Lucas 10:21 - La'aqtaqa Ñim Lo'onatac 'Enauacna 2013

²¹ Huaña, nache So Saqcha'a Na'añaxac Qui'itta ỹo'ot da ntonapigui' So Jesús, nache Somaye 'enapeco': «'Am Ita'a maye 'aulotague' na piguem qataq ana 'alhua 'am sanot da ỹo'oxonnataxanaxac, cha'aye 'auachaxana de'era na ñaqpiolec qaltaq nam 'ena'am namayepi. Qalaxaye saishet da 'auachaxana na lta'araic da lauattonaxanaxac, qataq ỹaanaxanaxaicpi, cha'aye nachera dam maiche 'arhuennataxac 'am Ito'olec.»

Nuevo Testamento Toba Sur

²¹ Huaña, nachi so Espíritu Santo i'ot da ntonapigui' naq'en so Jesús, nachi 'enapeco': –'Am ita'a, 'am sanot da ñi'oxonnataxanaxac, mayi nachi'am lataxala' na neto'ot na piguem qataq na huetalec ana 'alhua, cha'ayi 'am 'auachaxana nam qaica ca ÿaÿajnapec dam 'oxochiisop co'olloxochiyi nam ÿajnaxanaxaicpi qataq nam huattonaxanaxaicpi. Aja', 'am ita'a, cha'ayi nachida da maichi 'adhuennataxac.

Nuevo Testamento Toba Sombrero Negro

²¹ Qanach'ega ua'a ca'li, ñe'me Dios Lepaqal najaqachigui q'aen ñe'me Jesús da'me lamaic, qama'le enaac: “Am 'ñonaĝachigui, Taĝadena', Jaliaĝanec di'me p'ajeguem piyem nataq'aen jena'me aleua, qa'a aualoĝonalo dojo' jogaa'me ja t'añi'y gaa'me uo'oe jo'ne auoĝochi'ñejopa gaa'me yatenaĝanaĝayaqa nataq'aen tadenataĝa'n. Eja, Taĝadena', qa'a naq'aeta da'me jo'ne auepaquetapega.

Lucas 10:21 Referans Kwoze

2 Corintios 4:3

Nachaqnata nam saishet da ỹaỹaten de'era no'on na'axaỹaxac maye sa'axataqtac, namayepi saishet da qanca'alaxatec.

Efesios 1:11

Chegoqchigui So Cristo da Ñim Lo'onatac 'Enauacna nale'ena co'ollaxa da qomi' lca'agui'she da ỹauotaique da qomi' lalamaqa'ate, qataq da yaqto' saconaxaguet 'enauac nam ỹachaxanapecpi Ñimaye. Qaq damaye maiche lhuennataxac Ñim Lo'onatac 'Enauacna, Ñim ỹataqta ipacchigui 'enauac nam 'eetapeguecpi.

Efesios 1:5

ỹoqo'oye namaq So Jesucristo da yaqto' Ñimaye ỹauo'oi qomi' llalqa, cha'aye nachera da maiche 'eetapeguec.

Marcos 10:15

Qaq ỹataqta 'eesa de'era qami' sa'axatema, da ca saishet da 'eeta'am ca nogotolec da ỹaconeguet da lo'onataxanaxac Ñim Lo'onatac 'Enauacna, nache camaye saishet da inoxoneua'a da lo'onataxanaxac Ñimaye.»

Mateo 21:16

Nache somayepi 'enapega So Jesús, 'eeta': –¿'Am peta'a 'aua'aqtega dam 'eetega nam ñaqpiolec? Nache So Jesús 'enapeco': –Aja', sa'aqtega. Qalaxaye qami' ¿saishet peta'a da qautaxaỹaxañi naxa da 'enapec naua ñiyigui'she la'aqtaqa Ñim Lo'onatac 'Enauacna maye, 'eeta'?: «Nam ñaqpiolec maye ñaq qapio'olecpi, qataq nam ñaq lleptacpi, do'onaxaatac 'am ỹo'oxoreetac.»

Mateo 16:17

Nache So Jesús 'enapeco': –¡Ỹataqta lta'araic qome da 'aramaicỹaxac, 'am Pedro maye 'am llalec so Jonás! Cha'aye saishet da maiche 'anallegoxottela't da 'auaỹaten de'era, nacheñi Ñim Ita'a maye neta'ague da piguem Ñim 'am ỹapaxaguen.

