Lucas 10:19 - La'aqtaqa Ñim Lo'onatac 'Enauacna 2013

¹⁹ Aỹem qami' sanema da na'añaxac, da yaqto' na na'araxanaqpi qataq na pe'elaqtoicpi saishet da qami' ique'emaqche't, qataq da yaqto' qanaviqui so pa'aguenataxanaxaic maye qami' ipa'agueeta'ape.

Nuevo Testamento Toba Sur

¹⁹ Aÿim qami' sanema da n'añaxac, da yaqto' qauapiigui na n'adaxanaqpi qataq na pelaqtoitpi, qataq yaqto' ishit da qanaloÿa'aguet 'enauac da l'añaxac ca depa'aguenataxaatac, qaq sa ishit da qami' qaique'emaqchi't.

Nuevo Testamento Toba Sombrero Negro

¹⁹ Ami janema da'me adañoqotaĝanaĝaqui qaedi aualequitapegueta jogaa'me nanayaqapi nataq'aen gaa'me noĝopi'go, nataq'aen qaedi anomachi ena'uaque daa'me 'lañaĝaco ñe'me nauteua jo'ne Satanás, qama'le qaya'te gamachaqaega ja no'en jo'ne ami 'yeteque qaedi ya'uo adachoĝodequi.

Lucas 10:19 Referans Kwoze

Salmos 91:13

Qataq ishet da 'auapigui ca llon, qataq ca na'araxanaq, qataq ishet da 'auque'emaqchet ca shiguiỹac lta'araic qataq aca na'araxanaq late'e.

Marcos 16:18

qataq ishet da ỹacongui na na'araxanaq, qataq nỹomgui na deshenataxan, qalaxaye qaica ca 'eetec. Nataqa'en da ỹashel-lec na sa no'onpi, nache no'oita.»

Romanos 16:20

Yaqto' Ñim Lo'onatac 'Enauacna maye chegoqo'ot da nlagaxayec saqaỹaloq da dauegaxan da nauec so pa'aguenataxanaxaic, nache qami' ỹanema da nataqa'en qauauegaxañi. ¡Qaq So Qarataxala' Jesucristo queto'ot da qami' ỹachaxaategalo da lsoxoyec!

Hechos 28:5

Qalaxaye so Pablo ichegoxongui so norec se'eso na'araxanaq.

Apocalipsis 11:5

Qaq da huo'otaq huo'o ca nshetaique da ỹauo'o ca 'ena'aque, nache caamaye iquetetre'c na norec, nache ỹavigaxat 'enauac na ipa'agueetacpi iviraxata'a da ỹalauat.

Ezequiel 2:6

'Am shiỹaxaua, saishet qome da 'añe'eỹa namayepi, qataq naua la'aqtac maye 'am ỹasaxaleguete, na'aictaxa da 'eco' 'am coleesop ana ỹaxat, huo'otaq da 'eco' qonetangui na pe'elaqtoicpi. Saishet da 'añe'eỹa nam la'aqtacpi, qataq saishet da 'am icolanaqchet da lasheguiỹaxac na'aictaxa da ỹataqta chaqaic.

Isaías 11:8

Qaq catai' nogotolec maye ñaq lleptac qalaq ỹa'ashaxaatac ca lauac ca na'araxanaq, qataq ishet qome da ỹasheltapeegue ca lauac camaye.

2 Crónicas 10:11

Qaq da so ita'a da qami' ỹacheleguete co'ollaxa na no'onatacpi maye qapa'atta, nache aỹem ñequigaxattec qome da lsallaxa ca qami' sanema, qaq da huo'otaq qami' iroleguete co'ollaxa ca lalashenaxanaxat, qaq aỹem qalaq qami' seroleguete qome ca nalashenaxanaxat maye lca'ache naua lsheeneqa.

Lucas 11:12

¿Huo'otaq ỹami' peta'a ca pe'elaqtoic da camaye iỹaxanaique ca 'olgaxa lco'oue'?