Lucas 11:18 - La'aqtaqa Ñim Lo'onatac 'Enauacna 2013

¹⁸ Qaq nache 'eetec nataqa'en so pa'aguenataxanaxaic da maiche npa'agueela't, nache maiche nlaxaañi da lo'onataxanaxac. Qami' qoñiitega da Aỹem so'otteguec na ne'ecpi leguemaxaicpi da so'otaxaatega da la'añaxac so pa'aguenataxanaxaic.

Nuevo Testamento Toba Sur

¹⁸ Qaq nachi 'eetec nataq'en so Satanás da maichi nÿodacachi nam quetague', qaq ¿huá'ago' da ishit da jec dam l'añaxac? Qaq de'eda shinapec, cha'ayi qami' qoñiitega da aÿim so'ottapeguec na n'ecpi da so'otaxaatega da l'añaxac so Beelzebú.

Nuevo Testamento Toba Sombrero Negro

¹⁸ Nach'e naq'aeta da'me dojo', qom ñe'me payac jo'ne Satanás ma'te ja nalo'ta't da'me ja niyamaĝadenapega't, qama'le ¿teua'atoqo' nach'e eta't 'uo da'me lejaliaĝa? Ami ja'aĝatema da'me dojo' qa'a a'uaĝachetac queda'me nach'eñe Beelzebú jo'ne jayem yanem da'me yañoqotaĝanaĝac qaedi jamaĝadegue ga'me payagodipi.

Lucas 11:18 Referans Kwoze

Mateo 12:26

Qaq nache 'eetec nataqa'en so pa'aguenataxanaxaic, da huo'otaq maiche mpa'agueeteguela't, nache maiche nlaxatteguiñi da lo'onataxanaxac.

Lucas 11:15

Qalaxaye somayepi huo'o na 'enapec: «De'era Jesús ỹo'ottapeguec na saqcha'a na'añaxac leguemaxaicpi maye netaigui na shiỹaxauapi, cha'aye som Beelzebú maye lataxala' nam saqcha'a na'añaxacpi, nacheso so ỹami' da la'añaxac da ỹo'ot de'era.»

Mateo 4:10

Nache So Jesús 'enapego' somaye, 'eeta': –'Am pa'aguenataxanaxaic, aỹem qoca'ai, cha'aye ye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Avio'oxoren Ñim Lo'onatac 'Enauacna, qataq nachaqñita da 'aualaxaguet.»

Mateo 4:24

Nache da na'aqtaguec So Jesús ỹataqta 'enauac ye 'alhua Siria da qaỹaỹaten. Nache qanda'a Somaye som shiỹaxauapi maye ỹotta'a't na lalolaxa, qataq som huo'o na netaigui saqcha'a na'añaxac leguemaxaic, copchaxaicpi, qataq na sa da'añiigue. Nache 'enauac nataren So Jesús.

Mateo 10:25

Ỹoqo'oye ca napaxaguenatac ishet qome da machiguiñi da ivi' da 'eeta'am ca napaxaguenaxala', qataq cam choche namaxashec da ivi' da 'eeta'am ca na'aco'. Cha'aye na shiỹaxauapi da huo'otaq Aỹem iỹaxana, qaq 'eetega da Aỹem pa'aguenataxanaxaic, nache, ¿chaq 'eetec ca lỹaxanataxanaxac da qoñiita maye qami' ỹapaxaguenataqa?