Lucas 11:39 - La'aqtaqa Ñim Lo'onatac 'Enauacna 2013

³⁹ Qalaxaye So Jesús 'enapeco': –Qami' fariseopi qauỹoitac na pa'auec, qalaxaye na pa'auo da qoñiita ỹataqta qauem, qaica ca qautauañi, nachaqrata da qaucacheetacot na shiỹaxauapi.

Nuevo Testamento Toba Sur

³⁹ Qalaxayi so qadataxala' 'enapeco': –Qami' mayi qaualliquiitaigui na fariseo, qami' qauamataxañiiñi da qauÿoi na pa'auec ana qanÿomaxaquii qataq na qadqui'axaquii, qalaxayi na pa'auo naua qadquiyaqchilli' da'aichigui na chochi qauachigoxochiÿaigui da qadcachaxaqui qataq nam sa ÿaÿamaxañisat.

Nuevo Testamento Toba Sombrero Negro

³⁹ Qalaĝaja ñe'me Jaliaĝanec enaac: —Ami jo'ne fariseopi nale aviyoyi'y gaa'me yomaĝaiqui' nataq'aen gaa'me coqui' qama'le auojamaĝachi' ga'me p'aye, qalaĝaja ga'me p'auo jo'ne mach'e adai'lidi' qamqa'me najaqachiguilo gaa'me jo'ne chiyaqayi da'me adecachaĝaqui nataq'aen da'me ja no'en.

Lucas 11:39 Referans Kwoze

Santiago 4:8

Qanquiquiỹot Ñim Lo'onatac 'Enauacna, qaq Ñimaye nataqa'en qami' nquiigueta. ¡Qami' 'etaxaloxoicpi, qaỹa'axañiiñi da qauo'ocheetac na qauem! Qami' maye qauauoitaique da qauauochec Ñim Lo'onatac 'Enauacna, qalaxaye nataqa'en qauauoitaique da qauo'ocheetac na qauem, qami' iuen da qauauo'oi ca qarasataxaqui: da nacheñi Ñim Lo'onatac 'Enauacna da qoquiigue huo'otaq qoquiigue da ñe'etaxaloxo.

Tito 1:15

Ca shiỹaxaua, da ỹalaxaguet qataq ỹa'amaqten So Cristo, qaq qui'itta naqa'en 'enauac na chochena lataxaguesat. Qalaxaye nam sa ỹalaxaguet qataq sa ỹa'amaqten Somaye, nache namayepi qaica ca qui'itta naqa'en. Cha'aye da lhuennataxa qataq da ntoonaxac ivira'a da ỹataqta qauem.

Hechos 5:3

Nache so Pedro 'enapego' somaye, 'eeta': –Ananías, ¿ta'ainec ye 'aualaxaguet so pa'aguenataxanaxaic? Ye 'am 'ano'onaxatañi aso laỹe asom lasheue so 'ana'alhua, 'aupi'itaxaatega da ishet da 'auatenachet So Saqcha'a Na'añaxac Qui'itta.

Mateo 7:15

¡Qarvichiỹa'aguet nam tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna! Namayepi qami' naỹalo, nache ỹe'enaxat da lataxac ana qagueta, qalaxaye na pa'auo 'eeta'am da lataxac na shiguiỹac maye dequi'iỹapec.

Proverbios 30:12

Qataq huo'o na ipi'itaxaatega da qui'itta da lataxac, qalaxaye saishet da iỹouec na ishepaxanaqchet da lataxac.

Génesis 6:5

Qaq Ñim Nataxala' ila'a co'ollaxa da so shiỹaxauapi ana 'alhua ỹapacauec da ỹo'ottac na qauem, qataq da nache lhuennataxac da ỹo'ottac na qauem,

Gálatas 1:14

Ỹataqta sepaqueelec da la'amqaanataxanaxac na judiopi ñapacalec nam qalota judiopi maye ñaloxouapi, qataq aỹem ñalemaqte' da sepaqueelec na napaxaguenataxanaxacpi maye sachegoxoto'ot so hua'au ita'alpi.

Juan 12:6

Qaq so Judas saishet da 'enapec de'era, da souaxat da huo'otaq ichoxoreetac na choxoraqpi, cha'aye somaye choche cachaxaic. Qataq nacheso som ilotague' aso nme anom So Jesús qataq soua lapaxaguenataqa, qalaxaye somaye decachetega naxa anamaye.

