Lucas 1:72 - La'aqtaqa Ñim Lo'onatac 'Enauacna 2013

⁷² Nataqa'en 'enapec da ỹataqta huo'o da lchoxonnataxanaxa som lalamaxatpi, qataq ipaqueelec dam qui'itta naỹamaxataxac.

Nuevo Testamento Toba Sur

⁷² nataq'en da ÿataqta huo'o da lchoxonnataxanaxa som hua'au qadta'alpi, qataq da sa ishit da icoua'ai dam naÿamaxataxac mayi ÿanem somayipi.

Nuevo Testamento Toba Sombrero Negro

⁷² Nataq'aen queda'me ja yapalaĝate'talo da'me yichoĝode'n jodia'me jachiyojoĝogueta jo'ne mach'e qadet'al, Da'me ya'uo da'me yataqachiñe ja 'nalegue ca'li ye'tem ga'me jiyaĝadipi qaedi male niyamaĝadeteguet joñe'me.

Lucas 1:72 Referans Kwoze

Salmos 106:45

nache tachigui naxa ye lauel da naỹamaxataxac co'ollaq naỹamaxate' somayepi, nache naralaxat da lhuennataxac souaxat da lta'araic lauotaxanaqtaic.

Miqueas 7:20

'Am Nataxala', nache 'eetai' qome da 'aupacchigui da 'ara'aqtac qataq da 'arauotaxanaqtaic, maye soua hua'au' vi'iye 'auachaxanapeguema co'ollaxa soua hua'au' qarta'al Abraham, qataq so Jacob.

Levítico 26:42

Huaña, nache tachigui iuel qome da ñaỹamaxate' co'ollaxa so Jacob, Isaac qataq so Abraham, qataq seuennate yi'iye 'alhua maye sachaxanapeguema co'ollaxa soomaye,

Romanos 11:28

Qaq nagui Ñim Lo'onatac 'Enauacna ỹataqta dataỹa'aguet nam judiopi da 'eeta'am ca npa'aguenaxaua. Qalaxaye ỹo'ot damaye da yaqto' qami' huo'o ye qardaqa'ai da qaua'amaqchiñi da no'on na'axaỹaxac. Ñim Lo'onatac 'Enauacna queto'ot da lauotaxanaqtaic na judiopi, cha'aye lca'aguishec som hua'au lta'alpi da ỹauo'o lalamaxatpi.

Ezequiel 16:60

Qalaxaye Aỹem ñetoueeta'ac som ñaỹamaxataxac maye 'am so'otec co'ollaq ñaq 'am qa'añole, qataq so'ot qome ca ñaỹamaxataxac maye chochaq tatec da 'am ñaỹamaxate'.

Génesis 28:14

Camayepi ỹataqta qalota qome, ivitta'a da 'eeta'am na lsoche na 'alhua, qataq nquictauec qome nache ivira'ague da pa'aigue da sheu', qataq da taguiñi, qataq da nala' lliguisheguem, qataq da nala' lliguiñi, qaq 'enauac qome ca nhuo' le'ecpi ana 'alhua, huo'o qome da nchoxonnataguec chegoqchigui 'am, qataq ca 'am chegoxoguetpi.

Génesis 26:4

Qaq so'ot qome da ỹataqta qalota, ca 'am chegoxoguetpi, 'eeta'am ana huaqaañipi maye neto'ot na piguem, qataq sanem qome camayepi, 'enauac ne'ena 'alhua. Qaq nataqa'en nam ỹotta'a't shiỹaxauapi maye netalec ana 'alhua, huo'o qome da nchoxonnataguec, chegoqchigui cam 'am chegoxoguetpi,

Ezequiel 16:8

Qaq ime, nache qaltaq 'am ñelectot, nache sela'a da mashe ishet da 'auauonaxan. Qaq huaña nache 'am sepegueelec so ipo', nache sapolec da 'aro'ocỹaxac nache 'am ñauone', qataq 'am ñaỹamaxate', qaq huaña nache ỹataqta 'am ỹalamaqte. Qaq 'era da ỹa'aqtac Aỹem Nataxala'.

Salmos 111:5

Ñimaye iquia'axan ca huo'o naq 'enec naqa'en Ñimaye, cha'aye saishet da icoua'ai da naỹamaxataxac co'ollaxa.

Salmos 98:3

cha'aye sa icoua'ai da lauotaxanaqtaic, qataq da 'eesa la'aqtac maye ỹanem co'ollaxa na Israel le'ecpi. Nache 'enauac na hueta'alo naua loga'te ana 'alhua ỹauaachigui co'ollaxa da lca'alaqtaxanaxac Ñim Qanatamnaxala'.

Génesis 22:18

qaq 'enauac na ỹotta'a't shiỹaxauapi maye huetalec ana 'alhua, huo'o qome da nchoxonnataguec chegoqchigui camayepi, souaxat da aỹem 'aualaxaguet.»

Génesis 12:3

Aỹem sechoxoren qome ca 'am ichoxorenpi, qaq ca 'am saichoxorenpi, qaq nataqa'en saishet da sechoxoren, qaq chegoqchigui qome 'am da 'enauac na nhuo' le'ecpi ana 'alhua da sasaxalec ca ichoxonnataxanaxa.»

Salmos 105:42

Cha'aye Ñim Lo'onatac 'Enauacna saishet da icoua'ai som ỹan la'aqtac, maye ỹanem co'ollaxa so lamaxashec Abraham.

Romanos 9:4

Namayepi maiche lalamaxatpi qataq lca'aguishecpi Ñim Lo'onatac 'Enauacna. Qaq namayepi, Ñim Lo'onatac 'Enauacna ỹami' da huo'o naq 'enec da ỹataqta llalaqpi. Qataq Ñimaye hueta'aguet namayepi qataq ỹachaxana da lta'araic la'añaxac. Qataq naỹamaxate' namayepi, nache ỹami' na lamaxasoxonaxacpi. Qataq ỹapaxaguenec namayepi da ỹataqta 'eesa da llo'oxonnataxanaxac, qataq huo'o na ỹachaxanapecotpi.

1 Crónicas 16:16

qataq da naỹamaxataxac co'ollaq naỹamaxate' so Abraham, qataq da ỹan la'aqtac maye ỹanem co'ollaxa so Isaac,