Lucas 10:3 - La'aqtaqa Ñim Lo'onatac 'Enauacna 2013

³ Qoqui nagui, qalaxaye maxatchaxa qome, cha'aye Aỹem qami' sama'q sheeta'am ca ỹamaq ca qagueta llalec da quichiguingui na dequi'iỹapecpi.

Nuevo Testamento Toba Sur

³ Qami' qoquii nagui, qami' sama'q, qaq qoñiita'am qome ca qagueta llalaqpi da quichiguingui na dequi'iÿapecpi.

Nuevo Testamento Toba Sombrero Negro

³ Jamoyi, auayachiñe jo' da'me aueñiya'ama gaa'me 'naĝanaĝatel c'oqotel jo'ne quetauelo gaa'me diquiya'ape da'me ami jamaĝauelo.

Lucas 10:3 Referans Kwoze

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Hechos 20:29

Cha'aye aỹem saỹateeta da qom sheca'ai ne'ena, nache huo'o qome ca lỹa anac da huotaique da nlaxaañi na 'amqaanataxanaxaicpi, 'eeta'am da 'eetec ca dequi'iỹapec da detoxongui ana qaguetapi.

Juan 16:2

Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Juan 15:20

Qaq qauennachiỹa'a da ỹa'aqtac maye qami' sanema quiye da sheeta': «Qaica ca nlatac da huo'otaq ishet da napacalec ca na'aco'.» Qaq da huo'otaq Aỹem qaicaatac, qaq nataqa'en da qoñiita huo'o da qancanaguiiqui. Qaq da ỹataqta ỹalaxalec da ỹapaxaguenataxanaxac na shiỹaxauapi, qaq nataqa'en ỹataqta ỹalaxaguet da qarapaxaguenataxanaxaqui.

Mateo 10:22

Qataq 'enauac qome nam shiỹaxauapi ỹataqta qami' nquiỹalo, souaxat da Aỹem qoquiitague'. Qalaxaye cam Aỹem pi'iỹa'a choche ivitta'a ca loga't da nachaalataxac nache Aỹem ñeca'alaxatec .

Mateo 7:15

¡Qarvichiỹa'aguet nam tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna! Namayepi qami' naỹalo, nache ỹe'enaxat da lataxac ana qagueta, qalaxaye na pa'auo 'eeta'am da lataxac na shiguiỹac maye dequi'iỹapec.

Sofonías 3:3

Nam lataxala'pi qalaq 'eeta'am na llonpi da desoqtai'; qaq nam nmit ca nasouaxashet, qalaq 'eeta'am na qa'alaqpi maye huetauga na no'onaxa, maye saishet da no'onaxatañi ca 'oonolec lpi'inec da iviraxata'aguet ca lỹa na'a'q.

Hechos 9:2

Nache iỹaxanot somaye, da yaqto' ỹanem aca lmalate ca la'aqtac, da yaqto' so Saulo nqo'ona aca napaxaguenaxaqui na judiopi maye naña ye nỹecpi ye Damasco, da ỹe'eguena'a nam quetague' da lapaxaguenataxanaxac So Jesús da yaqto' nauega ye Jerusalén da icoñi', na'aictaxa da huo'otaq ỹalleppi, huo'otaq 'alpi.

Juan 10:12

Qaq cam choche do'onataxaatapeguelec aca lasheue, camaye saishet da ỹoqta lo'o ana qagueta. Qaq camaye da huo'otaq ila'aguet ca dequi'iỹapec, nache no'onaxatchigui aca qaguetapi da datauec, cha'aye saishet da ỹoqta lalamaqtepi. Nache cam dequi'iỹapec ishet da ỹaconeua'a aca 'oonole ana qaguetapi, qaq ana laỹepi qalaq nlagaxattac.

Salmos 22:21

Qataq aỹem 'anca'alaxateeguesop qome naua ala'api na llonpi, qataq aỹem 'eltaxaneguet ana lcouepi ne'ena huacapi.

Hechos 9:16

Qaq ñimaye Aỹem sachaxana qome na ỹataqta qalota nque'eenaxac souaxat Aỹem.

Lucas 10:4

Saishet da qauache aca qo'omi qataq caua qarachoxonaxaquilli' qataq caua lỹa't qarapela'achilli'. Qataq saishet da huo'o ca qaumiilec da qoviita'a da qauquinaxañiitac na nqa'aic.