Lucas 1:78 - La'aqtaqa Ñim Lo'onatac 'Enauacna 2013

⁷⁸ Ñim Lo'onatac 'Enauacna ỹataqta lta'araic da lauotaxanaqtaic da shenaqta, ỹoqo'oye chegoqtot naqa'en na piguem da qomi' namaxalo ca Qarca'alaxaqui, 'ena'am naqa'en añi nala' da nnoxoosheguem ye dalaxaic na'a'q.

Nuevo Testamento Toba Sur

⁷⁸ Cha'ayi nachida da maichi lsoxoyic qataq dam lqouagaxanaqtaic ñi qadta'a Dios da huo'o mshi chigoqtot naq'en na piguem da qomi' ÿanema aca 'ico' nala' mayi icoÿadelec ca dalaxaic na'a'q,

Nuevo Testamento Toba Sombrero Negro

⁷⁸ Qa'a da'me let'adaic lichoĝodenataĝanaĝac ñe'me mach'e Qanedios, Qama'le qo'mi namaĝalo ñe'me Qadec'alaĝaiqui, jo'ne chiyaqaje'ma di'me p'ajeguem, ena'am ta'le nolo' jo'ne dalaĝaic,

Lucas 1:78 Referans Kwoze

2 Pedro 1:19

Qaq aỹem ỹataqta 'eesa ñaqa'en de'era la'aqtaxanaxac Ñim Lo'onatac 'Enauacna maye ỹa'axattac co'ollaxa so la'aqtaxanaxanecpi Ñimaye. Qaq ỹoqo'oye qami' ñachoxoreetoiguilo da ỹataqta qana'axaỹaxañiỹa de'era na'aqtaxanaxac, cha'aye damaye nachera da qami' da'aqtaxanema da 'eetec da qanachaalataxaqui, choche ivitta'a que'eca na'a'q qom ñe'eguelaq So Cristo, nache naralaxat da qanachaalataxaqui.

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

Colosenses 3:12

Cha'aye Ñim Lo'onatac 'Enauacna ỹataqta qami' ỹauoteque, qataq qami' lca'agui'she, da yaqto' qami' lalamaqa'ate. Qaq ỹoqo'oye ỹataqta qami' choxonnataxanaxaiqa, qataq qami' huotaxanaqtaqaiqa, qataq sa qami' na'amqaanaxaiqa, qataq qami' huesotte' da qarataxaqui, qataq qami' hualaxaunaxaiqa.

Filipenses 2:1

Aỹem saỹateeta da So Cristo qami' ỹanema da na'añaxac da yaqto' qaua'añaqchichi na qaraỹepi. De'era qarsoxoyiqui maye qami' hueto'oto, damaye qami' ỹauegalo da ishet da qaua'añaqchichi ca qarỹai, qataq saỹaten da 'enauac da qoñiita qami' hueto'oto So Saqcha'a Na'añaxac, ỹoqo'oye qami' choxonnataxanaxaiqa.

Efesios 5:14

Qaq ỹoqo'oye huo'o so deraxan co'ollaxa 'eeta': «'Am maye 'auo'ocheta, ña 'anlouec; qoñisheguem, qoca'ai nam leuaxaicpi, cha'aye So Cristo 'am icoỹarelec.»

Números 24:17

Aỹem huo'o da selota'a qalaxaye ñaq natauo, selota'a qalaxaye ñaq qaỹoqtaique, anamaye, huaqaañi maye chegoxoguet so Jacob, nta'a maye nachaañi qome chegoqtoigui na Israel. Nache ilaxachigui qome ye Moab qataq nlaxaañi na llalaqpi so Set.

Apocalipsis 22:16

«Aỹem samaq so ỹamaxashec piguem le'ec, da yaqto' da'aqtaxanem 'enauac de'era nam Aỹem ỹa'amaqteetac. Qaq Nachaỹem maye sachegoxoguet so nta'a David. Qataq nache Aỹem huaqaañi yo'oxoñi lashe maye ỹataqta 'eroigui da yo'oxoñitai'.»

