Lucas 10:29 - La'aqtaqa Ñim Lo'onatac 'Enauacna 2013

²⁹ Qalaxaye som dapaxaguenataxaatapeguec na namaxasoxonaxacpi saishet da maguiñi souaxat de'era lasataxac So Jesús, nache qaltaq ỹe'eguelaxalec da inat Somaye, 'eeta': –¿Negue't cam ỹalamaxat iqaỹa?

Nuevo Testamento Toba Sur

²⁹ Qalaxayi som dapaxaguenataxanapec ÿauotaique da iuejlec dam nnataxanaxac, nachi 'enapego' so Jesús, 'eeta': –Qaq ¿chaq négue'to' cam iÿa mayi shiita'am?

Nuevo Testamento Toba Sombrero Negro

²⁹ Qalaĝaja ñe'me paĝaguenataĝanaĝaic daa'me Dios lamaĝajoĝonaĝaco jetaque yayatetelegue da'me lenataĝanaĝac, qama'le yachimaĝata ñe'me Jesús: —Qama'le, ¿jach'e jogamaĝa yataqachiñe yaqaya?

Lucas 10:29 Referans Kwoze

Lucas 16:15

Nache So Jesús 'enapeco': «Qami' maye nacheqami' choche qanachaxañiitega 'enauac na shiỹaxauapi da qami' no'o'n, qalaxaye Ñim Lo'onatac 'Enauacna ỹauatto'n naua qarquiyaqchilli'. Cha'aye cam ỹamata'ac nam shiỹaxauapi da 'eetega 'amaqtaqaic, qaq nacheca cam ỹataqta ỹaỹemec Ñim Lo'onatac 'Enauacna.

Gálatas 3:11

Qaica ca ỹaỹamaxareeta Ñim Lo'onatac 'Enauacna da ỹachegoxotchigui da ỹalaxalec na namaxasoxonaxacpi. Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Cam ỹaỹamaxareeta Ñim Lo'onatac 'Enauacna, camaye nacheca ca huo'o da lpi'iỹaxac, qaq camaye, da nachaalataxac chochaq tatec.»

Romanos 4:2

Da Ñim Lo'onatac 'Enauacna taxa da ỹaỹamaxareeta somaye souaxat nam ỹo'otpi, nache somayectaxa ỹataqta huo'o da ño'oxonnaxac. Qalaxaye da nachaatot Ñim Lo'onatac 'Enauacna, nache saishet da huo'o ca na'amqaanaxac.

Levítico 19:34

Nacherata da 'eeta'am da qoñeetec ca maiche qarhuo'oi le'ec da ỹataqta qauauochec camaye, cha'aye nache 'ena'am da qoñiita. Cha'aye nache 'eetec qami' co'ollaq qoviita'a ye Egipto da qauachegoqỹauec. Qaq 'era da ỹa'aqtac, Aỹem Nataxala' maye Qanatamnaxala'ai.

Romanos 10:3

Cha'aye namayepi saishet da ỹaỹaten da 'oonolec Ñim Lo'onatac 'Enauacna da ishet da ỹapalaxat ca lasouaxashet ca shiỹaxaua. Qaq ỹoqo'oye namayepi npogoxoueetapegue' da huo'o cam ỹo'ot da yaqto' Ñim Lo'onatac 'Enauacna ỹaconeguet namayepi. Qaq saishet da ỹo'ot dam ỹataqta ỹaỹamaxareeta Ñim Lo'onatac 'Enauacna.

Lucas 10:36

Qaq So Jesús co'ollaq imat se'eso ỹa'axattac, nache inat som dapaxaguenataxaatapeguec na namaxasoxonaxacpi, 'eeta': Hua', nagui 'am senat. Se'esoua tres maye quetrague' se'eso nqa'aic ¿chaq negue't ca 'aupeta'a da ỹachaxan da ỹoqta lỹa se'eso shiỹaxaua maye nhuo't soua cachaxaiqa?»

Santiago 2:24

Qaq de'era ỹachaxan da Ñim Lo'onatac 'Enauacna qomi' ỹaconegueta chegoqchigui cam ỹaỹamaqchiguiñi maye so'otaq, qaq saishet da nachaqrata da qarpi'iỹaxac.

Da na'aqtaguec so Job 32:2

Nache so Eliú, maye llalec so Baraquel, som lma' ye buz, maye chegoxoguet so Ram, somaye ỹataqta dalemataỹa so Job, souaxat da 'eetega qaica ca lasouaxashet, da hueto'ot Ñim Lo'onatac 'Enauacna.

Marcos 8:34

Qaq co'ollaq ime de'era, nache So Jesús iỹaxanalo soua lapaxaguenataqa, qataq so shiỹaxauapi. Nache 'enapego', 'eeta': «Da qami' qauauoitaique da qami' ỹapaxaguenataqa, nache iuen da qaucoviỹa'ai cam maiche qoñiitapeguec. Qataq iuen da qami' lhuotte' da qanañañi da qami' qaiuaxanegueta ca qanpe'enaxaqui qataq qauo'oche cam shenapec.