Lucas 10:31 - La'aqtaqa Ñim Lo'onatac 'Enauacna 2013

³¹ Qaq huaqteguet se'eso na'a'q da quetague' se'eso nqa'aic so 'oonolec nam ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna. Qalaxaye co'ollaq ila'a, nache napactalec.

Nuevo Testamento Toba Sur

³¹ Qaq huaqteguet se'eso na'a'q da quetague' se'eso nqa'aic so 'oonolec nam ltaxaÿaxanaxanec na shiÿaxauapi da qaitaxaÿapegue' ñi Dios. Qalaxayi co'ollaq ila'a, nachi chochi napactalec.

Nuevo Testamento Toba Sombrero Negro

³¹ Ua'edi 'uo ñe'me tamenaĝaiqui lo'o nach'ega ga'me naq'aec ta'ya; qalaĝaja ca'li yauana equejop qama'le leuotalegue.

Lucas 10:31 Referans Kwoze

Salmos 69:20

Da ñesheunaguec ỹataqta ilaxatta añi iquiyaqte, nache ỹo'ot da ñelauchiguiñi qataq qaica ca ỹa'añaxac, qataq qaica ca naigui da ñimittaique ca aỹem icochaq qataq ca aỹem ichoxoren.

Malaquías 1:10

«¡Ỹataqta da iyaxa da huo'o ca 'oonolec da qoñeeta da ỹapogui na lasompi añi atamnaxaqui maye ỹalamaqte, yaqto' saishet da choche ne'en da qoỹegueua'a na norec añi ỹalamaqte nca'atoxonaxalate! Cha'aye Aỹem saishet da qami' ñetootegueque, qataq saishet da shecto'ot da sacootapeeguet ana qarachetaqtaxanaqche.

Oseas 6:9

Qaq so nqa'aic maye taỹa'a ye Siquén, qalaq hueta'a na ntaxaỹaxanaxanecpi maye 'eeta'am nam cachaxaicpi da nauaata'aguet na shiỹaxauapi, qaq huaña da decache qataq da dalaataxan.

Oseas 5:1

«Ña qana'axaỹaxañiỹa de'era qami' ntaxaỹaxanaxanecpi, qataq qami' nhuo' Israel le'ecpi, qataq qami' nta'alpi, cha'aye qami' naỹa'alo ca qanhuaxanaguiiqui, souaxat da 'eco' qami' nqoina co'ollaq huaña ye Mispá, qataq 'eco' qami' naleguec co'ollaq huaña ye Tabor,

Jeremías 5:31

Nam na'aqtaxanaxanecpi qalaq saq'en nam la'aqtaxanaxacpi qataq na ntaxaỹaxanaxanecpi maiche ỹoiqueetac da lo'onataxanaxac, ¡Qaq nam ỹalamaxat nhuo' le'ecpi nachera dam ỹaỹamaxareeta! Qalaxaye ¿cam qoñiitec qami' qom qami' nvitalo ca laloqo' de'era?»

Eclesiastés 9:11

Qataq huo'o da lỹa sela'a ana'ana 'alhua, da saishet da nachena nam qayaqaicpi na dauegaxan da qomitaxac, qataq saishet da nachena nam 'añaxaicpi nam dauegaxan da huo'o ye alaataxac. Qataq da saishet da nache 'eetai' naxa da deque'etai' nam ỹaanaxanaxaicpi, qataq nam ỹaanataxanaxaicpi da nache hueto'ot da lsallaxa, qataq nam sanqalaate' da ltaxaỹaxac saishet da qaỹaỹamaxatta da qaỹaconeguet. Cha'aye 'enauac namayepi da huo'o ye na'a'q da nvita da no'on qataq da qauem.

Proverbios 21:13

Ca saishet da hua'axaỹa da nachoxonnaxac ca choxoraq, qaq camaye nataqa'en saishet da qaỹa'axaỹa da ivita da iỹaxanaique ca ntaunaguec.

Salmos 142:4

Ñaq 'auamata'ague qome na aỹoic, yaqto' 'aula'a da qaica ca aỹem itauan, qaica ca ỹe'eguenaqa', qataq qaica ca aỹem huapegue'.

Rut 2:3

Nache aso Rut jec, tauga so nanaxanaqa', nache natota'aguet ana ala so nañiguishec maye no'onaxatañi som deqataxaatacpi. Qaq so nanaxanaqa' maye tateua'a asomaye, nache lanaxanaqa' so Booz, som lauo' le'ec co'ollaxa ye Elimelec.

2 Samuel 1:6

Nache somaye 'enapeco': Qomye choche huaqteguet da soota'a añi qasoxonaxa Gilboa, nache selota'a so Saúl, da ỹasheltalec aso lataquiaxai, qaq aso naigonapi qataq so netalec so caipi mashe nayeeta'a somaye.

Isaías 58:7

qataq 'aỹa'anem ca laỹe ca 'oq cam huo'o na lqouaxa, qataq ca qaica ca lma' qalaq 'auaconeguet da naua'a ca 'arma', qataq ca qaica ca logoxot qalaq 'aỹa'anem ca logoxot, qataq saishet da 'axanec da 'autauaatac cam qoneta'am 'arỹa.

Lucas 10:30

Nache So Jesús ỹauo'o so daloqnaxana, 'eeta': «Huo'o so na'a'q, nache huo'o so ỹale chegoqtasheguema ye Jerusalén, quetague' so nqa'aic maye taỹa'a ye Jericó. Nache huangui so nqa'aic da huo'oi soua cachaxaiqa da nhuo' somaye qataq iuaxaata'ape qataq ỹacona 'enauac so lla'ac qataq icopchaqchet.

Lucas 10:32

Nataqa'en nateuga yi'iye som ltaua na ntaxaỹaxanaxanecpi, qalaxaye co'ollaq ivita se'eso huaña so ỹale, nache ila'a, qalaxaye nataqa'en napactalec.