Lucas 10:37 - La'aqtaqa Ñim Lo'onatac 'Enauacna 2013

³⁷ –Qomye som huo'o da ltaunaxanaxac somaye, qataq ilotague', 'enapeco' som dapaxaguenataxaatapeguec na namaxasoxonaxacpi. Nache So Jesús 'enapeco': –'Aue, qojec, nataqa'en 'auo'ot qome de'era.

Nuevo Testamento Toba Sur

³⁷ Nachi som dapaxaguenataxanapec 'enapeco': –Qomyi som huo'o da lchoxonnataxanaxa somayi. Nachi so Jesús 'enapeco': –'Aue, qojec, nataq'en 'au'ot damaxa.

Nuevo Testamento Toba Sombrero Negro

³⁷ Ñe'me paĝaguenataĝanaĝaic daa'me Dios lamaĝajoĝonaĝaco 'yateguet: —Ñe'me jo'ne yichoĝoden joñe'me. Jesús 'yateguet joñe'me: —Chane'eja oc nayi qama'le naq'aeta da'me aua'uo.

Lucas 10:37 Referans Kwoze

Miqueas 6:8

Ñim Nataxala' mashe 'am da'aqtaxaatapeguem dam no'on. Maye iuatta'a Ñimaye da 'auo'ot, 'eeta': 'Auo'ot da nalochiguiñi lataxac, qataq 'auo'ot da nchoxonnataxanaxa, qataq 'am huesota da 'auatato'ot Ñim 'Anatamnaxala'.

1 Pedro 2:21

Da huo'o ca choche qaỹo'otec da nque'eenaxac, nache no'on da tachigui lauel da la'aqtac Ñim Lo'onatac 'Enauacna da ca huo'o da nque'eenaxac, nache iuen da na'añaxateguet. Cha'aye 'era da 'eetec co'ollaxa So Cristo da yaqto' qomi' ishet da seloxolec Somaye, cha'aye huo'o da nque'eenaxac co'ollaxa souaxat qami'.

2 Corintios 8:9

Cha'aye qami' qauaỹachiñi da So Qarataxala' Jesucristo ỹataqta sallaxanec, qalaxaye ye ỹataqta ỹaguec da qami' ỹauoteque, nache naỹa ana 'alhua, nache ỹacona da choxoraq yaqto' ỹachegoxotchigui da lachoxoyec da qami' qaviyiỹa'a da qami' sallaxanaqa.

Mateo 23:23

¡Ỹataqta qauem da qa'aita'ague qami' maye qauapaxaguenataxañiiteguec na namaxasoxonaxacpi qataq qami' fariseopi maye qoñiitega da qami' 'eesora! ¡Qami' tenataxanaxaicpi! Ỹataqta huo'o da qanpogoxoinaxaqui da qaỹa'añiiuo da qarachetaqtaxanaqche añi 'oonole laue ana diez ana nalecnaxanaqte maye le'enaxat menta, qataq anís, qataq ana comino maye qa'añiguishe, qalaxaye qami' saishet da qaualaqaigueta naua lapaxaguenataxanaxaco nam nqataxacpi maye ỹoqta iue'n da qaỹalaxaleguete maye, 'eeta': da no'on nataxac, qataq da qaichoxoren ca nỹa, qataq da qaỹalaxaguet Ñim Lo'onatac 'Enauacna. Qaq ne'enaua tres nachenaua naua iue'n da ỹataqta qaỹo'o't, qalaxaye saishet da nache sa qaỹalaxalec na laỹepi namaxasoxonaxacpi.

Efesios 5:2

Qataq iuen da ỹataqta qauauochec na laỹepi shiỹaxauapi, 'eeta'am So Cristo da qomi' ỹauoteque qataq qomi' ileualeguete. Qaq da l-leuaxa Somaye Ñim Lo'onatac 'Enauacna, 'eeta'am naqa'en da alaitaỹaxac ca no'on coraxat maye qoỹaneuo da nachetaqtaxanaxat.

Oseas 6:6

Cha'aye aỹem ñeshetaique da aỹem qauauochec, qaq saishet da nachena nam qarachetaqtaxanaxache da ñeshetaique da aỹem qandoitapegueua'a. Qataq ñeshetaique da aỹem qauauattoñi da aỹem Qanatamnaxala'ai, qaq saishet da choche aỹem qaỹa'añeetacot anam nachetaqtaxanaqte qaỹavigaxatta.

Proverbios 14:21

Ca ỹo'otan ca nauochaxaua qalaq huo'o da lasouaxashet, qaq ca ichoxoren na choxoraq qalaq ỹataqta machiguiñi.

Mateo 20:28

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac qataq ñanac da sesoueeguesop na lasouaxashetpi na shiỹaxauapi qataq san da ñachaalataxac da lasheue damaye.»

Lucas 10:36

Qaq So Jesús co'ollaq imat se'eso ỹa'axattac, nache inat som dapaxaguenataxaatapeguec na namaxasoxonaxacpi, 'eeta': Hua', nagui 'am senat. Se'esoua tres maye quetrague' se'eso nqa'aic ¿chaq negue't ca 'aupeta'a da ỹachaxan da ỹoqta lỹa se'eso shiỹaxaua maye nhuo't soua cachaxaiqa?»

Lucas 10:38

Co'ollaq taỹa'ague da Jerusalén So Jesús qataq soua lapaxaguenataqa, nache huo'o ye taaleguete nỹecpi. Qaq yemaye, nache hueta'a aso 'alo le'enaxat Marta asomaye ỹaconeguet So Jesús qataq ỹauegueua'a so lma'.