Lucas 11:34 - La'aqtaqa Ñim Lo'onatac 'Enauacna 2013

³⁴ Naua la'ai'te ca shiỹaxaua, 'eeta'ama aca ncoỹaraxanaxaqui da icoỹarelec da lo'ocỹaxac. Qaq ỹoqo'oye, da lmeenaxanaxac da huesota qataq nvirauec da lauotaxanaqtaic, nache da yo'oqchiguiñi taigui da nachaalataxac. Qalaxaye da naua la'ai'te da quiỹaxanaqtaqaiqa qataq nvirauec da ño'oxonnaxac, nache da nachaalataxac ỹataqta imauec da napalñi.

Nuevo Testamento Toba Sur

³⁴ Naua qad'ai'te nachinaua na 'eeta'ama aca ncoÿadaxanaxaqui mayi icoÿadelec ca shiÿaxaua. Qaq naua 'ad'ai'te da huo'otaq sa ÿaÿama'q, nachi 'enauac da 'ad'oquiaxac huetaigui na napalaxa.

Nuevo Testamento Toba Sombrero Negro

³⁴ Naa'me qat'ae'te nach'enaua lecoyadaĝanaqate da'me qat'oyaĝac; chane'eja qom 'noote' naa'me at'ae'te, qama'le yema da'me at'oyaĝac netaye ga'me yoqochiñe; qalaĝaja qom ja 'noote', qama'le yema da'me at'oyaĝac netaye da'me 'lalaĝa.

Lucas 11:34 Referans Kwoze

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

Salmos 119:18

Qataq nlorec 'anqa'en naua ỹa'ai'te, yaqto' sela'a da llo'oxoyec naua 'arqataxaco.

Colosenses 3:22

Qataq qami' nlatacpi, ỹataqta qaualaqaiguet ca yo'oqchigui qana'aco'oi ana'ana 'alhua. Saishet da nachaqrata da qami' ilotaguilo da yaqto' qami' ỹaỹamaxareete', nachaqrata da qauo'oche damaye souaxat da huesota qarquiyaqteỹaxaqui, qataq da 'enec qanqa'eñi So Qarataxala'.

2 Corintios 11:3

Cha'aye de'era 'eetec so na'araxanaq maye sa nqalaataxaic co'ollaq ỹatenachet aso Eva, nachera da ỹo'ot da icolanaxa da saiuena'a da nataqa'en ishet da qami' ỹatenache't. Nache da qarhuennataxaqui ishet da dasheueeguesop dam huesochiguiñi qara'amqaanataxanaxaqui So Cristo.

2 Corintios 4:4

Dam no'on na'axaỹaxac, damaye qomi' da'aqtaxanema da la'amaqchec So Cristo, qaq Somaye qomi' ỹachaxanalo da la'amaqchec Ñim Lo'onatac 'Enauacna. De'era na'aqtaxanaxac 'eroigui, 'eeta'am na le'eraxa aca ncoỹaraxanaxaqui. Qalaxaye nam saishet da ỹa'amaqten saishet da ila'a, cha'aye so pa'aguenataxanaxaic saishet da ỹashenem da ila'a.

Jeremías 5:21

‹Ñaq qana'axaỹaxañiỹa de'era qami' nhuo' le'ecpi maye qaica ca qarauattonaxanaxaqui, qataq qaica ca qauaỹaañiỹapec, cha'aye huo'oi naua qara'ai'chilli' qalaxaye saishet da qanauañiiñi, qataq huo'oi naua qartelai lauacolli' qalaxaye saishet da qaua'aqai.

Efesios 1:17

Nache seỹaxaatacot Ñim Lo'onatac 'Enauacna maye Lta'a So Qarataxala' Jesucristo, Ñim Nta'a maye ỹo'oxoraic, da yaqto' qami' ỹanema So Saqcha'a La'añaxac da qami' ỹaanaxanaxaiqa naqa'en, qataq da yaqto' ỹataqta qauauattoñiita Ñimaye.

Marcos 4:12

Yaqto' na'aictaxa da nlotauec, qalaq saishet da ila'a, qataq da hua'aqtac, qalaq saishet da ỹaỹaten. Nachaqrata da ntouen, nache iỹaxanot Ñim Lo'onatac 'Enauacna da ỹapalaxat na lasouaxashetpi.»

2 Corintios 1:12

Qomi' ỹa'añaqche't da saỹaanaq da ỹaỹamaqchiguiñi da qarataxac, qataq ỹataqta qomi' 'eesora nagui da souaqta'aguet 'enauac na shiỹaxauapi, qataq ỹactec naxa da qami' souaqta'agueta. Qaq de'era saishet da so'otaq da seca'ataqtague' da maiche qaraỹaanec, nachaqrata da ltaunaxanaxac Ñim Lo'onatac 'Enauacna, qataq sanaqtac da qana'achecỹaxac souaxat da lta'araic lsoxoyec.

