Lucas 11:44 - La'aqtaqa Ñim Lo'onatac 'Enauacna 2013

⁴⁴ ¡Ỹataqta qauem da qa'aita'ague! Cha'aye qami' qoñiita'am acam huachiqui maye sa qaila'a, nache na shiỹaxauapi petapeguelec.

Nuevo Testamento Toba Sur

⁴⁴ ¡Ÿataqta choxodaxasodo' qami' mayi qauapaxaguenataxañiitapeguec na nqataxacpi qataq nam fariseopi mayi qoñiitega da qami' 'eesoda! Cha'ayi qami' qoñiita'am acam huachiqui mayi sa qaila'a, nachi na shiÿaxauapi chochi qauatapeguelec, sa ishit da ÿaÿaten.

Nuevo Testamento Toba Sombrero Negro

⁴⁴ “¡Degueja qom'te da'me adachoĝodequi! Qa'a aueñiya'ama gaa'me napa'lpi lete' jo'ne ja 'nae'te yauata, qama'le ga'me jiyaĝadipi tadelo'te, da'me ja yayate'n.”

Lucas 11:44 Referans Kwoze

Hechos 23:3

Qalaxaye so Pablo 'enapeco': –¡Ñim Lo'onatac 'Enauacna 'am iuaxan qome, 'am maye qonetega da 'am 'eesa! 'Am iuen da aỹem 'anmit 'aupagaqchiichigui da 'enapec naua nanettrañi lqataxaco so Moisés, qalaq ¿ta'ainco' da saishet da 'aualaxaleguete naamaye, ỹoqo'oye 'auamaxasoxoolec da aỹem qaiuaxan?

Salmos 5:9

Cha'aye namayepi saishet da 'eesora naua la'aqtaqa, qataq naua lhuennataxaco qalaq nda'a't na qauem, ana lqoichiqui qalaq 'eeta'am aca huachiqui nauattangui ñi lachaxat qalaq ỹataqta shepecaic.

Oseas 9:8

Qaq Ñim Nataxala', ỹanem so la'aqtaxanaxanec da yaqto' nauaatalec na Efraín, qalaxaye so llec qaỹa'añiỹangui ana qoinapi, qataq ivira'a da qanquiỹai da huetaigui añi atamnaxaqui maye lalamaqte Ñim Lo'onatac 'Enauacna.

Números 19:16

Qaq da huo'otaq huo'o ca huetauga ca no'onaxa, nache da ipoteua'a ca shiỹaxaua nalaatac, huo'otaq ca maiche ivita ye laloqo' da ileu, huo'otaq caua npi'ineqa, huo'otaq huachiqui, nache camaye saishet da qui'itta da lataxac ivittrec caua siete na'axa'te.

Mateo 13:32

Qaq 'eesa da acamaye ỹataqta saq 'amaqtaq, saq 'ena'am ana laỹe nañiguishe ala. Qalaxaye da ivita da ñaxat, nache ỹataqta napacalec 'enauac ana laỹe nañiguishepi, ivira'a da 'eeta'am ana qo'oipaq maye ỹataqta late'erai. Ỹoqo'oye ana qoỹopi maye huaỹotac ishet da anac, nache ỹauo'o na lpata'c ỹanaigui ana lcouepi.»

Ezequiel 39:15

Qaq ca 'oonolec que'ecaua shiỹaxau', da mashe coleerelec yi'iye 'alhua, nache da huo'o ca ilalec shiỹaxaua lpi'inec, nache ỹauo'o aca la'anaqte da ỹanaua'a na laỹe camaye, choche ivitta'a da nvi' cam ilattegueñi na leuaxaicpi, nache ilayiña camaye ye Ca'amegue le'enaxat Gamón Gog.