Lucas 11:51 - La'aqtaqa Ñim Lo'onatac 'Enauacna 2013

⁵¹ chegoqchiguiña co'ollaxa da l-leuaxa so Abel, choche ivitta'a da nalaataguec so na'aqtaxanaxanec Zacarías, som qaỹalauat co'ollaq vichiguingui ye laiñi añi no'onaxanaxaqui late'erai yem naña añi nca'atoxonaxalate. Qaq ỹoqo'oye ỹataqta 'eesa de'era qami' sa'aqtaxanema, da 'enauac da qoñiita huo'o ca qanhuaxanaguiiqui souaxat de'era nleuaxa somayepi.

Nuevo Testamento Toba Sur

⁵¹ Qaq chigoqchiguiña naq'en co'ollaq qaÿalauat so Abel, chochi ivitta'a da nalaataguec so Zacarías mayi qaÿalauat co'ollaq huangui na laiñi aso n'onaxanaxaqui late'edai yim naña aso nca'atoxonaxalate. Qaq ÿoqo'oyi aÿim shinapec da ñi Dios ÿachilec da nalaataguec somayipi qome naq'en ne'ena shiÿaxauapi mayi huetaigui nagui.

Nuevo Testamento Toba Sombrero Negro

⁵¹ chiyoqotelegue jaga'me tauo' di'me Abel chayovida'a Zacarías, jo'ne nach'edi qoyalat ca'li ua'a ga'me c'atoĝonaĝala' nataq'aen ga'me tamenaqa' jo'ne ja 'nalegue. Qama'le nayi ami ja'aĝatema queda'me Dios yepoleguelo'te jena'me jenjo' jiyaĝadipi da'me leleuaqa' jodia'me.

Lucas 11:51 Referans Kwoze

Hebreos 11:4

So Abel huo'o da lpi'iỹaxac co'ollaxa Ñim Lo'onatac 'Enauacna, qaq ỹoqo'oye aso ỹan lachetaqtaxanaqte ỹataqta no'on, saq 'ena'am so ỹan so Caín. Qaq ỹoqo'oye Ñim Lo'onatac 'Enauacna ỹamata'ac da ỹataqta no'on ỹale so Abel, nache ỹaconeguet aso lachetaqtaxanaqte. Qaq na'aictaxa da mashe ileu so Abel, qalaxaye ñaq queta da qanapaxaguenataguec chegoqchigui da lpi'iỹaxac somaye Ñim Lo'onatac 'Enauacna.

Mateo 23:35

Qaq ỹoqo'oye qami' qome qarasouaxashechi da nalaataguec 'enauac nam no'on da lataxac maye huetalec ana 'alhua, chegoqchiguiña da l-leuaxa so Abel, choche ivitta'a da l-leuaxa so la'aqtaxanaxanec Ñim Lo'onatac 'Enauacna le'enaxat Zacarías som llalec so Berequías. Se'eso na'aqtaxanaxanec qaualauache co'ollaq vichiguinguilo na laiñi ye netaña añi no'onaxanaxaqui late'erai qataq añi nca'atoxonaxalate.

1 Juan 3:12

Saishet da shenaqta'am so Caín maye 'eeta'am ca llalec so pa'aguenataxanaxaic, nache ỹalauat so lqaỹa. Qaq ¿ta'ainco' ye ỹalauat? Qomye da ỹo'ottac so Caín co'ollaxa ỹataqta qauem, qaq dam ỹo'ottac som lqaỹa co'ollaxa qalaq ỹataqta 'onaxaic.

Zacarías 1:1

Qaq huetoigui so ca'agoxoic ocho, co'ollaq mashe dos vi'iye da nta'a so Darío, nache Ñim Nataxala' ỹami' so la'aqtac so la'aqtaxanaxanec Zacarías maye llalec so Berequías qataq laual so Iddo, nache 'enapec:

Hebreos 12:24

Qami' mashe qanquiquiiua'a So Jesús, qataq qantooñita'ac da chegoqchigui Somaye da Ñim Lo'onatac 'Enauacna naralaxat da naỹamaxataxac da naỹamaxatto qami'. Qana'achec da chegoqchiguilo soua ltago'q So Jesús maye huecolde'c co'ollaq qaỹalauat da qaỹapalaxa't naua qarasouaxashe'ete maye chegaqaiguilo da qaye'etaxaloxo. Qaq ỹoqo'oye So Jesús napacalec da la'amaqchec so Abel, cha'aye soua ltago'q so Abel saishet da ỹa'n ca nchoxonnataxanaxa, nachaqrata da iỹaxaatraique ca lvi'.

Jeremías 7:28

Qonapega namayepi, qoneta': ‹'Ena na shiỹaxauapi maye saishet da ỹalaxaguet Ñim Nataxala' maye Natamnaxala', qataq sa ỹaỹamaxaren da qaỹaỹamaxaañi da lataxac. So huesota lataxac mashe imauec da qaica saishet da huetaigui na alap.›»

Génesis 4:2

Qaq ime co'ollaxa, nache qaltaq huo'o so lỹa llalec, le'enaxat Abel, som lqaỹa so Caín. Qaq so Abel, ỹataqta nalemaqteguet co'ollaxa da ilotague' ana qaguetapi, qaq so Caín, qalaq nalemaqteguet da ỹo'ottac na 'alhua.