1 Juan 3:17

Da huo'o ca sallaxanec da ilota'a ca 'oonolec nam la'amqaanataxanaxauapi da huo'o da lhuenaxanaxa, qalaxaye saishet da itauan, nache que'eca sallaxanec saishet da dauotaxanaqta da 'eeta'am Ñim Lo'onatac 'Enauacna da lauotaxanaqtaic.

Zacarías 6:12

Qaq nache qonapega qome, qoneta': ‹Ñim Nataxala' maye Qaica ca Ỹaqalanapec, ỹataqta 'eesa da la'aqtac, da ñim ỹale maye le'enaxat Llaxataxa, ñaxatsheguem qome chegoqtoiguilo naua maiche lpa'aye, nache qaltaq no'oxoosheguem qome añi atamnaxaqui maye ỹalamaqte.

Zacarías 3:8

Qaq ñaq 'ana'axaỹaxaachiguiñi 'am Josué, 'am maye 'am lataxala' nam ntaxaỹaxanaxanecpi, qataq nataqa'en na'axaỹaxaachiguiñi qome, na 'artauapi maye ntaxaỹaxanaxanecpi, cha'aye 'enauac da qoñiita da qami' la'anaqa'ate qome da na'aqtaxanaxac maye, 'eeta': Aỹem ñanacot qome ñi ỹamaxashec, maye le'enaxat da Llaxataxa.

Isaías 11:1

Qaq asa'aso qo'oipaq lamo, maye nacheso so Jesé, huo'o qome aca llaxataxa, qaq aca'aca llaxataxa chegoqtoiguilo qome naua lpa'aye.

Filipenses 1:8

Qaq Ñim Lo'onatac 'Enauacna ỹaỹateeta da ỹataqta saishet da choche satenataxaatac da qami' saquicotrapigui, qataq da ỹauoche da qoñiita souaxat da lsoxoyec So Jesucristo maye aỹem ỹami'.

Juan 3:16

Cha'aye Ñim Lo'onatac 'Enauacna ỹataqta lta'araic da lauotaxanaqtaic na shiỹaxauapi ana 'alhua, nache ỹan na 'oonolec Llalec. Yaqto' 'enauac nam ỹa'amaqten namaye saishet da ileu, nachaqrata da huo'o da lca'alaxa maye chochaq tatec.

Isaías 63:15

'Am Nataxala', maye qoneto'ot na piguem, nam 'arma' maye qui'itta qataq huo'o da llo'oxoyec, ña qomi' 'anamata'alo qome. ¿Ca hueta'ague ca 'arauotaxanaqtaic qataq ca 'ara'añaxac? ¿Ca hueta'ague cam 'arhuennataxac? ¿Peta'a mashe imeuo da 'archoxonnataxanaxa da shenaqta?

Isaías 63:7

Aỹem sauotaique da sa'axat da lauotaxanaqtaic Ñim Nataxala', qataq so'on na no'onecpi da qaỹo'oxoren Ñimaye souaxat na qalota ỹo'otpi Ñimaye souaxat qomi', qataq souaxat da lta'araic lauotaxanaqtaic nam llalaqpi so Israel, qataq nam ỹo'otpi souaxat da lsoxoyec qataq da lta'araic lauotaxanaqtaic.

Salmos 25:6

'Am Nataxala', 'auennata'a qome da 'arsoxoyec qataq da 'arauotaxanaqtaic maye nache 'eetai' naxa da aỹem 'auachaxaatega.

Isaías 42:16

Qaq na qanamaicpi qalaq quetegue ñaqa'en ca nqa'aicpi qataq na sa lca'ague ñecpiolec maye sa ỹauana namayepi. Qataq ỹauaachigui qome ñaqa'en namayepi da nam napalaxa nmeneguet ñaqa'en na yo'oqchiguiñi, qataq nalochiguiñi ñaqa'en na sa naloguiñi 'alhua. Qaq Aỹem so'ot qome 'enauac ne'enapi cha'aye saishet da salat nam ỹalamaxatpi.