Lucas 11:32 - La'aqtaqa Ñim Lo'onatac 'Enauacna 2013
32 Que'eca pa'atec na'a'q qom qanmit 'enauacna, nache nataqa'en so shiỹaxauapi lma' ye Nínive, nachaañi qome da qami' dataỹa'agueta. Cha'aye se'eso shiỹaxauapi naralaxat da lataxac co'ollaq hua'axaỹa da la'aqtaxanaxac so Jonás. Qalaxaye qami' qaua'aqaitega da itaxaỹaxac, qalaq saishet da qanaralaxache da qarataxaqui, na'aictaxa da ñapacalec da la'amaqchec so Jonás.» So Jesús nataqa'en 'enapeco':
32 Qaq nam netaña yi la ciudad Nínive nataq'en nachajñi que'eca pa'ateec na'a'q qom ivita da qanmit na shiÿaxauapi mayi huetaigui nagui, nachi ichoxot da huo'o da lasouaxashit. Cha'ayi nam lma' yi Nínive ca'aisalo nam n'onataxaco co'ollaq so Jonás da'aqtaxanem dam l'aqtac ñi Dios, qaq nagui qalaq huo'o nam shiÿaxaua mayi napactelec da l'añaxac so Jonás.
Qaq ỹoqo'oye So Jesús nacheso so 'oonolec da Lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna maye seuenaqtac. Cha'aye Somaye ỹataqta qui'itta, saishet da qauem da lataxac, qataq sa nauane' da huo'o ca lasouaxashet. Qaq Ñim Lo'onatac 'Enauacna nqateeguesop co'ollaxa na 'etaxaloxoicpi, nache tasheguema naqa'en ca hueta'a Ñimaye, nache ỹami' da ỹataqta ỹo'oxoraq, napacalec na laỹepi.
Aso nate'e maye netaña ye 'alhua na'ague da taguiñi, asomaye nachaañi qom ivita da qanmit 'enauacna, nache detaqa da qami' dataỹa'agueta da yaqto' Ñim Lo'onatac 'Enauacna ỹauo'o ca qanhuaxanaguiiqui. Cha'aye asomaye ỹataqta qaỹoqtegue co'ollaxa da chegaqa'ague da naỹa, da na'axaỹaxanalo naua ỹaanaxanaxaiqa lapaxaguenataxanaxaco so nta'a Salomón. Qalaxaye qami' saishet da qauaỹamaxayiñi da qana'axaỹaxañiỹalo naua ỹapaxaguenataxanaxaco, na'aictaxa da Aỹem ñapacalec so Salomón.
Qalaxaye Ñim Lo'onatac 'Enauacna, 'enapego' so Jonás, 'eeta': «¿Peta'a ỹaỹamaqchiguiñi 'anqa'en da 'aualemata souaxat da deqaqa so nshe'ela?» Nache so Jonás, 'enapeco': «Aja', ỹataqta salemata, souaxat da deqaqa so nshe'ela.»
Nache so lma' ye Nínive ỹa'amaqten Ñim Lo'onatac 'Enauacna, nache ỹa'axatec da ỹo'ot ca qouaqchetaxac, nache 'enauac so ỹepi ivira'a so ñaqpiolec, da ỹaayiñi naua sansatte' alogo, maye naigui da lta'araic da nqui'ic souaxat na qauempi maye ỹo'ottac.
Nache So Jesús 'enapeco': –Qami' maye qami' qauemaiqa, qataq saishet da qaua'amaqchiñi Ñim Lo'onatac 'Enauacna, Aỹem qauỹaxañiitacot da qami' sanema ca la'anaxat da Aỹem Lamaxashec Ñim Lo'onatac 'Enauacna. Qalaxaye nachaqrata dam qami' sanema dam huaigui co'ollaxa so la'aqtaxanaxanec Ñim Lo'onatac 'Enauacna, le'enaxat Jonás:
Qaq qom ivita da qanmit 'enauacna, nache so shiỹaxauapi maye lma' ye nỹecpi ye Nínive nachaañi qome da detaqa da qami' dataỹa'agueta, yaqto' Ñim Lo'onatac 'Enauacna ỹauo'o ca qanhuaxanaguiiqui. Cha'aye se'eso shiỹaxauapi naralaxat da lataxac co'ollaq hua'axaỹa da la'aqtaxanaxac so Jonás. Qalaxaye qami' na'aictaxa da qaua'aqaitega da ỹa'aqtaxanaxac, qalaxaye saishet da qanaralaxache da qarataxaqui, na'aictaxa da ỹactec da ỹa'amaqchec saq shena'am so Jonás.