Lucas 11:41 - La'aqtaqa Ñim Lo'onatac 'Enauacna 2013

⁴¹ Qaq dam ỹataqta ỹaỹamaqchiguiñi lataxac qataq 'eesa da qui'itta, damaye nachera da ñi 'oonolec detaunaxanot ca hueto'ot, da itauan na choxoraqpi.

Nuevo Testamento Toba Sur

⁴¹ Qaq ÿoqo'oyi qami' da qauachitaqtaxañi, qalaq qai'añi cam huetangui ca qadqui'axaquii, qaq yaqto' 'enauac da qui'itta camayi.

Nuevo Testamento Toba Sombrero Negro

⁴¹ 'Noota qom auañiyegue ga'me p'auo jo'ne chiyaqayi da'me adecachaĝaqui, qama'le naq'aeta da'me male yoqovichiguilo naa'me adai'lidi'.

Lucas 11:41 Referans Kwoze

Lucas 12:33

Qaq qaumiñi qome na qami' hueto'oto. Ime, qaq qaỹa'añim nam deuenaxaatapigui'. Ime, qaq qauo'oche cam qarachoxonaxaquii maye saishet da lto qataq ca nsallaxa hueta'ague da piguem maye saishet da imeuo, qataq saishet da inoxoneua'a cam cachaxaic, qataq saishet da chec ca lalaxat.

Santiago 1:27

Da qaỹa'amaqten Ñim Lo'onatac 'Enauacna maye Nta'a, nache iuen da qaỹauo'o ca ntonaxac Ñimaye qataq qaỹo'ot ca ỹaỹamaqchiguiñi. Qaq damaye 'eeta': qaitauan ana pa'aipi qataq nam qaicaua caua lta'al maye huo'o da nque'eenaxac, qataq saishet da qanasheneuo da dauegaxan na qauemsat maye huetalec ana 'alhua.

Tito 1:15

Ca shiỹaxaua, da ỹalaxaguet qataq ỹa'amaqten So Cristo, qaq qui'itta naqa'en 'enauac na chochena lataxaguesat. Qalaxaye nam sa ỹalaxaguet qataq sa ỹa'amaqten Somaye, nache namayepi qaica ca qui'itta naqa'en. Cha'aye da lhuennataxa qataq da ntoonaxac ivira'a da ỹataqta qauem.

Hebreos 13:16

Qataq saishet qome da qaucoviỹa'ai da qauo'oche ca ỹaỹamaqchiguiñi, qataq da qautauañi ca qarỹai maye huo'o da lhuenaxanaxa. Qaq 'ena nam nachetaqtaxanaxat maye ỹaỹamaxareeta Ñim Lo'onatac 'Enauacna.

Hechos 10:15

Qalaxaye se'eso nvilỹaxac qaltaq ỹe'eguelaxalec da, 'eeta': –Cam mashe qui'itta naqa'en Ñim Lo'onatac 'Enauacna, camaye saishet da 'auamata'ac da nshepaxan da lataxac.

Lucas 16:9

Qaq ỹoqo'oye qami' seqatalo da qauo'onataxañiỹa ana alom na shiỹaxauapi maye ỹachegoxotaigui da latenataxanaxac, da yaqto' huo'o ca qanauochaxauai, yaqto' qom ivita da imeuo ana anom, nache Ñim Lo'onatac 'Enauacna qami' ỹaconegueta da piguem.

Daniel 4:27

Qaq ỹoqo'oye 'am nta'a, qoquetegue qome de'era ỹapaxaguenataxanaxac: 'Ano'onaxat qome da 'aro'onataxanaxac, nache saishet da qaltaq 'auauo'o ca 'arasouaxashet, nache tachiguiña 'anqa'en nam qauem maye 'auo'ottac, nache qouapegue' qome da 'autauan na choxoraqpi. Qaq saiuena'a da nachera da chegoqchigui da nache queta da 'anachattaigui da 'arlagaxayec qataq da qaica ca 'auena'a 'am nta'a.»

Proverbios 19:17

Da qaỹa'aalaxanaxan ca choxoraq qalaq 'eeta'am da nacheñi Ñim Nataxala' da qaỹa'aalaxanaxan, ỹoqo'oye Ñim Nataxala' maiche isheeten que'eca ỹan aca na'aale.

Proverbios 14:31

Ca qaica ca naigui naqa'en ca choxoraq qalaq camaye inogoqchet Ñim Lo'onatac 'Enauacna, qalaxaye Ñimaye ỹo'oxoren ca ichoxoren ca choxoraq.

