Lucas 11:13 - La'aqtaqa Ñim Lo'onatac 'Enauacna 2013

¹³ Qami' matem qami' qauemaiqa, qalaq qauaỹaañi da qaỹa'añim ca no'on ca qaỹa'alqui, qaq ¿hua'ago' da saq ỹactec ñi Qarta'ai maye Lo'onatac 'Enauacna maye neto'ot na piguem da ishet da ỹanem So Saqcha'a Na'añaxac Qui'itta cam iỹaxanot Ñimaye?»

Nuevo Testamento Toba Sur

¹³ Qami' matem qami' yiloxoiqa, qalaq qauaÿajñi da qai'añiim ca no'on na qai'alquiipi, qaq ¿huá'ago' da saq 'eetec ñi qadta'ai mayi neto'ot na piguem da ishit da ÿanem so Espíritu Santo cam iÿaxanot ñimayi?

Nuevo Testamento Toba Sombrero Negro

¹³ Chane'eja, qom ami, jo'ne qaleuaĝayaqa, auayachiñe da'me auañema gaa'me uo'oe jo'ne onaĝayaqa naa'me ac'oqo'chedi', qama'le ¡yataqachiñe p'ajaye ñe'me Qadet'a jo'ne na'ague di'me piyem yanema jaĝa'te ñe'me Lepaqal jo'ne ja 'nalegue ena'uaque jogaa'me jo'ne yiyaĝadaque!”

Lucas 11:13 Referans Kwoze

Mateo 7:11

Qami' matem qami' qauemaiqa, qalaq qauaỹachiñi da qaỹa'añim ca no'on cam qaỹa'alqui. Qaq ¡taloxocheyectoxo' da saq ỹactec Ñim Qarta'ai maye neta'ague da piguem da ishet da ỹanem ca no'on cam iỹaxanot Ñimaye!

Juan 4:10

Nache So Jesús 'enapeco': –'Am saishet da 'auaỹaten dam huotaique 'am ỹanem Ñim Lo'onatac 'Enauacna, qataq nataqa'en saishet da Aỹem 'auauatton. Cha'ayectaxa da 'auaỹaten, nache 'am Aỹem 'auỹaxanot taxa ca 'etaxat, nache Aỹem 'am sanem ca 'etaxat maye chegaqaigui da nca'alaxa.

Romanos 8:32

Cha'aye Ñimaye qomi' ỹanema so lalamaxat Llalec co'ollaxa. Qaq da qomi' ỹanema So Llalec, nache nataqa'en qomi' ỹanema 'enauacna.

Proverbios 1:23

Qana'axaỹaxañiỹalo qome naua iviraqtaxanaxaco, yaqto' qami' sanema da iquiyaqteỹaxac, qataq qami' sanema da qauauattoñi na iuennataxacpi.

Hechos 2:38

Nache so Pedro 'enapego' somayepi, 'eeta': –Qomye qauỹaxañiỹot Ñim Lo'onatac 'Enauacna da qami' ichoxore'n qataq qavi'eguelaqaỹot da qaualaqaiguet Ñimaye qataq qauaqaita'a da qami' ñachelaxanaxaguilo da le'enaxat So Jesucristo. Yaqto' Ñim Lo'onatac 'Enauacna ỹapalaxa't naua qarasouaxashe'echilli' qataq qami' ỹanema So Saqcha'a Na'añaxac Qui'itta.

Joel 2:28

Qaq qom ime de'era, nache talec ñaqa'en 'enauac na shiỹaxauapi ca lta'araic ỹa'añaxac, huaña, nache nam qaỹa'alquipi qataq ana qaỹa'allipi, huo'o qome nam ỹa'axata'api, qataq nam ỹa'axaiquipi huo'oi qome naua lchoxonaxaco, qataq na nsoxoppi huo'oi qome naua l-loxoco.

Ezequiel 36:27

Qami' sanaiguilo qome so Saqcha'a Ỹa'añaxac, nache so'ot da qaupaquiitelec qome na iqataxacpi, qataq na ỹamaxasoxonaxacpi,

Isaías 49:15

Qalaxaye, ¿ishet peta'a aca nate'e da icoua'ai ca llalec, huo'otaq da vi'iiguet da lauoche cam lalamaxat llalec? Qaq na'aictaxa da acamaye icoua'ai ca llalec, qalaxaye Aỹem saishet da 'am secoua'ai.

Mateo 6:14

Cha'aye da qami' qauchoxoyiñi cam qarỹai maye qami' ỹo'oteque ca sa ỹaỹamaxañi, nache Ñim Lo'onatac 'Enauacna maye Qarta'ai maye neta'ague da piguem nataqa'en qami' ichoxore'n.

Mateo 6:32

Cha'aye nam sa ỹauatton Ñim Lo'onatac 'Enauacna maye ỹaquicoqchet da iuennatega de'era. Qalaxaye qami' saishet da qami' ỹaquicoqche't de'era, cha'aye Ñim Qarta'ai maye neta'ague da piguem, Ñimaye ỹaỹaten da qami' qaviñiitac 'enauac ne'enapi.

