Lucas 1:68 - La'aqtaqa Ñim Lo'onatac 'Enauacna 2013

⁶⁸ «¡Ỹataqta sho'oxorenaq qome Ñim Lo'onatac 'Enauacna maye Lataxala' na Israel le'ecpi, cha'aye Ñimaye qomi' naỹalo da qomi' nca'alaxatre'c!

Nuevo Testamento Toba Sur

⁶⁸ Ÿataqta qaÿi'oxoden qome ñi qadataxala' mayi nDios na Israel l'ecpi, cha'ayi ñimayi qomi' naÿalo da qomi' nca'alaxatreec, cha'ayi maichi qomi' lalamqa'te.

Nuevo Testamento Toba Sombrero Negro

⁶⁸ “¡'Noota qom qo'nonaĝachigui joñe'me Jaliaĝanec, jo'ne Qanedios, mach'e qo'mi jo'ne qo'mi Israel laje'pi, Qa'a naequena qaedi qo'mi nec'alaĝatedegue, mach'e qo'mi lec'oqo'tepi!

Lucas 1:68 Referans Kwoze

Salmos 106:48

Ỹataqta 'am qaỹo'oxoren qome, 'Am Nataxala', maye 'Am Natamnaxala' na Israel le'ecpi, 'am maye nache 'eetai', qataq chochaq tatec qome da 'am qaỹo'oxoreetac, qaq 'enauac qome na ỹotta'a't nhuo' le'ecpi, 'eeta': «¡Aja', nache 'eetec!» ¡Qaỹo'oxoren qome Ñim Nataxala'!

Lucas 7:16

Qaq co'ollaq qaỹauaachigui de'era, nache 'enauac so shiỹaxauapi ỹataqta huo'o da lcolanaxa, nache chegoqchiguiña da ỹo'oxoreetac Ñim Lo'onatac 'Enauacna, 'eeta': «¡Huo'o da na'aqtaxanaxanec qomi' hueta'agueta! ¡Qaq nagui Ñim Lo'onatac 'Enauacna qomi' itaua'n!»

Salmos 41:13

¡Ỹataqta qaỹo'oxoren qome Ñim Nataxala', maye Natamnaxala' na Israel le'ecpi, nagui qataq nache 'eetai' qome! ¡Aja', nache 'eetec!

Salmos 111:9

Ỹanem da huesochiguiñi na lalamaxat nhuo' le'ecpi, qataq lapaxañi da chochaq tatec naỹamaxataxac. Da le'enaxat Ñimaye ỹataqta qui'itta qataq chaqaic.

Éxodo 4:31

Huaña, nache so shiỹaxauapi ỹataqta ỹa'amaqten de'era na'aqtaxanaxac, cha'aye ỹaỹaten da Ñim Nataxala' maiche huapegue' somayepi, qataq da sogote da ỹaỹateeta da nque'eenaxac, huaña nache ỹa'alyiñi naua l-llecte da natamnot Ñimaye.

1 Reyes 1:48

Nache 'eeta': «Ỹataqta sho'oxoren Ñim Nataxala' maye Natamnaxala' na Israel le'ecpi, cha'aye Ñimaye, sauaachigui naqa'en so 'oonolec nam ỹalaqpi da talec da ỹo'onataxanaxac da nta'a.»

Efesios 1:3

Sanqot da qana'achecỹaxac Ñim Lo'onatac 'Enauacna Ñim Lta'a So Qarataxala' Jesucristo, cha'aye nagui da ña'araqtaua'a So Cristo, nache Ñimaye qomi' ỹanema na ỹotta'a't lqouagaxanaqtaiguesat maye chegoqo'ot So Saqcha'a Na'añaxac Qui'itta.

Lucas 2:38

Qaq co'ollaq ime da la'aqtaxanaxac so Simeón, nache aso Ana nquigueuo, nache chegoqchiguiña da ỹo'oxoreetac Ñim Lo'onatac 'Enauacna, qataq ỹa'axattac se'eso nogotolec Jesús, da'aqtaxaatapeguem 'enauac nam iuattaique da Ñim Lo'onatac 'Enauacna huesochiguiñi naqa'en na hueta'a ye nỹecpi le'enaxat Jerusalén.

