Lucas 11:53 - La'aqtaqa Ñim Lo'onatac 'Enauacna 2013

⁵³ Qaq co'ollaq ca'ai so nỹec So Jesús, nache ca'attague' Somaye nam dapaxaguenataxaatapeguec nam namaxasoxonaxacpi qataq nam ỹalectaigui na fariseopi, nache qalota na lnataxanaxacpi.

Nuevo Testamento Toba Sur

⁵³ Nachi co'ollaq ime da nasaxauec de'eda so Jesús, nachi nam dapaxaguenataxaatapeguec nam nqataxacpi qataq nam ÿalectaigui na fariseopi, ÿataqta dalemataÿa somayi. Nachi qanayictot da sa qaÿalemaxat da qainattac. Qalota nam qainataxaatapeguec.

Nuevo Testamento Toba Sombrero Negro

⁵³ Ca'li Jesús yenoĝonegue ca'e ga'me ue'ta, qama'le joga'me judiopi napaĝaguenoqo'tpi choqoga'me fariseopi yataqachiñe jalcote da'me yeloiquiaĝatedac, nataq'aen yauo'oe qayoĝode' gaa'me lenataĝanaĝaco,

Lucas 11:53 Referans Kwoze

1 Corintios 13:5

Qataq saishet da sa ncherapec, qataq saishet da napagaqaanaxaic. Qataq saishet da inogoqchet ca camachaqca. Qataq saishet da ima'ape naua na'axa'te da iuennatega ca qaỹo'otec sa ỹaỹamaxañi.

Lucas 20:27

Qaq co'ollaq ime, nache huo'o na anac nam ỹalectaigui nam saduceopi da nqo'oneua'a So Jesús. Namayepi 'eetega saishet da qaltaq nca'alec na leuaxaicpi. Nache 'eetrega So Jesús, 'eeta':

Lucas 20:20

Nache ỹauo'oi soua lamaxa'she da choche 'axaỹaxanaxanaqa. Soomaye choche ỹe'enaxa't da 'eetega no'o'n shiỹaxau', da yaqto' isomaxanaqche't naua la'aqtaqa So Jesús, nache ishet da huo'o ca qaỹachegoxotchigui lasouaxashet, nache qoỹaneua'a so lta'a nam netaña ye 'alhua Judea som lca'aguishec so lta'a na nta'alpi maye netaña ye Roma.

Jeremías 20:10

Huo'o da sa'aqtega naxa na shiỹaxauapi da nsoxootega't, 'eeta': «¡Ỹataqta vichiguiiñalo da lchec!» Qataq 'eeta': «¡Ñaq qauanaqui sauoqo'o ca lasouaxashet!» Qaq ivira'a na ñauochaxauapi iuatta'a da huo'o ca ñe'enaxac. Nache, 'eeta': «Saiuena'a da ishet da satenachetaq, qataq qoroxonec, nache sauoqo'o ca qarvi'.»

Jeremías 18:18

So shiỹaxauapi, 'enapec: «Sauoqo'o qome ca llapaxasoxoñi lataxac da yaqto' sataỹaqa'aguet so Jeremías. Cha'aye saishet da seuenaqtaique ntaxaỹaxanaxanec da qomi' ỹapaxague'n, qataq cam ỹaanaxanaxaic da qomi' ỹanema ca lqataxac, qataq ca na'aqtaxanaxanec da qomi' ỹa'axatema ca la'aqtac Ñim Lo'onatac 'Enauacna. Ñaq sauoqo'o ca lasouaxashet yaqto' qaỹalauat. Qaq saishet qome da salaxasoxoguet nam ỹa'axattacpi.»

Isaías 9:12

Qaq chegoqtegue da nala' lliguisheguem so siiriopi, qataq chegoqtegue da nala' lliguiñi so filisteopi, nache 'eco' 'oonolec da iuoxonañi so Israel le'ecpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Lucas 11:52

¡Ỹataqta qauem da qa'aita'ague qami' maye qauapaxaguenataxañiiteguec na namaxasoxonaxacpi! Cha'aye qami' ỹataqta qauaỹachiñiita da naigui da 'eetec da qaỹauatton Ñim Lo'onatac 'Enauacna, qalaxaye qaica ca qauo'oche cam ỹachaxan da 'eesa da qauauattoñiita Ñimaye, ivira'a da sa qauashiñim nataqa'en da huo'o ca lỹa maye huotaique ỹauatton Ñimaye.

Lucas 11:54

Qalaxaye choche ỹe'egueetac So Jesús, saiuena'a da huo'otaq huo'o ca nasaxauec la'aqtac sa ỹaỹamaxañi, qaq nacheca chegoqchigui naqa'en da huo'o ca ỹasaxalec lasouaxashet.

Hechos 26:9

Aỹem co'ollaxa ỹataqta saỹateeta da iuennataxac, da ỹataqta sataỹa'aguet de'era le'enaxat So Jesús maye Nazaret le'ec.

2 Corintios 8:6

So Tito nacheso so hua'auchiguiñi co'ollaxa da laỹootega't ana qarachetaqtaxanaqche maye qartaunaxanaqchi chegoqchigui da qarauotaxanaqtaiqui. Qaq ỹoqo'oye qomi' ñachoxorenaqtacot so Tito da yaqto' nache 'eetai' da queto'ot da ỹo'ottac de'era.