Lucas 16:15

Nache So Jesús 'enapeco': «Qami' maye nacheqami' choche qanachaxañiitega 'enauac na shiỹaxauapi da qami' no'o'n, qalaxaye Ñim Lo'onatac 'Enauacna ỹauatto'n naua qarquiyaqchilli'. Cha'aye cam ỹamata'ac nam shiỹaxauapi da 'eetega 'amaqtaqaic, qaq nacheca cam ỹataqta ỹaỹemec Ñim Lo'onatac 'Enauacna.

Lucas 7:13

Nache So Jesús co'ollaq ila'a asomaye, nache ỹataqta huo'o da lchoxonnataxanaxa, nache 'enapega, 'eeta': «Saishet da 'anỹen.»

Sofonías 3:3

Nam lataxala'pi qalaq 'eeta'am na llonpi da desoqtai'; qaq nam nmit ca nasouaxashet, qalaq 'eeta'am na qa'alaqpi maye huetauga na no'onaxa, maye saishet da no'onaxatañi ca 'oonolec lpi'inec da iviraxata'aguet ca lỹa na'a'q.

Ezequiel 22:27

Na nataxala'pi ne'ena 'alhua, qalaq 'eeta'am na qa'alaqpi da icolaxattac ca loxonec, qataq ỹataqta iyaqta'a da lalaataxanaxac, da ỹalauat na shiỹaxauapi da yaqto' desalligui.

Ezequiel 22:25

na nta'alpi maye hueta'a ne'ena 'alhua, qalaq 'eeta'am na llonpi da desoqtai', qataq icolaxattac ca loxonec, qataq chec nam shiỹaxauapi da huaña na na'alhua, qataq decachiỹa na no'on logoxoshetpi, qataq da lsallaxa, qataq ỹo'ot da nquiguec ye lcata ana pa'aipi.

Jeremías 4:14

'Am Jerusalén, ñaq 'auỹoueeguesop na qauem añi 'arquiyaqte, yaqto' 'anca'alec. ¿Chaq laguio', qaq 'axanec na qauem nhuennataxacpi maye huetaigui na 'arqaic?

Proverbios 26:25

Ỹoqo'oye saishet da 'aua'amaqten da huesotte' naqa'en naua la'aqtaqa da 'am detaxaỹot, cha'aye naua lhuennataxaco da'aichiguilo na qauem,

Salmos 22:13

qataq 'eeta'am da lchec ca llon da desoqo, nache ỹauachigui na alap da aỹem nqapaxanot.

2 Crónicas 25:2

Qaq nam ỹo'otpi so Amasías ỹataqta ỹaỹamaxareeta Ñim Nataxala', qalaxaye somaye saishet da ỹoqta no'on da lquiyaqteỹaxac.

2 Timoteo 3:5

Namayepi 'eetega ỹauotec qataq huo'o naq 'enec naqa'en Ñim Lo'onatac 'Enauacna, qalaxaye da lataxac npe'eneguet da ỹoqta lataxac da na'amqaanataxanaxac. Qaq 'ena qome na 'antela'aguet.

Juan 13:2

Qaq so pa'aguenataxanaxaic mashe sogote da ỹachaigui da lquiyaqteỹaxac so Judas Iscariote, da lhuennataxac da yaqto' ỹaneuo So Jesús. Qaq So Jesús, Somaye ỹaỹateeta da chegoqtot Ñim Lo'onatac 'Enauacna, qataq ỹaỹateeta da ỹe'eguelaxa Ñimaye, qataq da Ñim Lta'a ỹanem Somaye 'enauac da la'añaxac. Nache co'ollaq mashe deque'etacpi somayepi, nache So Jesús nachaañi, nache nqat so lapo', qataq nsaachigui so pilotaxat hualoq laỹe.

Proverbios 26:23

'Eeta'am ca lcat plata da qalapaxalec aca taxaqui 'alhua, naua huesotte' la'aqtaqa ca ỹachetac na qauem lhuennataxac.

Lucas 7:19

da yaqto' ina't So Jesús da nacheso So Lca'aguishec Ñim Lo'onatac 'Enauacna huo'otaq da qaiuataique ca lỹa.