Lucas 11:24 - La'aqtaqa Ñim Lo'onatac 'Enauacna 2013

²⁴ So saqcha'a na'añaxac leguemaxaic da ivita da ca'ai ca shiỹaxaua, nache jec, netalec ca toolec 'alhua, nmittaique ca nmataqa'. Qaq da huo'otaq saishet da ỹanata, nache deuennataxan, 'eeta': «Aỹem no'on da she'eguelaxa ñi ima' maye sachegoqtoigui caillaye, nache she'eguelaxaigui.»

Nuevo Testamento Toba Sur

²⁴ Ca n'ec leguemaxaic da ivita da ca'ai ca shiÿaxaua, nachi jec, huetalec ca tojlec 'alhua, nmittaique ca nmataqa'. Qaq da huo'otaq sa ishit da ÿanata, nachi deuennataxan, 'eeta': “Aÿim no'on da shi'iguelaxa ñi ima' mayi sachigoqtoigui caillayi.”

Nuevo Testamento Toba Sombrero Negro

²⁴ “Nale 'uo ga'me nepaqal jo'ne paĝachigui ca'e ga'me jiyaĝaua, yeuotapelo'te gaa'me ale'u jo'ne totapega'ajalo yelotaque ga'me 'nomataqa'. Qalaĝaja, queda'me ja yauana, qama'le 'uo da'me lelnataĝac: «Ji'iyelaĝa jo' ga'me 'yachaqa', jo'ne nach'ega jachiyaqaue.»

Lucas 11:24 Referans Kwoze

1 Pedro 5:8

Qataq ỹataqta qanaỹaanaxanaqchiñi, qataq qami' lhuotte' da huo'o ca qaviyeeguet, cha'aye so pa'aguenataxanaxaic, somaye nmittaique ca ishet da ilaxachigui, 'eeta'am ca quiyoc da desoqtac.

Salmos 63:1

'Am maye 'Aro'onatac 'Enauacna, maye 'am Ñatamnaxala', ỹataqta huo'o da iyaxa da 'am ñimitaique, cha'aye ỹataqta huo'o da iuennataxa da qoneta, qataq 'enauac da ñachaalataxac 'am iuen, 'eeta'am ca 'alhua daqaqta maye iuen ca 'etaxat.

Da na'aqtaguec so Job 2:2

Nache Ñim Lo'onatac 'Enauacna inato' somaye, 'eeta': «¿Hua'ague ca 'auachegoqta'ague?» Nache so Pa'aguenataxanaxaic, 'enapeco': «Qomye secoleetapeguelec naxa 'enauac ana 'alhua.»

Da na'aqtaguec so Job 1:7

Nache Ñim Nataxala' inato' somaye, 'eeta': «¿Hua'ague ca 'auachegoqta'ague?» Nache som Pa'aguenataxanaxaic, 'eeta': «Qomye secoleetapeguelec naxa 'enauac ana 'alhua.»

Marcos 5:10

Aỹem 'anqouaguec, nagui 'am ñachoxoreetot da saishet da ỹaqa'a ca qomi' 'auamaxaguelo.

Isaías 48:22

Qalaxaye na qauemaicpi, saishet da hueto'ot ca nlagaxayec. 'Era da la'aqtac Ñim Nataxala'.

Efesios 2:2

Qataq souaxat da qoquiitague' da qauem lataxac maye ỹo'ottac na shiỹaxauapi maye huetalec ana 'alhua. Qataq qauo'ocheetac na 'eetapeguecsat som saqcha'a maye damaxasoxonapec som ilotague' nam qauem saq cha'api na'añaxacpi qataq maiche ỹoiqueetac nam saishet da ỹalaxaguet Ñim Lo'onatac 'Enauacna.

Marcos 9:25

Nache So Jesús co'ollaq ila'aguet da mashe qalota na shiỹaxauapi da huotaique qanpataxagui Somaye, nache nlaxa so saqcha'a na'añaxac leguemaxaic, 'eeta': –'Am saqcha'a na'añaxac leguemaxaic maye saq da'aqtaxan 'anqa'en ne'ena nsoq, ¡'am shenapega da qoca'ai, qataq saishet da 'añe'eguelaxa namaye!

Isaías 44:3

cha'aye Aỹem so'ot qome da ipaxaalec na 'etaxat ye toolec 'alhua, qataq na la'auaxacpi nam 'alhuapi maye deqaqta. Aỹem sanem qome da dalaxaic lca'alaxa ca 'am chegoxoguetpi, qataq ñamaxa qome ca iqouagaxanaqtaic.

Isaías 35:7

Qaq yem toolec 'alhua qalaq 'eeta'am qome aca lapel, qaq yem 'alhua maye deqaqta qalaq nlaxalec qome ana 'etaxat laỹe'pi maye npaxaatasheguem. Qaq yem hueta'a nagui ana huaxaỹaxapi qalaq ñaxaalec qome ana coqta qataq ana na'aate.

Proverbios 4:16

cha'aye namayepi saishet da lactapiguiñi da sa ỹo'ot ca qauem, qataq sa do'oche da saxanaxa da ỹo'otec ca qauem ca lỹa.

Lucas 11:25

Qaq da ivireua'a, nache ilalec da qui'itta qataq qaỹaỹamaxatchiguiñi.