Lucas 11:50 - La'aqtaqa Ñim Lo'onatac 'Enauacna 2013

⁵⁰ Qaq 'era da 'eetec da qami' qarasouaxashechi 'enauac da l-leuaxa som la'aqtaxanaxanecpi Ñim Lo'onatac 'Enauacna ana 'alhua,

Nuevo Testamento Toba Sur

⁵⁰ Yaqto' ne'ena shiÿaxauapi mayi huetaigui nagui ñi Dios ÿachilec 'enauac na ltago'qpi som l'aqtaxanaxanecpi mayi qaÿalauat, chigoqchiguiña naq'en co'ollaq chita'ague da qai'ot ana 'alhua.

Nuevo Testamento Toba Sombrero Negro

⁵⁰ Chane'eja jena'me jenjo' jiyaĝadipi nayi Dios yepoleguelo'te jaga'me letauo' jo'ne qoyen naliñi dia'me 'uaediñe aqataĝanaĝayaqa chiyoqo'teguet joca'li yemta qoye'et jena'me aleua,

Lucas 11:50 Referans Kwoze

2 Reyes 24:4

qataq souaxat da icoraxatrec naua ltago'q som shiỹaxauapi maye qaica ca ỹasouaxat, nache nlaxalec naqa'en ye Jerusalén na ntago'q. Qaq ỹoqo'oye Ñim Nataxala', saishet da ỹapalaxat na lasouaxashet somayepi.

Jeremías 51:56

Anac da ilaxachigui ye Babilonia nache loxonec qome na alleppi qataq ỹacagaxachigui na lchecnecpi namayepi. Cha'aye Ñim Nataxala', Nacheñi Ñim Lo'onatac 'Enauacna, maye ỹanem nam naigui nam ỹo'otpi ñi 'oonolec.

Jeremías 7:29

¡'Am Jerusalén, 'auchec qome na 'araue nache 'auasaxauec! ¡Qataq 'auo'on ca no'onec maye choxoraqta, da hualec ana lcomaraxalatepi maye toolec! Cha'aye Ñim Nataxala' mashe dalemataỹa na 'am hueta'a shiỹaxauapi, mashe ca'ai qataq saỹaconeguet.

Isaías 26:21

Cha'aye Ñim Nataxala' mashe yaqta'a da ca'ai ñi lma' lta'araic, da anac da yaqto' ỹauo'o ca nhuaxanaguec na shiỹaxauapi maye netalec ana 'alhua souaxat na lasouaxashetpi, nache ana 'alhua ỹachaxan qome na ntago'q maye laguelec anamaye, qataq saishet da nache queto'ot da ỹoxottapiguiñi na leuaxaicpi maye huetaigui anamaye.

Salmos 9:12

Ñim Lo'onatac 'Enauacna, saishet da icoua'ai na huo'o da nqui'ic, qataq saishet da icoua'ai da nnoinaxac namayepi.

Números 35:33

Qataq saishet da qana'axache qome ca 'alhua maye qoñiỹalec, cha'aye na ntago'q nachena na na'axat na 'alhua, cha'aye naua qaicoldec ntago'q saishet da iqui'itaxat, nachaqcata ca icolde'c co'ollaxa caua ntago'q maye ishet da iqui'itaxat da qaỹalauat camaye, nache ishet da qui'itta naqa'en.

Éxodo 20:5

Qataq saishet da 'aua'atto'oto naua 'arllecte qataq saishet da 'avio'oxoreetac, cha'aye aỹem Nataxala' Nachaỹem 'Anatamnaxala', Aỹem ca'alaxanaxaic ỹoqo'oye sauo'o da nhuaxanaguec ca shiỹaxaua maye aỹem nquiỹatega, qataq ca llalaqpi qataq ca laualpi qataq na llalaqpi ca laualpi.

Génesis 4:2

Qaq ime co'ollaxa, nache qaltaq huo'o so lỹa llalec, le'enaxat Abel, som lqaỹa so Caín. Qaq so Abel, ỹataqta nalemaqteguet co'ollaxa da ilotague' ana qaguetapi, qaq so Caín, qalaq nalemaqteguet da ỹo'ottac na 'alhua.

Mateo 25:34

Nache Aỹem maye Aỹem Nta'a shenapega nam no'on da lataxac, sheeta': «¡Ñi Ita'a qami' taaleguete da lqouagaxanaqtaic! ¡Qauanaqui, qaualliquiiua'a da lo'onataxanaxac ñi Ita'a maye, nache 'eetai' da iqataxaatapigui' co'ollaq saxanaxa da ỹo'ot ana 'alhua!