Lucas 1:77 - La'aqtaqa Ñim Lo'onatac 'Enauacna 2013

⁷⁷ Qataq 'aua'aqtaxanem nam shiỹaxauapi da mashe huo'o da lca'alaxa, cha'aye Ñim Lo'onatac 'Enauacna ỹapalaxa't naua lasouaxashe'ete.

Nuevo Testamento Toba Sur

⁷⁷ da yaqto' 'au'aqtaxanem nam lalamaxatpi da qaÿapalaxat da lasouaxashit, qataq yaqto' ÿaconguet da nca'alaxa.

Nuevo Testamento Toba Sombrero Negro

⁷⁷ Qaedi auayatenaĝaneque gaa'me Dios lec'oqo'tepi queda'me Dios yapalaĝa't ena'uaque jodaa'me loeco qama'le yanema da'me lec'alaĝa'j.

Lucas 1:77 Referans Kwoze

Hechos 10:43

Nataqa'en soua hua'au' vi'iye 'enauac co'ollaxa som la'aqtaxanaxanecpi Ñim Lo'onatac 'Enauacna ỹa'axatta'aguet So Jesús, da ca ỹa'amaqten Somaye, nache qaỹapalaxat na lasouaxashetpi, chegoqchigui da la'añaxac Somaye. Qaq 'oonolec Somaye chegoqchigui da ishet da seviraqa'a da saconaxaguet da lchoxonnataxanaxa Ñim Lo'onatac 'Enauacna.

Hechos 5:31

Ñim Lo'onatac 'Enauacna ỹo'otec da So Jesús nso'oota'ague da aloic qataq ỹanagui da Nataxala', qataq Nca'alaxaqui, da yaqto' na Israel le'ecpi ỹaxaañi da ỹo'ottac na qauem, nache Ñim Lo'onatac 'Enauacna ỹapalaxa't naua lasouaxashe'ete.

Hechos 2:38

Nache so Pedro 'enapego' somayepi, 'eeta': –Qomye qauỹaxañiỹot Ñim Lo'onatac 'Enauacna da qami' ichoxore'n qataq qavi'eguelaqaỹot da qaualaqaiguet Ñimaye qataq qauaqaita'a da qami' ñachelaxanaxaguilo da le'enaxat So Jesucristo. Yaqto' Ñim Lo'onatac 'Enauacna ỹapalaxa't naua qarasouaxashe'echilli' qataq qami' ỹanema So Saqcha'a Na'añaxac Qui'itta.

Hechos 3:19

Qaq ỹoqo'oye qaualache' nagui naua qano'onataxacolli', nache qaualaqaiguet Ñim Lo'onatac 'Enauacna, yaqto' Ñimaye ỹapalaxa't naua qarasouaxashe'echilli'. Nache Ñimaye icoua'ai 'enauac nam sa ỹaỹamaxañi maye qauo'ocheetac, nache qami' ỹanema da qara'añaxaqui.

Juan 1:34

Qaq aỹem mashe sauaachigui Namaye, nache sa'axattac da Namaye, nachena na Llalec Ñim Lo'onatac 'Enauacna.

Juan 1:29

Qaq so lỹa na'a'q, nache so Juan ila'aguet So Jesús da naỹaxaama somaye, nache somaye 'enapega so shiỹaxauapi 'eeta': –Ña qauloỹeeguet, 'ena cha'aguet na Jesús, nachena na 'eeta'am ca nachetaqtaxanaxat Qagueta Llalec maye ỹachegoxotchigui Ñim Lo'onatac 'Enauacna da ỹapalaxat na lasouaxashetpi na shiỹaxauapi.

Lucas 3:6

¡Yaqto' 'enauac na shiỹaxauapi ila'a ca Nca'alaxaqui maye qami' namaxalo Ñim Lo'onatac 'Enauacna!»

Lucas 3:3

Nache so Juan jec da coleelec 'enauac yem saqaỹapeque so tala Jordán. Huaña yemaye, nache 'eetego' na shiỹaxauapi, 'eeta': «¡Qavi'eguelaqaỹot nagui Ñim Lo'onatac 'Enauacna! Qataq iuen da qami' qanachelaxa'n, yaqto' Ñim Lo'onatac 'Enauacna ỹapalaxa't naua qarasouaxashe'echilli'.»

Efesios 1:7

Chegoqchigui da l-leuaxa So Cristo co'ollaq qaiuaxaneguet so npe'enaxaqui, da Ñim Lo'onatac 'Enauacna ỹapalaxat 'enauac nam qarasouaxashetpi qataq qomi' isoueeguesopa namayepi. Qaq de'era ỹo'ot souaxat da chochaq huañi lsoxoyec Ñimaye. Ỹachegoxotchigui dam lta'araic laỹaanec qataq lauattonaxanaxac,

Jeremías 31:34

Qaq huaña nache saiuen da huo'oi caua nỹa't qataq caua auochaxau' qataq caua nhuo' lashe' da napaxagueetega't da yaqto' Aỹem ỹauatton, cha'aye 'enauac qome namayepi chegoqchiguiña natai' ñaqpiolec nache ivira'a na ỹepi da Aỹem ỹauatton qome. Qaq Aỹem sapalaxat qome na qauem maye ỹo'otpi qataq saishet da qaltaq seuennatega na lasouaxashetpi. Qaq 'era da ỹa'aqtac, Aỹem Nataxala'.»

Romanos 3:25

Ñim Lo'onatac 'Enauacna namaxa ana 'alhua So Jesucristo da yaqto' qomi' ileualeguete. Da sepi'iỹaqa'a da So Jesús qomi' ileualeguete, nache Ñim Lo'onatac 'Enauacna ỹapalaxat na qarasouaxashetpi. 'Era da 'eetec da ỹachaxan Ñim Lo'onatac 'Enauacna da ỹataqta 'eesa. Qana'achec souaxat da lhualaxavic Ñimaye. Cha'aye nagui ỹapalaxat 'enauac nam qauem maye so'otaqtac co'ollaxa. Ñimaye ỹataqta no'on da lataxac qataq ỹaconeguet nam huo'o da lpi'iỹaxac So Jesús.

Hechos 19:4

Nache so Pablo 'enapeco': –Aja', so Juan co'ollaxa nachelaxaatac nam shiỹaxauapi maye ỹaxaare'c naua no'onataxaco, qalaxaye nataqa'en 'enapega namayepi da yaqto' ỹa'amaqten cam anatai' maye nca'attalec, qaq nacheso So Jesús Som Lca'aguishec Ñim Lo'onatac 'Enauacna.