Lucas 10:15 - La'aqtaqa Ñim Lo'onatac 'Enauacna 2013

¹⁵ Qami' maye qoviita'a na nỹecpi Cafarnaúm, ¿qaupi'itaxañiitega peta'a da qami' qaỹaconegueta da piguem? 'A'i, saishet nachaqrata da qami' qaỹamaxañalo cam ỹapac qaỹoqchiguiña nhuaxanaqa' na 'etaxaloxoicpi.»

Nuevo Testamento Toba Sur

¹⁵ Qaq qami' mayi qoñiitaña yi pueblo Capernaum, ¿qaupi'itaxañiitega peta'a da qami' qanauaxaÿaxaayishigue'm qome da qaviyiÿo'ot na piguem? 'A'i, qami' qañi'iguelaxajyiñi qome, nachi qaviyiÿaña ca lma' na lqui'i na leuaxaicpi.

Nuevo Testamento Toba Sombrero Negro

¹⁵ “Qama'le am, Capernaúm, ¿Auepetapega joona da'me am qoyedaĝataje'ma di'me piyem? ¡Ja naq'aeta, auovida'ña qomle ga'me loiquiaqa' ga'me laqauaeñi jo'ne qaya'ñgui!

Lucas 10:15 Referans Kwoze

Mateo 4:13

Qalaxaye saishet da ỹe'eguelaxa so lma' maye naña ye nỹecpiolec le'enaxat Nazaret. Nachaqrata da nqo'ona da naña ye nỹecpiolec le'enaxat Cafarnaúm. Yemaye neto'ot na loigue aso lapel late'erai ye 'alhua Galilea. Yem hueta'a nam Israel le'ecpi maye chegoxoguet so Zabulón qataq so Neftalí.

2 Pedro 2:4

Ñim Lo'onatac 'Enauacna saishet co'ollaxa da ichoxonnai' som lamaxashecpi maye huo'o da lasouaxashet, nachaqrata da ỹamaxaña ca nhuaxanaqa' na 'etaxaloxoicpi. Huaña da qaicoñera'aguet na napalaxa, choche ivitta'a que'eca na'a'q qom nmit 'enauacna Ñimaye.

Lucas 13:28

Huaña, nache qami' qanỹiñiitac qome qataq qaunaquiỹa't naua qarvilli' souaxat da qarhuogoqoi, qom qauloỹa'a ca Abraham, Isaac, Jacob qataq 'enauac som la'aqtaxanaxanecpi Ñim Lo'onatac 'Enauacna, qom huetaigui da lo'onataxanaxac Ñimaye. Huaña, nache qami' qaỹamaqraue'c.

Mateo 11:23

Qataq qami' maye qarmaye ye Cafarnaúm, ¿qaupi'itaxañiitega peta'a da 'onaxaic da qarviraxaqui da qami' qaỹaconegueta da piguem? Qalaxaye Aỹem qami' shenapegalo da qami' qaỹamaxañalo qome ca ỹataqta qaỹoqchiguiña nhuaxanaqa' na leuaxaicpi. Cha'aye nam sa qaỹauanapega maye qaỹo'otpi maye qami' huanguilo da huaña taxa so Sodoma, nache somayepi naralaxat taxa da lataxac, nache se'eso nỹecpi taxa nagui ñaqauo'o.

Mateo 10:28

Saishet da qañi'iỹai na shiỹaxauapi maye ishet da ilaxachigui da qaro'ocỹaxaqui, qalaxaye saishet da ilaxachigui dam saqcha'a qarca'alaqai. Nachaqrata da qañi'iỹai Ñim Lo'onatac 'Enauacna maye ishet da ilaxachigui qataq ỹasaxauga ca nhuaxanaqa' na 'etaxaloxoicpi da qaro'ocỹaxaqui qataq da qarca'alaqai maye saqcha'a.

Abdías 1:4

Qalaxaye na'aictaxa da qoneta'am ca vi'ic maye huaỹotac na piguem, qataq da 'aỹa'anaigui ana huaqaañipi ca 'arpata'c, qalaxaye nache 'am sachegoxotchiguiña qome camaye da 'auanaañi ñaqa'en». Qaq 'era da la'aqtac Ñim Nataxala'.