Hebreos 6:10

Ñim Lo'onatac 'Enauacna ỹataqta no'on da lataxac, ỹoqo'oye saishet da huo'otaq icoua'ai nam qauo'oche qataq nam qoquiito'ot da qauo'ocheetac da yaqto' qautauañi nam lalamaxatpi qataq lca'aguishecpi. Qataq da nache qoñiitec de'era, nache qami' nataqa'en qauachaxañi da qauauochec Ñim Lo'onatac 'Enauacna.

2 Corintios 8:12

Cha'aye ca shiỹaxaua da ỹoqta 'eesa da lhuennataxa da huo'o ca ỹan, qalaq Ñim Lo'onatac 'Enauacna ỹataqta ỹaỹamaxareeta cam nalotaua'a da ỹan camaye. Cha'aye Ñimaye saishet da iỹaxanaique cam saishet da qanaloua'a.

Lucas 19:8

Qaq co'ollaq ime da nquia'axac, nache nachaañi so Zaqueo, nache 'enapega So Jesús, 'eeta': –'Am Ỹataxala', aỹem qome secolaxatchiguingui na laiñi da isallaxa. Ime, qaq sanem nam choxoraqpi. Qaq da huo'otaq huo'o ca secachiỹot, nache cuatro da she'eguelaxalec da she'eguelaxatot camaye cam secachiỹa.

Lucas 18:22

Nache co'ollaq hua'aqchigui de'era So Jesús, nache 'eeta': –Huo'o da 'oonolec ña deqaptauec, 'eeta': 'Aumen qome 'enauac na 'am hueto'ot, ime, qaq 'aỹa'anoigui nam choxoraqpi, yaqto' huo'o ca 'arsallaxa hua'ague da piguem. Qaq qom ime, nache 'auanac da Aỹem 'auca'ategue.

Mateo 5:42

Qataq da huo'o ca 'am iỹaxanot, qalaq 'aỹa'anem cam iỹaxanaique. Qataq saishet da 'avi'eguelaxattec da huo'otaq huo'o ca 'am da'alaxaatecot.

Salmos 112:9

Qataq itauaatac na choxoraqpi, qaq da lqouagaxanaqtaic qalaq nache queta, qaq da la'añaxac huo'o qanqa'en da llo'oxoyec.

Salmos 41:1

Ỹataqta machiguiñi qome ca lhuennataxat na choxoraq, cha'aye Ñim Nataxala' nca'alaxatec camaye, da ivita da huo'oi naua qauema na'axa'te.

Efesios 4:28

Qaq cam decachetapec co'ollaxa, qalaq no'on da ỹaxaañi nagui da lcachaxac. Chaqrato' da do'onataxan, ỹo'ottac ca maiche lalamaxat lo'onatac, yaqto' ishet da itauan cam huo'o da lhuenaxanaxa.

Hechos 11:29

Nache nam 'amqaanataxanaxaicpi maye netaña ye Antioquía detaxaỹapigui da ỹauo'o aca ltaunaxanaqte da ỹamaxa so 'amqaanataxanaxaicpi maye netaña ye 'alhua Judea. Qalaxaye ñi 'oonolec ỹan cam nalota'ai' da ỹan.

Mateo 26:11

Cha'aye nache 'eetai' da huo'o na choxoraqpi da qaualliquiita'aguet, qalaxaye Aỹem saishet da nache 'eetai' qome da qami' soota'agueta.

Hechos 24:17

Qaq co'ollaq mashe qaỹoqteguelo soua vi'iye da secoleetac soota'a na laỹe 'alhua, nache aỹem ñe'eguelaxa ye ima' da ñeroi' aso itaunaxanaqte da setauan na choxoraqpi qataq da sanot aso ỹachetaqtaxanaqte Ñim Lo'onatac 'Enauacna.

Proverbios 16:6

Da qaỹapalaxat ca nasouaxashet qalaq qaỹauota'a da nauotaxanaqtaic qataq da 'eesa lataxac. Qataq da huo'o naq 'enec qanqa'en Ñim Nataxala', nache ỹo'ot da qanayeca'ai na qauem.

Marcos 7:19

Cha'aye nam qanallec saishet da taua'a da toonaxac, nachaqrata da tangui añi da'am ca shiỹaxaua, ime, nache inoxonec.» Qaq So Jesús nasaxauec de'era, yaqto' qaỹaỹaten da qaica ca nallec da nshepaxan.