Lucas 10:17 - La'aqtaqa Ñim Lo'onatac 'Enauacna 2013

¹⁷ Qaq som setenta y dos napaxaguenatacpi maye ỹamaq co'ollaxa So Jesús ỹataqta machiguiñi co'ollaq ñe'eguelaq. Nache da'aqtaxaatac, 'eeta': ¡'Am Qarataxala', ivira'a na saqcha'a na'añaxac leguemaxaicpi ỹataqta qomi' ỹalaxagueta da shenaqapega da seroxolec da 'are'enaxat!

Nuevo Testamento Toba Sur

¹⁷ Qaq som setenta napaxaguenatacpi ÿataqta machiguiñi co'ollaq ñi'iguelaq. Nachi da'aqtaxaatac, 'eeta': –'Am qadataxala', ivida'a na n'ec leguemaxaicpi ÿataqta qomi' ÿalaxagueta souaxat da 'ad'enaxat.

Nuevo Testamento Toba Sombrero Negro

¹⁷ Jogaa'me namaĝa's jo'ne setenta y dos yataqachiñe made'tapolqa ca'li 'viyela', nataq'aen enapega't: —¡Jaliaĝanec! ¡Chayovida'alo gaa'me payagodipi qo'mi yoqo'chalo nale ñenaĝataĝaye da'me adenaĝat!

Lucas 10:17 Referans Kwoze

Romanos 16:20

Yaqto' Ñim Lo'onatac 'Enauacna maye chegoqo'ot da nlagaxayec saqaỹaloq da dauegaxan da nauec so pa'aguenataxanaxaic, nache qami' ỹanema da nataqa'en qauauegaxañi. ¡Qaq So Qarataxala' Jesucristo queto'ot da qami' ỹachaxaategalo da lsoxoyec!

Marcos 16:17

Qaq nam Aỹem pi'iỹa'a qataq do'onataxana da ỹe'enaxat, nache ishet da huo'o ca ỹo'ot na'anec maye sa qaỹauanapega, cam ỹo'ot da na'aalaxa: Ishet da ỹo'orauec na saqcha'a na'añaxac leguemaxaicpi, qataq ishet da da'aqtaxanguilo naua dalaxaiqa na'aqtaqa qataq sa qaỹauanapegalo,

Lucas 9:1

Qaq huo'o so na'a'q, nache So Jesús ỹataxana't soua doce lapaxaguenataqa, nache ỹanema da la'añaxac soomaye da yaqto' natare'n na ỹotta'a't nalolaxapi qataq ỹanema da 'ene'c da ishet da ỹo'orauec nam ỹotta'a't saqcha'a na'añaxac leguemaxaicpi.

Lucas 10:1

Qaq co'ollaq ime de'era, nache So Jesús lca'aua'a so setenta y dos laỹepi lapaxaguenatacpi, nache ỹamaq somayepi dostega't naqa'en, da ỹa'auaxaata'a 'enauac na naña na saq 'amaqtaq nỹecpiolec qataq naua lỹa't 'aleu' maye taỹa'alo Somaye.

Lucas 10:9

qanatayiñi 'enauac nam sa no'onpi maye hueta'a camaye, qataq qaua'aqtaxañim da lo'onataxanaxac Ñim Lo'onatac 'Enauacna da mashe nayeetai'.

Mateo 4:24

Nache da na'aqtaguec So Jesús ỹataqta 'enauac ye 'alhua Siria da qaỹaỹaten. Nache qanda'a Somaye som shiỹaxauapi maye ỹotta'a't na lalolaxa, qataq som huo'o na netaigui saqcha'a na'añaxac leguemaxaic, copchaxaicpi, qataq na sa da'añiigue. Nache 'enauac nataren So Jesús.

Lucas 10:20

Qalaxaye saishet da qantoñiitapeguec da mashe qami' ỹalaxagueta na saqcha'a na'añaxac leguemaxaicpi, nachaqrata qome da qantoñiitapeguec da mashe qoỹettauo da qare'enaxache da piguem.

Efesios 5:24

Qaq ỹoqo'oye aca 'alo ỹataqta ỹalaxaguet ca lhua, qaq nache 'eeta'am na 'amqaanataxanaxaicpi da ỹataqta ỹalaxaguet So Cristo.