Lucas 10:24 - La'aqtaqa Ñim Lo'onatac 'Enauacna 2013

²⁴ Cha'aye qalota co'ollaxa som la'aqtaxanaxanecpi Ñim Lo'onatac 'Enauacna qataq som ilotague' so Israel le'ecpi, huo'o da lyaxa da ỹauaachigui qataq hua'aqchigui dam qami' qauloita'a qataq qaua'aqaichigui nagui, qalaxaye somayepi sa ỹañoxot.»

Nuevo Testamento Toba Sur

²⁴ Cha'ayi qami' sa'aqtaxanema da ÿataqta qalota som l'aqtaxanaxanecpi ñi Dios qataq som nta'alpi mayi ÿauotaique da ÿauaachigui dam qami' qauauañiichigui nagui, qalaxayi sa ishit da qaÿauangui. Qataq qaÿauotaique da qai'aqchigui da qau'aqaichigui nagui, qalaxayi sa ishit da qai'axagui.

Nuevo Testamento Toba Sombrero Negro

²⁴ qa'a ami ja'aĝatema queda'me qayoĝode' joca'li gaa'me Dios 'laqataĝanaĝanaqa nataq'aen jaliaĝanaqa jo'ne jetaque yauata da'me dojo' jo'ne ami auec'achiñetac, qalaĝaja ja yauata; jetaque domachita ga'me jo'ne nayi auomachiiya, qalaĝaja ja domachita.”

Lucas 10:24 Referans Kwoze

Hebreos 11:13

'Enauac se'eso shiỹaxauapi maye sa'axataqtac somayepi choche ivitta'a da ileu da saishet da ỹaconeguet cam chegoqo'ot Ñim Lo'onatac 'Enauacna maye ỹachaxanapeguem. Qalaxaye somayepi souaxat da huo'o da lpi'iỹaxac Ñim Lo'onatac 'Enauacna, nache ilota'a cam talec somayepi da ñaq qaỹoqta. Qalaxaye nache 'ena'am ỹataqta huo'o da ntonaxac, cha'aye somayepi ỹaỹaten da huetalec ana 'alhua qalaq 'eeta'am da ỹaqa'a ca chegaqa'ague da choche cara'ac da hueta'a anamaye.

Juan 8:56

So Abraham maye qarta'ai, somaye ỹataqta huo'o da ntonaxac co'ollaxa da choche iuennatega ca na'a'q da ñevira ana 'alhua. Qaq co'ollaq ilogui, nache somaye ỹataqta nlaqchigui da ntonaxac.

Hebreos 11:39

Qaq Ñim Lo'onatac 'Enauacna qalaq ỹaỹamaxareeta somayepi, cha'aye huo'o da lpi'iỹaxac. Qalaxaye somayepi saishet da huo'o ca ỹaconeguet dam ỹachaxanapec co'ollaxa Ñimaye.

Mateo 13:16

Qalaxaye qami' maye qami' ỹapaxaguenataqa Ñim Lo'onatac 'Enauacna qami' ỹaaleguete da lqouagaxanaqtaic, cha'aye qauauañiichigui qataq qaua'aqaichigui da ỹa'aqtaxanaxac.

Lucas 10:23

Qaq So Jesús co'ollaq nda'ato soua lapaxaguenataqa, nache 'enapegalo, 'eeta': «Ỹataqta qauamaichiguiñi qami' maye qauloỹa'a 'enauac nam yo'oq nagui.

Lucas 10:25

Huo'o so dapaxaguenataxaatapeguec na namaxasoxonaxacpi nquigueua'a So Jesús da yaqto' inat da ishet da ỹasateguet so lnataxanaxac maye ỹataqta alaqaic, nache 'eeta': –'Am Napaxaguenataxanaq, ¿chaq negue't ca iuen da so'ot da yaqto' saconeguet ca nca'alaxa maye chochaq tatec?