Salmos 8:2

Qaq souaxat na 'ampa'aguenaxauapi, nache 'auachegoxotchigui da llo'oxonnataxanaxac na ñaqpiolecpi qataq natai' ñaq lleptacpi, da 'ano'oxoosheguem ca ñi'iguenaxaqui, da yaqto' vi'iiguet 'anqa'en da ltaxaỹaxac na sa ỹalaqpi qataq na depa'aguenataxaatacpi.

Lucas 15:9

Qaq da mashe ỹanata, nache lapona't aca nauochaxauapi qataq acam lauoreuapi. Nache 'enapega, 'eeta': «Qantoñiitapigui', qoñiita'am aỹem, cha'aye mashe sanata aye aỹom lỹa maye deqat.»

Lucas 15:5

Qaq da huo'otaq mashe ỹanata, nache ỹachalec na lallac, nache ỹe'eguelaxauo ỹataqta machiguiñi.

Sofonías 3:17

Cha'aye Ñim Nataxala' maye 'Anatamnaxala' qami' netanguilo; ¡Ñimaye ỹataqta 'añaxaic, nache 'am nca'alaxatec qome! Ñim Nataxala' ỹataqta machiguiñi qome souaxat da qoneta. Qaq do'ogoxona qome da lsoxoyec da naralaxat da 'anachaalataxac; Qaq souaxat da ntonaxac, nache do'onaxaatac

Isaías 66:1

Ñim Nataxala', 'eeta': «Na piguem nachena na ñeso'ootalec, qaq ana 'alhua qalaq nachana ana ỹapiaxalate. Qaq ¿hua'ague ca qaỹa'añiỹa'ague ca ima' da qano'oxoñiisheguem? Qataq ¿hua'ague ca qaỹa'añiỹaña cam ima' maye ishet da ñemataqa'?

Isaías 53:11

Qaq qom ivirec ca lta'araic nque'eenaxac, nache ila'a ca yo'oqchiguiñi, huaña nache somaye ỹataqta machiguiñi da ỹaỹaten, qaq se'eso no'on da lataxac maye lamaxashec Ñim Nataxala' qalota qome na isouec cha'aye ỹache qome na lasouaxashetpi namayepi.

Isaías 29:14

Qaq ỹoqo'oye, ne'ena nhuo' le'ecpi qaltaq so'ot qome ca la'aalaxa, sachegoxotchigui nam saqaỹauanapega qataq huo'o da llo'oxoyec, nache da laỹaanec nam ỹaanaxanaxaicpi, qataq da laỹaanataxanaxac nam ỹaanataxanaxaicpi imeuo qome.»

Juan 11:41

Nache qanqat so coma'. Nache So Jesús ỹamato'ot na piguem, nache 'enapeco': –'Am Ita'a, 'am sanot da ña'achecỹaxac, cha'aye 'am Aỹem 'aua'axaỹa.

Isaías 62:5

Cha'aye da 'eetec cam nsoqolec da huaroneguet aca nauonaxaua, qaq nache 'eetec qome Ñim Lo'onatac 'Enauacna da 'am ỹaconeua'a da ỹauo'o 'am lhua, qaltaq 'am no'oxoosheguem qome nache Ñimaye ỹataqta machiguiñi qom 'am hueta'aguet, 'eeta'am ca nhua da ỹataqta machiguiñi da hueta'aguet aca lhua.

Isaías 35:8

Qaq yemaye nache ỹa'axasosoolec qome ca nqa'aic maye le'enaxat «Nqa'aic Qui'itta». Qaq nam shiỹaxauapi maye saishet da qui'itta, qalaq saishet qome da ỹañoxot da quegue camaye, qataq nataqa'en nam qaica ca ỹaỹaana'a saishet qome da quetague' camaye.

Salmos 25:14

Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.

Salmos 24:1

Ñim Nataxala' lalamaqte 'enauac ana 'alhua, qataq 'enauac nam huetalec anamaye, qataq nam netalecpi anamaye.

Mateo 3:7

Qalaxaye so Juan co'ollaq ila'a da ỹataqta qalota so chegaqaigui na fariseopi qataq so chegaqaigui na saduceopi da anac da huotaique da nachelaxan, nache somaye 'enapega, 'eeta': «¡Qami' maye qoñiita'am da lataxac ca na'araxanaq! ¿Qaupicheetega peta'a da qami' ỹe't da lhuaxanaxanaxac Ñim Lo'onatac 'Enauacna maye naỹa'acna?