Lucas 11:29 - La'aqtaqa Ñim Lo'onatac 'Enauacna 2013

²⁹ Qalota so shiỹaxauapi nquigueuo da na'axaỹaxana So Jesús, nache Somaye 'enapeco': –«Qami' Aỹem qavi'iguiñiitac da Aỹem qauỹaxañiitacot da so'ot ca na'anec, qalaxaye qami' qauemaiqa qataq saishet da huo'o ca qarpi'iỹaxaqui Ñim Lo'onatac 'Enauacna. Qaq 'oonolec da na'anec maye qami' sanema, damaye nachera dam huaigui co'ollaxa so Jonás.

Nuevo Testamento Toba Sur

²⁹ Qaq ÿataqta nquictauec na shiÿaxauapi mayi laponeu'a so Jesús. Nachi somayi detaqa, 'eeta': –Ne'ena shiÿaxauapi nagui ÿataqta qauemaicpi, qataq iÿaxaataique da qai'ot cam n'anec mayi sa qaÿauanapega. Qalaxayi sa ishit da qaltaq qoÿan camayi, chaqsota som n'anec mayi qai'otec co'ollaxa so l'aqtaxanaxanec ñi Dios, l'enaxat Jonás.

Nuevo Testamento Toba Sombrero Negro

²⁹ Ca'li yauana ñe'me Jesús ga'me jiyaĝadipi da'me nepataqata't, qama'le enaac: “Jena'me jenjo' jiyaĝadipi nayi yataqachiñe qaleuaĝaiquipi. Yiyaĝataque da'me qaedi jaloĝon da'me yañoqotaĝanaĝac, qalaĝaja ja yitaĝa qoyaloĝonalo da'me nañoqotaĝanaĝac jo'ne p'ajaye; jalgata ca'li qoyen 'nanec di'me Jonás.

Lucas 11:29 Referans Kwoze

Lucas 11:16

Qataq huo'o na choche ỹauotaique da ỹe'eguen So Jesús. Ỹoqo'oye iỹaxaatacot da ishet da ỹo'ot ca na'anec maye sa qaỹauanapega da ỹachaxan da Somaye 'eesa da lamaxashec Ñim Lo'onatac 'Enauacna.

1 Corintios 1:22

Na judiopi nmitta'a na na'anecpi maye sa qaỹauanapega da yaqto' ỹa'amaqten de'era na'aqtaxanaxac maye sa'axataqtac. Qaq na griegopi qalaq huotaique da hua'aqchigui ca na'aqtaxanaxac maye da qaỹa'axaỹa qalaq nachera lataxac.

Lucas 12:1

Qaq ñaq queta da qalota so shiỹaxauapi lapootapegueua'a So Jesús qataq mashe ivira da huo'o na qaỹe'eguingui. Nache Somaye 'enapegalo soua lapaxaguenataqa, 'eeta': «Maxatchoxo' qome, qarvichiỹa'aguet da latenataxanaxac na fariseopi. Namayepi ỹataqta ỹatenachettac na shiỹaxauapi da 'eetega 'eesa nam la'aqtaxanaxacpi.

Juan 8:44

Qami', som qarta'ai, nacheso som pa'aguenataxanaxaic, ỹoqo'oye qansheetaique da qauo'oche cam 'eetapeguec somaye. Se'eso pa'aguenataxanaxaic, somaye ỹataqta laataxanaxaic qataq tenataxanaxaic. 'Enauac nam ỹa'axat saishet da 'en qataq ỹo'oteguet ca shiỹaxaua da tenataxanaxaic.

Juan 6:30

Nache qainat Somaye, qoỹeeta': –Qaq ¿negue'to' ca na'anec da ishet da qomi' 'auachaxanalo da yaqto' seloxogui, nache ishet da 'am sa'amaqtenaq? ¡Ñaq 'auo'ot cam qomi' 'auachaxanalo!

Juan 2:18

Nache so lataxala'pi na judiopi inattac Somaye, 'eeta': –¿Negue't ca na'anec qomi' 'auachaxanalo, da yaqto' ishet da 'am sa'amaqtenaq da ỹoqta 'eesa da huo'o ca qonec da 'auo'ot de'era?

Lucas 11:50

Qaq 'era da 'eetec da qami' qarasouaxashechi 'enauac da l-leuaxa som la'aqtaxanaxanecpi Ñim Lo'onatac 'Enauacna ana 'alhua,

Lucas 9:41

Nache So Jesús ỹamataigui so ca'attague'pi, nache 'enapeco': –¿Peta'a ỹapac da saishet da huo'o ca qauañoxoche da saishet da qami' soota'agueta? ¡Chaq tachiguiña qome da ñeualaxaunaxac da qoñiita! Qami' ỹataqta qausomiỹapec qataq sa qaupi'iỹa'ai Ñim Lo'onatac 'Enauacna. –Ime, nache So Jesús 'enapega se'eso ỹale 'eeta': –Ñaq 'anaueecna'a cam 'aỹa'alec.

Marcos 8:38

Da qaualliquiitaigui ne'ena shiỹaxauapi maye 'etaxaloxoicpi qataq saishet da ỹaconeguet Ñim Lo'onatac 'Enauacna, nache saishet da Aỹem qaua'aquiiteguelec qataq naua ỹa'aqtaqa. Qaq da Aỹem qaua'aquiilec, nache nataqa'en Aỹem Shiỹaxaua Llalec qami' sa'agueleguete qom ñe'eguelaq da ñanactaigui da la'añaxac Ñim Ita'a qataq na lamaxashecpi.»

Mateo 3:7

Qalaxaye so Juan co'ollaq ila'a da ỹataqta qalota so chegaqaigui na fariseopi qataq so chegaqaigui na saduceopi da anac da huotaique da nachelaxan, nache somaye 'enapega, 'eeta': «¡Qami' maye qoñiita'am da lataxac ca na'araxanaq! ¿Qaupicheetega peta'a da qami' ỹe't da lhuaxanaxanaxac Ñim Lo'onatac 'Enauacna maye naỹa'acna?

Ezequiel 24:24

Qaq na Ezequiel, nachena na qaraloqnaxanaxache qome, da yaqto' qaue'enaxachiichigui dam ỹo'ottac. Qaq qom ipacchigui de'era, nache qauaỹachiñi qome da Aỹem nachaỹem Nataxala'.

Jonás 1:1

Qaq huo'o so na'a'q nache Ñim Nataxala' 'enapega so Jonás, som llalec so Amitay, 'eeta':