Lucas 11:2

Nache So Jesús 'enapeco': –Da ivita da qanatamñi, qalaq qoñiita': «'Am Qarta'a maye qoneto'ot na piguem, 'enauac qome da 'am qaỹauatton da 'am 'oonolec maye 'Aro'onatac 'Enauacna. Ña 'auanac yaqto' 'am 'oonolec da 'am Qarta'a,

Mateo 6:30

Qaq Ñim Lo'onatac 'Enauacna da ỹami' da lyacỹaxac anam huoue nagui maye huetauga na no'onaxa, qamaq ca lỹa na'a'q nache deqaqa, qaq da nache 'eetec de'era nache ¿peta'a sa ỹacteco' cam qami' ỹo'oteque Ñimaye? ¡Aỹem sela'a da saxanaxa da qauaỹachiñi da ỹoqta qaupi'iỹa'ai Ñim Lo'onatac 'Enauacna!

Mateo 5:45

Yaqto' qauachaxañi da qarataxaqui da qoñiita'am Ñim Qarta'ai maye Lo'onatac 'Enauacna maye neta'ague da piguem. Ñimaye nnoxoosheguem naqa'en añi nala' da icoỹarelec nam qauem da lataxac qataq na no'on da lataxac, qataq da ivita da namaq na auot, qalaq talec naqa'en nam ỹalaxaguet Ñimaye qataq nataqa'en nam saishet da ỹalaq.

Mateo 5:16

Qaq nache 'eetec qome nataqa'en da qoñiita, da qarataxaqui iuen da 'eeta'am aca ncoỹaraxanaxaqui da 'eroigui qataq ỹachaxan da 'eetec da qaỹalaxaguet Ñim Lo'onatac 'Enauacna. Qauo'oche ca ỹaỹamaqchiguiñi, yaqto' ila'a na laỹepi shiỹaxauapi. Ime, nache namayepi ỹo'oxoren Ñim Lo'onatac 'Enauacna, Ñim Qarta'ai maye neto'ot na piguem.

Salmos 51:5

Cha'aye saỹateeta da qauem da ỹañoxoc, nale'ena da aỹem 'etaxaloxoic, co'ollaq ñaq sootaigui na lauel aso ỹate'e.

Romanos 7:18

Qaq nache aỹem saỹaten da lqopitaxanaqtaic da ỹapachiỹaxac, saishet da aỹem ỹashenem da so'ot ca ỹaỹamaqchiguiñi. Qaq na'aictaxa da aỹem huo'o da iyaxa da so'ot ca ỹaỹamaqchiguiñi, qalaxaye saishet da sañoxot da so'ot.

Romanos 5:17

Da lle'etaxaloxo so Adán da chegoqchigui da huo'o da la'añaxac da nleuaxa ana 'alhua. Qaq ỹactec qone' da 'eesa da chegoqchigui So Jesucristo, da qomi' senoxonaxaua'a da la'añaxac da dalaxaic achaalataxac. Cha'aye Ñim Lo'onatac 'Enauacna qomi' ỹauoteque, qataq qomi' ỹaỹamaxareete', qaq saishet da qomi' iỹaxanoto aca lasheue damaye.

Tito 3:3

Cha'aye nataqa'en qomi' co'ollaxa soua hua'au' na'axa'te, qomi' qaica ca saỹaanaqpec qataq qomi' qauemaiqa, sesomaqtac qataq qomi' l-lataqa na ỹotta'a't qarqopitaxanaqtaicpi. Souaqtaigui na qauemsat qataq da nquiỹaxanaqtaic qataq seviraqta'a da ñepa'aguenaqta'a't.

Génesis 8:21

Qaq co'ollaq ivirot Ñim Nataxala', dam ỹataqta ama laitaỹaxac, nache 'enapeco': «Saishet qome da qaltaq she'eguelaxalec da sasaxalec ca qauem ỹa'aqtac ana 'alhua, souaxat nam qauem maye ỹo'otpi na shiỹaxauapi, cha'aye namayepi nache nacta'ai' co'ollaxa da iuennatega da ỹo'ot da qauem. Qataq nataqa'en saishet qome da qaltaq she'eguelaxa da ñelaxaañi 'enauac na shiguiỹacpi, da 'eeta'am de'era so'ot nagui.

Lucas 11:12

¿Huo'otaq ỹami' peta'a ca pe'elaqtoic da camaye iỹaxanaique ca 'olgaxa lco'oue'?

Lucas 18:7

Qaq Ñim Lo'onatac 'Enauacna ¿peta'a saq 'eeteco' nataqa'en de'era, da iueelec cam lca'aguishec maye nachoxoreetacot Ñimaye naua na'axa'tesa'ache qataq naua pe'? Qaq ¿peta'a huo'o ca ỹectega? 'A'i saishet.