Lucas 11:46 - La'aqtaqa Ñim Lo'onatac 'Enauacna 2013

⁴⁶ Nache So Jesús 'enapeco': –¡Ỹataqta qauem da qa'aita'ague nataqa'en qami'! Cha'aye qauauo'oi na namaxasoxonaxacpi maye ỹataqta huo'o da lqalaic da qaipaqueelec, qalaxaye saishet da cara'acolec da qauauo'oi ca qana'añaxataxaqui da qaupaquiitelec namayepi.

Nuevo Testamento Toba Sur

⁴⁶ Qalaxayi so Jesús 'enapeco': –¡Ÿataqta choxodaxasodo' qami' mayi qauapaxaguenataxañiitapeguec na nqataxacpi! Cha'ayi qami' ÿataqta qaica ca ishit da ÿañoxot da ÿachi na lli'ac mayi qauachiilec ca shiÿaxaua, qaq qami' sa ishit da chochi 'oonole qai'axaatai aca ipotapegueu'a qanqashiñi.

Nuevo Testamento Toba Sombrero Negro

⁴⁶ Qalaĝaja Jesús 'yateguet: —¡Degueja qom'te da'me adachoĝodequi, nach'e ena'am ami paĝaguenataĝanaĝayaqa daa'me Dios lamaĝajoĝonaĝaco! Qa'a auachiyalo'te ga'me jiyaĝadipi gaa'me li'ya'j jo'ne qaya'te yaqanatet ta'le nalo'taguet, qalaĝaja ami qamqa'me ja jetaque ta'le ch'e onole jaga'me adiaĝatai qaedi alecochaĝanaĝanalo jogaa'me.

Lucas 11:46 Referans Kwoze

Lucas 11:52

¡Ỹataqta qauem da qa'aita'ague qami' maye qauapaxaguenataxañiiteguec na namaxasoxonaxacpi! Cha'aye qami' ỹataqta qauaỹachiñiita da naigui da 'eetec da qaỹauatton Ñim Lo'onatac 'Enauacna, qalaxaye qaica ca qauo'oche cam ỹachaxan da 'eesa da qauauattoñiita Ñimaye, ivira'a da sa qauashiñim nataqa'en da huo'o ca lỹa maye huotaique ỹauatton Ñimaye.

Gálatas 6:13

Cha'aye namayepi huo'o na na'anaxat na lo'oc, qalaxaye saishet da ỹalaxaguet na namaxasoxonaxacpi maye chegoqo'ot so Moisés. Nachaqrata da namayepi huo'o da lyaxa da qaỹo'ot ca qana'anaxache da yaqto' namayepi qami' na'amaqteetaleguete da qami' ỹañoxo't da qaỹauo'o ca qana'anaxache.

Isaías 10:1

¡Choxoraxaso' nam ỹo'ottac na nqataxacpi maye saỹaỹamaxañi qataq ỹa'axatec nam lataxac maye sa qanalo'oguet,

Lucas 11:45

Nache huo'o som 'oonolec nam dapaxaguenataxaatapeguec na namaxasoxonaxacpi 'enapega So Jesús, 'eeta': –'Am Napaxaguenataxanaq, 'enauac na 'anasaxauec maye talec 'anqa'en na fariseopi, nataqa'en ivira'alo qomi' da qomi' inogoqche't.

Isaías 58:6

'A'i, saishet. Dam qouaqchetaxac maye saỹamaxareeta, 'eeta': Qaisouec nam lcoñetaxat lcat cam qaica ca ỹasouaxat, qataq qaisogui ana ncoñetapi maye nlletañi cam nauegaxanaxaqui, qataq qaisouec nam qaipataqta'a'tpi, qataq imeuo qanqa'en 'enauac nam qaica ca iren,

Mateo 22:35

Nache huo'o so 'oonolec somayepi som ỹaỹaten na namaxasoxonaxacpi maye quetalec so judiopi, ỹe'eguen So Jesús, nache inat, 'eeta':