Lucas 11:36 - La'aqtaqa Ñim Lo'onatac 'Enauacna 2013

³⁶ Cha'aye da 'enauac da qaro'ocỹaxaqui da yo'oqtelec, qataq qaica ca huaña da napaltalec, nache da qanachaalataxaqui qaỹoqtegue na le'eraxa, 'eeta'am aca ncoỹaraxanaxaqui da 'eroigui.

Nuevo Testamento Toba Sur

³⁶ Cha'ayi da 'enauac da 'ad'oquiaxac yi'oqtelec, nachi sa ishit da huo'o ca napaltalec, nda'a't da 'enauac yi'oqojlec, 'eeta'am da huo'otaq icoÿattalec aca ncoÿadaxanaxaqui.

Nuevo Testamento Toba Sombrero Negro

³⁶ Qa'a qom yema da'me qat'oyaĝac netaye da'me yoqochiñe, qama'le qaya'te netaye jo'ne 'lalaĝa, yataqachiñe yema auauatalegue, ena'am jaga'me coyadaĝanaqate nale am yecoyadelegue ga'me lauaq.”

Lucas 11:36 Referans Kwoze

Proverbios 20:27

So saqcha'a lca'alaxa ca shiỹaxaua maye chegoqo'ot Ñim Lo'onatac 'Enauacna nacheso so ỹataqta nmi't naua saqcha'alo lhuennataxaco camaye.

Proverbios 6:23

Cha'aye naua namaxasoxonaxaco nachenaua naua ncoỹaraxanaxaqui', qataq naua napaxaguenataxanaxaco naamaye 'ettaiguilo, qataq naua ntelaqtaxanaxaco nachenaua naua ỹo'o't da llec da achaalataxac.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

2 Pedro 3:18

Nachaqrata da qauaqaita'a da nsoxoyec qataq da nauattonaxanaxac maye qomi' ỹanema So Qarataxala' qataq Qarca'alaxaqui Jesucristo da qami' itauneque da qaviyiỹa'a da ỹataqta no'on da qara'amqaanataxanaxaqui. ¡Qaq da qayo'oxonnataxanaxac So Jesucristo, damaye chochaq tatec qome! Aja', nache 'eetec.

Colosenses 3:16

Qataq saishet da qaucoviỹa'ai da llo'oxoye'c naua lapaxaguenataxanaxaco So Cristo. Qataq da qauapaxagueñi ca qarỹai huo'otaq da qaua'añaqchichi qalaq ỹataqta qanaỹaanaxanaqchiñi. Qataq qauo'oñi na no'onecpi maye huetalec ana nere maye huetalec na la'aqtacpi Ñim Lo'onatac 'Enauacna, qataq qauo'oñi' naua no'onqa maye chegoqo'oto So Saqcha'a Na'añaxac Qui'itta, qataq qaỹa'añiitacot da qana'achecỹaxaqui Ñim Lo'onatac 'Enauacna ỹataqta imauec da qarquiyaqteỹaxaqui.

Proverbios 1:5

Ca ỹaanaxanaxaic da na'axaỹaxanalo naamaye nache nquictec da laỹaanec, qataq ca ỹaanataxanaxaic, nquictec da laỹaanataxanaxac,

Santiago 1:25

Qalaxaye da qami' qauqochiỹa da la'aqtac Ñim Lo'onatac 'Enauacna qataq nache 'eetai' da qaualaqaiguet, nache huo'o da qarlagaxayiqui 'enauac nam qauo'oche. Cha'aye da la'aqtac Ñim Lo'onatac 'Enauacna ỹataqta nalochiguiñi qataq qami' isoueeguesopa da ñe'etaxaloxo.

Hebreos 5:14

Qalaxaye nam mashe ỹauatton ca 'onaxaic qataq ca qauem qataq mashe naỹa'ac da ỹo'ottac, nache 'eeta'am ca shiỹaxaua mashe ỹe, maye ishet da chec ca nallec sa nsatta.

Efesios 4:14

Nache saishet qome da shenaqta'am ca nogotolec maye qaica ca lqalaic da qaỹashaxanec da lhuennataxac, qataq saqalaq da qaỹatenachet da qairolec da napaxaguenataxanaxac maye saq 'en, maye lapaxaguenataxanaxac na shiỹaxauapi maye sa nqalaate' da latenataxanaxac maye quetague' da lsomaxac.

Mateo 13:52

Nache Somaye 'enapeco': –'Enauac nam dapaxaguenataxaatapeguec na namaxasoxonaxacpi maye chegoqo'ot so Moisés da huo'otaq taigui nam napaxagueetega da lo'onataxanaxac Ñim Lo'onatac 'Enauacna, nache namayepi 'eeta'am ca ỹale da nqo'ona ca lma', nache nqatec na dalaxaicolec qataq nam togoshec logoxoshet.

Oseas 6:3

¡Sauoqo'o qome ca qana'añaxataxac da sauattonaq Ñim Nataxala'! Cha'aye Ñimaye 'eesa qome da anac, 'eeta'am da nnoxoosheguem añi nala'. Qataq 'eesa qome da qomi' naỹalo, 'eeta'am na auot da talec ana 'alhua, nam auot maye huaigui ye latomaxa qataq ye nauoxo.

Isaías 42:16

Qaq na qanamaicpi qalaq quetegue ñaqa'en ca nqa'aicpi qataq na sa lca'ague ñecpiolec maye sa ỹauana namayepi. Qataq ỹauaachigui qome ñaqa'en namayepi da nam napalaxa nmeneguet ñaqa'en na yo'oqchiguiñi, qataq nalochiguiñi ñaqa'en na sa naloguiñi 'alhua. Qaq Aỹem so'ot qome 'enauac ne'enapi cha'aye saishet da salat nam ỹalamaxatpi.

Isaías 8:20

da yaqto' ỹaconeguet ca napaxaguenataxanaxac huo'otaq ca na'aqtac? Qaq 'era qome da la'aqtac namayepi qalaxaye de'era la'aqtac namayepi choche 'oopashec.

Mateo 5:15

Qataq saishet da qoỹegueua'a aca ncoỹaraxanaxaqui, da yaqto' qoỹano'ot na pa'aguiñi ca naretaxanaxala'. Nachaqrata da qoỹanasheguem, da yaqto' icoỹarelec 'enauac nam hueta'a ca nma'.

Lucas 11:35

Qaq ỹoqo'oye maxatchoxo' qome, saishet da qauo'omaxache dam yo'oqchiguiñi maye huetaigui da qanachaalataxaqui.

Lucas 11:37

Qaq co'ollaq mashe imat da ltaxaỹaxac So Jesús, nache huo'o so 'oonolec maye ỹalectaigui na fariseopi ỹayena'a Somaye da lquia'axaua ca lma'. Nache So Jesús jec, ime, nache nso'ooñi datalec ca nquia'axala'.