Lucas 10:5 - La'aqtaqa Ñim Lo'onatac 'Enauacna 2013

⁵ Qaq da huo'o ca qaviyeeua'a nỹec, qalaq qauquiñi 'enauac ca hueta'a que'eca nỹec, qauachaxañi da qaryaqai da que'eca nỹec no'on da taỹa'ague.

Nuevo Testamento Toba Sur

⁵ Qaq da huo'o ca qavichiu'a nma', qalaq qau'auaxañiiñi da qauquinaxañi, qoñiita': “Huo'o qome da l-lagaxayic ne'ena nma'.”

Nuevo Testamento Toba Sombrero Negro

⁵ “Qom 'uo ga'me 'nachaqa' jo'ne ayoue, 'uaeñe da'me auep'iyeñi, aueñeetojo': «'Noota qom Dios 'lemaĝac ami uetauelo.»

Lucas 10:5 Referans Kwoze

1 Samuel 25:6

Qataq qaỹa'añim qome da ỹa'aqtac maye, 'eeta': Ỹataqta 'am nlaqchigui qome da 'arlagaxayec, qataq na 'aỹa'alaqpi, qataq 'enauac nam 'aralamaxatpi.

Isaías 57:19

nache ỹo'on ñaqa'en namayepi da no'onec maye, 'eeta': ‹¡Huo'o da l-lagaxayec nam hueta'a ca qaỹoqta, qataq huo'o da l-lagaxayec nam hueta'a ca saqaỹapeque! ¡Aỹem ñataren qome na ỹalamaxat nhuo' le'ecpi!›

Efesios 2:17

So Cristo anac co'ollaxa da ỹa'axatem 'enauac na shiỹaxauapi da no'on na'axaỹaxac maye ỹo'ot da nlagaxayec, qaq ivirauga na saishet da judiopi maye qaỹoqta co'ollaxa Ñim Lo'onatac 'Enauacna qataq nam judiopi maye saqaỹapeque Ñimaye.

Lucas 19:9

Nache So Jesús 'enapeco': –Nagui na na'a'q, 'am qataq 'enauac nam hueta'a na 'arma' qanca'alliiuec, cha'aye nataqa'en maiche 'am llalec so Abraham.

Hechos 10:36

Ñim Lo'onatac 'Enauacna namaxa co'ollaxa na Israel le'ecpi da la'aqtac, dam la'aqtac maye ỹo'ot da nlagaxayec, chegoqchigui So Jesucristo, Som Lca'aguishec qataq Lataxala' 'enauac na shiỹaxauapi.

Lucas 10:4

Saishet da qauache aca qo'omi qataq caua qarachoxonaxaquilli' qataq caua lỹa't qarapela'achilli'. Qataq saishet da huo'o ca qaumiilec da qoviita'a da qauquinaxañiitac na nqa'aic.

Lucas 10:6

Qaq que'eca hueta'a ca nỹec da ỹaconeguet de'era no'on, nache de'era qaryaqai ipacchigui. Qaq da sa ỹaconeguet camayepi, nache de'era qaryaqai saishet da ipac.