Lucas 11:22 - La'aqtaqa Ñim Lo'onatac 'Enauacna 2013

²² Qalaxaye da huo'o ca lỹa ỹale napacalec da la'añaxac camaye, nache loxonec, nache deuotaxanec 'enauac na lo'ogoxonaxatpi maye nteetacot. Ime, nache ỹanoigui na nauochaxauapi.

Nuevo Testamento Toba Sur

²² Qalaxayi da anac ca lÿa shiÿaxaua napacalec da l'añaxac somayi, nachi loxonec. Ime, qaq deuotaxanec 'enauac na l'ogoxonaxatpi mayi pe'etega, nachi maichi ÿoiqueetac nam lhuotaxanaxatpi.

Nuevo Testamento Toba Sombrero Negro

²² Qalaĝaja qom ga'me jiyaĝaua laqaya napacalegue da'me 'lañaĝac novi' nataq'aen nomat ga'me, qama'le deuodaĝaneque gaa'me liuoĝonaqa'te jo'ne te'me p'iya'alo, nataq'aen yema ga'me jo'ne loĝot da'me doĝotaĝanec.

Lucas 11:22 Referans Kwoze

Isaías 53:12

Qaq ỹoqo'oye Ñim Lo'onatac 'Enauacna ỹanem da ỹalectaigui na 'amaqtaqaicpi qataq ỹalectaigui na 'añaxaicpi da dauegaxan, cha'aye nañaneguet co'ollaxa da nleuaxa qataq da ỹalectaigui qanqa'en na qauemaicpi, qamaq somaye ỹache na lasouaxashetpi na qalota shiỹaxauapi qataq detaqteguelec nam 'etaxaloxoicpi.

Isaías 27:1

Qaq que'eca na'a'q Ñim Nataxala' iuaxan qome so Leviatán, som na'araxanaq maye ỹataqta huegaqaic, som na'araxanaq maye ỹataqta saqanapot, irolec ca lainec maye qaramta, lta'araic qataq 'añaxaic, qataq ỹalauat qome so shiguiỹac le'enaxat dragón maye huetangui aso auaxai.

Génesis 3:15

Qaq Aỹem, so'ot da 'am, qataq ara 'alo qami' npa'aguenaxau', nache 'ena'am qome ca 'aỹa'alaqpi, qataq ca llalaqpi aramaye. Ca llalaqpi aramaye pigui qome na 'arqaic, qaq 'am 'anaigui qome ana lla'axa.»

1 Juan 4:4

Qami' ỹalqolqa, qami' lalamaqa'ate Ñim Lo'onatac 'Enauacna qaq mashe sogote da qoroxoñiqui ne'ena tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna, cha'aye Ñimaye nache 'eetai' da qami' hueta'agueta, qataq ỹactec da la'añaxac, napacalec da la'añaxac so npa'aguenaxaua.

1 Juan 3:8

Qalaxaye ca saq ỹet da ỹo'ot ca qauem, nache camaye nauochaxaua so pa'aguenataxanaxaic, cha'aye so pa'aguenataxanaxaic, nache 'eetai' da lle'etaxaloxo, chegoqchiguiña co'ollaq Ñim Lo'onatac 'Enauacna ñaq cheta'ague da ỹo'ot ana 'alhua. Qaq nachera da huo'omshe anaỹa ana 'alhua som Llalec Ñim Lo'onatac 'Enauacna: da yaqto' ilaxachigui 'enauac nam ỹo'ottac so pa'aguenataxanaxaic.

Colosenses 2:15

Ñim Lo'onatac 'Enauacna deuotaxanec da la'añaxac nam saq cha'api maye damaxasoxonapecpi chegoqchigui So Cristo da loxonec namayepi, ỹataqta qaica ca 'enec naqa'en co'ollaq ỹauec da 'eeta'am da lcoñeteguishecpi co'ollaq dauegaxan Somaye.

Éxodo 15:9

So depa'aguenataxan, qalaq 'eeta' da lhuennataxa: ‹Aỹem secaalec qome somayepi, sevira'a da sevi', ime, qaq ñaloqnec qome ca iuotaxanaxat, ivitta'a da ỹataqta samachiguiñi. Ñeqatsheguem qome na ỹainec nache na ihuaq nlaxaañi somayepi›.

Lucas 11:21

Ỹataqta lta'araic da lqalaic da qaicachigui ca lma' ca ỹale 'añaxaic qataq ỹataqta na'atchiguiñi na lo'ogoxonaxat.

Lucas 11:23

Qami' da saishet da qauaỹamaxayiñi da so'ottac, nache qami' Aỹem qauataiỹa'aguet. Qataq da saishet da Aỹem qautauañi da qanaviquiiuo ca lỹa shiỹaxaua da Aỹem quegue, nache qami' 'eeta'am da Aỹem qauo'otaxañiiteguelec.

Efesios 6:11

Qataq qaupaqtaxañiỹa qome nam no'ogoxonaxatpi maye qami' ỹanema Ñim Lo'onatac 'Enauacna, yaqto' da qami' iloquiaxa'n so pa'aguenataxanaxaic, nache ishet da qauataiỹa'aguet.

Efesios 6:13

Qaq ỹoqo'oye ¡qaupaqtaxañiỹa qome 'enauac na no'ogoxonaxatpi maye qami' ỹanema Ñim Lo'onatac 'Enauacna! Yaqto' da nvildeuo caua na'axa'te maye qauema, nache da qami' iloquiaxa'n so pa'aguenataxanaxaic, nache ishet da qauataiỹa'aguet. Qaq da mashe ime da qarloquiaxaqui, nache qoquiito'ot da qanaỹamaxacheetai'.