Lucas 11:35 - La'aqtaqa Ñim Lo'onatac 'Enauacna 2013

³⁵ Qaq ỹoqo'oye maxatchoxo' qome, saishet da qauo'omaxache dam yo'oqchiguiñi maye huetaigui da qanachaalataxaqui.

Nuevo Testamento Toba Sur

³⁵ Qaq maxatchoxo' qome naua 'adcoÿadaxanaqte, ten qom 'ico' qouetaigui ca napalaxa.

Nuevo Testamento Toba Sombrero Negro

³⁵ Chane'eja, ¡ta'aguet: 'noota ta'le ja 'lalaĝa ga'me yoqochiñe jo'ne am ue'tajop!

Lucas 11:35 Referans Kwoze

Proverbios 16:25

Huo'o ca nqa'aic maye 'eeta'am da ỹashectec, qalaxaye ca loga't camaye huetaña da nleuaxa.

2 Pedro 1:9

Qaq cam saishet da ỹo'ot de'era, nache camaye 'eeta'am da sa nauaañi qataq icoua'ai da Ñim Lo'onatac 'Enauacna ỹapalaxat 'enauac nam qauem maye ỹo'ot co'ollaxa.

Apocalipsis 3:17

Cha'aye 'am qonetega da 'am sallaxanec, qataq ỹataqta 'onaxaic da 'icỹaxac qataq qaica ca 'aueetaique. Qalaxaye saisheto' da 'anauattoola't da qaica ca 'aramaicỹaxac qataq qaica ca ye 'am qataq 'am choxoraq qataq saishet da 'anauaañi qataq qouetauec.

Romanos 1:22

Namayepi ipettega da 'enauac da ỹaỹaten na lataxac, ỹoqo'oye namayepi ivira'a da sanaỹamaxatapecpi.

2 Pedro 2:18

Cha'aye namayepi naua la'aqtaqa ỹataqta 'onaxaiqa naqa'e'n, nache ỹo'ot da la'aalaxa na shiỹaxauapi, qalaxaye naua la'aqtaqa qaica ca naiguilo. Ỹayen na laỹepi da yaqto' ỹalegueua'a na lamanaxanaqtaiguesat qataq nam qauem lqopitaxanaqtaicpi; nataqa'en ỹatenachet nam ỹataqta lta'araic da na'añaxataxac da yaqto' ishet da cara'acolec da ca'ai da ỹo'otta'ape naua lasouaxashe'ete.

Proverbios 26:12

Qataq ỹactec da ishet da qanaquita'a ca nauattoola't da qaica ca ỹaỹaanapec, qaq saq 'ena'am ca qaica ca ỹaỹaanapec maye 'eetega huo'o na ỹaỹaten.

Mateo 6:22

Ca shiỹaxaua huesota da lataxac, camaye nache 'eetai' da chetaqtaxanaxaic, qaq ỹoqo'oye camaye no'on da llecỹaxac qataq 'eeta'am da huetaigui na yo'oqchiguiñi. Qalaxaye ca shiỹaxaua da shemataqaic qataq quiỹaxanaqtaqaic, nache camaye, nache 'eetai' da qauem da tata'ague; 'eeta'am da huetaigui ca ỹataqta napalñi.

Lucas 11:34

Naua la'ai'te ca shiỹaxaua, 'eeta'ama aca ncoỹaraxanaxaqui da icoỹarelec da lo'ocỹaxac. Qaq ỹoqo'oye, da lmeenaxanaxac da huesota qataq nvirauec da lauotaxanaqtaic, nache da yo'oqchiguiñi taigui da nachaalataxac. Qalaxaye da naua la'ai'te da quiỹaxanaqtaqaiqa qataq nvirauec da ño'oxonnaxac, nache da nachaalataxac ỹataqta imauec da napalñi.

Lucas 11:36

Cha'aye da 'enauac da qaro'ocỹaxaqui da yo'oqtelec, qataq qaica ca huaña da napaltalec, nache da qanachaalataxaqui qaỹoqtegue na le'eraxa, 'eeta'am aca ncoỹaraxanaxaqui da 'eroigui.