Marcos 8:18

Da huo'oi naua qara'ai'chilli', qalaq ¿ta'ainco' da saishet da qanauañiiñi? Qataq da huo'oi naua qartelai lauacolli', qaq ¿ta'ainco' ye saishet da qaua'aqai? ¿Saishet peta'a da qantooñic

Isaías 44:18

Ne'ena shiỹaxauapi qaica ca ỹaỹaten, huo'oi naua la'ai'te qalaxaye sa nauaañi, qataq napotagui da ntoonaxac, nache qaica ca lauattonaxanaxac.

Hechos 13:11

Nagui Ñim Lo'onatac 'Enauacna 'am iuaxanec qome da yaqto' sa 'anauaañi, nache ỹataqta huo'oi caua na'axa'te da sa 'anauane' añi nala'. Huaña, nache so Elimas 'o'm naua la'ai'te. Nache nmittaique da huo'o ca ỹaueca'aguet somaye, cha'aye saishet da nauaañi.

Isaías 29:10

Cha'aye Ñim Nataxala' qami' taleguete naqa'en ca sansatta no'ochaxa. Qataq ỹapoguilo naua la'ai'te na na'aqtaxanaxanecpi, qataq ỹauo'o ca lapoxot na lqaic nam huo'oi naua l-loxoco.

Isaías 6:10

Qataq 'auo'otec qome da qaramta da lquiyaqteỹaxac ne'ena shiỹaxauapi, qataq 'auapoguilo naua la'ai'te qataq naua ltela lauaco, da yaqto' saishet da hua'aqa qataq saishet da nauaañi, qataq saishet da huo'o ca ỹaỹaten, yaqto' saishet da aỹem ñe'eguelaxa, nache aỹem saishet da ñataren.»

Salmos 81:12

Qaq ỹoqo'oye namayepi saxanec da quegue ca maiche 'eetapeguec, qataq maicheye ca lauela da ỹo'ot.

Efesios 6:5

Qami' nlatacpi, ỹataqta qaualaqaiguet qome na qana'aco'oipi maye huetalec ana 'alhua. Ỹataqta huo'o naq 'enec qanqa'eñi, qataq ỹataqta huesota da qarataxaqui, qataq ỹataqta qanasapacheeta, 'eeta'am qanqa'eñi da nacheso So Cristo da qauo'onataxañiitacot.

Hechos 2:46

Nache 'enauaque naua na'axa'te lapootega't, qanayeeta'a aso no'onaxanaxaqui late'erai, qataq da qanayeetaugalo naua nma'ate da nquia'axauapi, ỹataqta machiguiñi qataq qaica ca na'amqaanaxac.

Isaías 42:19

Qaica ca ỹataqta ỹapac da sa nauaañi qataq ca ỹapac da sa hua'aqa, da 'eeta'am so ỹamaxashec maye samaq co'ollaxa, qaica ca ỹapac da sa nauaañi qataq da ỹapac da sa hua'aqa, da 'eeta'am so ỹa'aqtaxanaxanec, som lamaxashec Ñim Nataxala'.

Proverbios 28:22

Ca nda'a't da iuennatega da nsallaxa, camaye saỹaỹaten da naỹa'a da lachoxoyec.

Génesis 19:11

qaq huaña, nache sanauaañi naqa'en som shiỹaxauapi maye pa'atauec. 'Enauac so nsoxoppiolec qataq so ỹa'axaiquipi da sa nauaañi, nache ipottapecra', da nmittaique so lasom, choche ivitta'a da nasamñi.

Proverbios 21:4

Naua na'ai'te ño'oxonnaxaiqa qataq da toonaxac maye na'amqaanaxaic, qataq da lhuennataxac na qauemaicpi damaye ỹo'ot na nasouaxashet.

Isaías 5:20

¡Choxoraxaso' na 'eetega no'on na qauem, qaq na qauem qalaq 'eetega no'on, qaq na yo'oqchiguiñi qalaq nmeneguet naqa'en na napalaxa, qaq na napalaxa qalaq nmeneguet naqa'en na yo'oqchiguiñi, qaq na chem qalaq 'eetega ama, qaq na ama qalaq 'eetega chem!

Lucas 11:35

Qaq ỹoqo'oye maxatchoxo' qome, saishet da qauo'omaxache dam yo'oqchiguiñi maye huetaigui da qanachaalataxaqui.