Lucas 11:45 - La'aqtaqa Ñim Lo'onatac 'Enauacna 2013

⁴⁵ Nache huo'o som 'oonolec nam dapaxaguenataxaatapeguec na namaxasoxonaxacpi 'enapega So Jesús, 'eeta': –'Am Napaxaguenataxanaq, 'enauac na 'anasaxauec maye talec 'anqa'en na fariseopi, nataqa'en ivira'alo qomi' da qomi' inogoqche't.

Nuevo Testamento Toba Sur

⁴⁵ Nachi ÿasat som 'oonolec nam dapaxaguenataxaatapeguec na nqataxacpi, 'eeta': –'Am mayi 'auapaxaguenataxaatac, de'eda 'anasaxauec nataq'en ivida'alo qomi' da qomi' i'aloqchi't.

Nuevo Testamento Toba Sombrero Negro

⁴⁵ Qama'le 'uo ñe'me judiopi napaĝaguenoqo't 'yateguet ca'li: —Paĝaguenataĝanaĝaic, da'me anenaĝategue da'me dojo' nach'e ena'am qo'mi auaquite'tape.

Lucas 11:45 Referans Kwoze

Jeremías 6:10

Qaq aỹem shenapec. «¿Negue't ca aỹem hua'axaỹa da sa'axatem qataq sanem de'era na'axaỹaxac? Ye namayepi ỹapotaguilo naua ltela lauaco, nache saishet da hua'aqa, namayepi ỹe'eeta'ape naua 'ara'aqtaqa qataq saishet da ỹamanegueta.

Juan 9:40

Qaq huo'oi soua chegoqraigui na fariseopi maye hueta'a yi'iye hua'aqchigui de'era, nache inattac So Jesús, 'eeta': –¿Damaye peta'a naigui nataqa'en da saishet da ñauanaxañi?

Juan 7:48

¿Peta'a huo'o ca 'oonolec na qarataxala'pi, huo'otaq nam fariseopi, da huo'otaq ỹa'amaqten Somaye?

Juan 7:7

Nam shiỹaxauapi maye huetalec ana 'alhua, qaica cam ỹoqta 'eesa da qauasoviilec da huo'omshe qami' nquiỹategalo. Aỹem, qalaxaye Aỹem nquiỹa, cha'aye Aỹem ỹataqta sa'aqtaxaatem namayepi naua lataxaco maye sa ỹaỹamaxayiñi.

Lucas 11:52

¡Ỹataqta qauem da qa'aita'ague qami' maye qauapaxaguenataxañiiteguec na namaxasoxonaxacpi! Cha'aye qami' ỹataqta qauaỹachiñiita da naigui da 'eetec da qaỹauatton Ñim Lo'onatac 'Enauacna, qalaxaye qaica ca qauo'oche cam ỹachaxan da 'eesa da qauauattoñiita Ñimaye, ivira'a da sa qauashiñim nataqa'en da huo'o ca lỹa maye huotaique ỹauatton Ñimaye.

Lucas 11:46

Nache So Jesús 'enapeco': –¡Ỹataqta qauem da qa'aita'ague nataqa'en qami'! Cha'aye qauauo'oi na namaxasoxonaxacpi maye ỹataqta huo'o da lqalaic da qaipaqueelec, qalaxaye saishet da cara'acolec da qauauo'oi ca qana'añaxataxaqui da qaupaquiitelec namayepi.

Mateo 22:35

Nache huo'o so 'oonolec somayepi som ỹaỹaten na namaxasoxonaxacpi maye quetalec so judiopi, ỹe'eguen So Jesús, nache inat, 'eeta':

Jeremías 20:8

Cha'aye naxa da setaqa nache nda'a't da sa'axattac da lchec qataq da huo'o na qailaxachigui, nache saq vi'iiguet da aỹem qaisheueetac qataq aỹem qane'eetapigui, cha'aye souaxat da sa'axatta'ape naua 'ara'aqtaqa.

1 Reyes 22:8

Nache som nta'a ye Israel, ỹasateguet so Josafat, 'eeta': Aja', ñaq huo'o so lỹa, maye ishet da senataq ca 'eetec ca la'aqtac Ñim Nataxala', qaq somaye le'enaxat Micaía, som llalec so Imla. Qalaxaye ỹataqta sa sesheteguet somaye, souaxat da saishet da aỹem da'aqtaxanem ca no'on, nda'a't na qauem da ỹa'axata'a. Qalaxaye so Josafat 'enapego' somaye, 'eeta': Saishet taxa da 'anasaxauec de'era.

Lucas 7:30

Qalaxaye nam fariseopi, qataq nam dapaxaguenataxaatapeguec na namaxasoxonaxacpi saishet da ỹaỹamaxaren da ỹalaxaguet Ñim Lo'onatac 'Enauacna qataq saishet da ỹaỹamaxaren da nachelaxan so Juan.