi qataq nam ỹalectaigui na fariseopi, nache qalota na lnataxanaxacpi.

Lucas 20:26

Nache saishet da huo'o ca ỹachegoxotchigui da ỹo'ot ca lasouaxashet naqa'en dam 'enapec co'ollaq datata'agueta Somaye. Chaqrata da ỹataqta huo'o da la'aalaqa' soomaye dam 'enapec So Jesús. Huaña, nache ỹe'emaqto'm.

Hechos 23:21

Qalaxaye saishet qome da 'aua'amaqten; cha'aye napacalec ca cuarenta na shiỹaxauapi na nqañoxottañi da dauanaxaatac. Qaq namayepi ỹan da la'aqtac da 'enapec sa deque'e qataq sa nỹom, da huo'otaq saxanaxa da ỹalauat ñi Pablo. Qaq yemayepi nagui mashe naỹamaxattai' choche qaiuatta'a ca 'ara'aqtac.