Ezequiel 32:27

Yemayepi saishet da ỹalectaigui yem hua'au na'añaxanecpi, maye lỹachiguiñi' co'ollaxa na lo'ogoxonaxatpi co'ollaq taña ye hueta'a da lo'onataxanaxac da nleuaxa, qataq na'axaatalec na lainecpi qataq napotaña ana lpaqtaxanaqtepi, co'ollaq ime da ỹo'ot da lcolanaxa nam ñaq nca'altauecpi.

Ezequiel 32:20

Namayepi huañi qome, nache l-llañe' som ileuaigui co'ollaxa so alaataxac, cha'aye qairolec so ỹeelonec, nache l-llañe' 'enauac so nalleppi.

Ezequiel 32:18

«'Am shiỹaxaua 'auauaxaiguet qome na 'alpi maye chegaqa'a na ỹotta'at shiỹaxauapi, da 'auo'on da no'onec da huo'o na ileu, da 'auo'onaxaalec ye qalota nhuo' le'ecpi ye Egipto, qataq na lataxala'pi, qoneta': Na 'añaxaicpi huañi nache taigui na 'alhua, da taña na mashe huetangui ana huachiqui.

Ezequiel 31:18

Qaca co'ollaxa aca qo'oipaq ye Edén da ishet da qanaloqneguet da lyacỹaxac qataq da lalogaxa asomaye, qalaxaye nataqa'en l-llañe' qome ana laỹepi qo'oipaqpi maye naña ye Edén da taña na pa'aguiñi ana 'alhua, da yaqto' ỹalecta'aguet nam ỹaqa'a da la'amqaanataxanaxac, qataq som shiỹaxauapi maye ileuaigui co'ollaxa so alaataxac. Qaq asa'aso qo'oipaq, nacheñi ñi faraón qataq 'enauac na shiỹaxauapi maye ilotague'. Qaq 'era da ỹa'aqtac Aỹem Nataxala'.»

Ezequiel 26:20

nache 'aviraña cam hueta'a nam leuaxaicpi, maye nacheso som hua'au shiỹaxauapi. 'Am sasaxaña qome cam ỹataqta pa'aguiñi ana 'alhua, cam 'alhua maye chochaq tatec da toolec, nache 'aualectaigui qome som mashe ileupi co'ollaxa. Nache saishet qome da 'avi'eguelaxa da qaltaq 'am qanayeetalec, qataq saishet da qaltaq 'am qano'oxoosheguem, da qouetalec na na'alhua nam nca'altauecpi.

Jeremías 51:53

Qaq na'aictaxa ye Babilonia da ivirasheguema na piguem da yaqto' qaỹoqotcheguemec naqa'en na lpaqtaxanaxatpi, qalaxaye nache 'ena'am samaxa cam mpa'aguenaxauapi da yaqto' ilaxachigui. Qaq 'era da ỹa'aqtac Aỹem Nataxala'.»

Isaías 5:14

Qaq ỹoqo'oye aca huachiqui nquigaxatec qome na lauel, qataq qaica ca loga't da ỹauattagui na alap da yaqto' iuoxonañi na nhuo' le'ecpi qataq na lataxala'pi, nam shiỹaxauapi maye ỹo'ottac na qauem qataq na la'ashaxacpi.

Deuteronómio 1:28

Qaq nagui, ¿hua'ago' ca sataxague? Cha'aye soua qaramaxa'ashe ỹa'axattrac da na lma' yi'iye 'alhua ỹataqta 'añaxaicpi qataq logoraicpi, qataq na huaqta'a't nỹecpi ỹataqta lta'al qataq qaỹoqotcheguemec na lpaqtaxat. Qataq ỹataqta huo'o da qarcolanaxa cha'aye qomi' qaỹa'aqtaxanema da yi'iye 'alhua lma' na chegoxoguet so shiỹaxaua logoraic maye le'enaxat Anac.›

Génesis 11:4

Qaq ime co'ollaxa, nache 'enapeco' somayepi: «Ña qauanaqui, ño'oxonaxasheguem ca huaqta'a't nỹecpi, qataq aca qaraue, iviro'ot ñaqa'enaq na piguem. Yaqto' qomi' ỹo'oxora'q, qataq yaqto' saishet da ñelagaxataxalec 'enauac ana 'alhua.»

Lucas 16:23

nache taỹa ca nhuaxanaqa' na 'etaxaloxoicpi, huaña, nache ỹataqta ỹaguec da nque'eenaxac. Qaq huaña yemaye, nache ila'a so Abraham ỹataqta sa qaỹoqotcheguema, qataq so Lázaro nso'ootañi huaqta'ai' somaye.