1 Pedro 1:3

Ỹataqta sho'oxorenaq Ñim Lo'onatac 'Enauacna maye Lta'a So Qarataxala' Jesucristo, cha'aye chegoqchigui co'ollaq nca'aleeguesop da nleuaxa Somaye da Ñimaye naralaxat imauec da qanachaalataxac. Na'aictaxa da saishet da saxaguet da Ñim Lo'onatac 'Enauacna qomi' ỹauoteque, qalaxaye chegoqchigui da lta'araic lsoxoyec Ñimaye, nache naralaxat da qarataxac qataq qomi' ỹanema da 'itchiguiñi qarca'alaxa,

Efesios 1:7

Chegoqchigui da l-leuaxa So Cristo co'ollaq qaiuaxaneguet so npe'enaxaqui, da Ñim Lo'onatac 'Enauacna ỹapalaxat 'enauac nam qarasouaxashetpi qataq qomi' isoueeguesopa namayepi. Qaq de'era ỹo'ot souaxat da chochaq huañi lsoxoyec Ñimaye. Ỹachegoxotchigui dam lta'araic laỹaanec qataq lauattonaxanaxac,

1 Crónicas 29:20

Qaq co'ollaq ime, nache so David detaxaigui se'eso laỹoota'a't shiỹaxauapi, 'eeta': «Nagui, qavio'oxoreñi Ñim Nataxala' maye Qanatamnaxala'ai». Huaña, nache 'enauac se'eso laỹoota'a't shiỹaxauapi ỹo'oxoren Ñim Nataxala', maye Natamnaxala' soua hua'au' lta'al, nache nqollemñi da ỹa'aldoto naua l-llecte Ñim Nataxala' qataq so nta'a.

1 Crónicas 29:10

Huaña nache so David, ỹanot Ñim Nataxala' da llo'oxonnataxanaxac, ỹauaachigui 'enauac so lapoota'a't shiỹaxauapi, nache 'eeta': «¡Qaq nache 'eetai' qome da qaỹo'oxoreetac Ñim Nataxala', maye Natamnaxala' so qarta'a Israel!

Génesis 14:20

qataq qaỹo'oxoren qome Ñim Lo'onatac 'Enauacna, maye Nataỹaña 'enauacna ñim 'am ỹanem co'ollaxa da 'oxonec so 'ampa'aguenaxauapi.» Qaq huaña nache so Abram, ỹanem so Melquisedec, añi 'oonole ana diez 'enauac som lhuotaxanaxatpi.

Génesis 9:26

Qaq ime qaltaq 'enapec: «Qaỹo'oxoren qome Ñim Nataxala', maye natamnaxala' ñi Sem, qaq ñi Canaán qalaq choche l-latac qome ñi Sem.

Lucas 19:44

Nache qami' ilaxachiguilo ỹataqta qami' nmatchiyiñi. Saishet da huo'o ca 'oonolec da nachattañi na coma'pi maye qarpaqtaxanaxache. Qataq 'enauac da qoñiita qaullivi, qataq qanque'etaxañiigui 'enauac de'era, cha'aye saishet da qaua'amaqchiñi da Ñim Lo'onatac 'Enauacna Aỹem namaq da qami' ñeca'alaxatrec.

Génesis 24:27

nache 'eeta': «¡Ỹataqta qaỹo'oxoren qome Ñim Nataxala', Ñim Natamnaxala' ñi ña'aco' Abraham, cha'aye ipacchigui da la'aqtac, qataq ỹasaxalec da lauotaxanaqtaic ñi ña'aco', qataq aỹem nauecteuga na nqa'aic maye naỹa'a na lma' na lauo' le'ecpi ñimaye!»

1 Samuel 25:32

Nache so David 'enapego' asomaye, 'eeta': Ỹataqta soxoraic Ñim Nataxala', Ñim Natamnaxala' na Israel le'ecpi, maye 'am namaq da yaqto' aỹem 'auqata'aguet,

1 Reyes 8:15

nache 'eeta': «Ỹataqta qaỹo'oxoren qome Ñim Nataxala' maye Natamnaxala' na Israel le'ecpi, cha'aye ipacchigui da ỹachaxanapecot co'ollaxa so ita'a David, co'ollaq 'eeta':

Salmos 130:8

Ñimaye isoueeguesop qome na Israel le'ecpi 'enauac na lasouaxashetpi.

Lucas 1:71

da Ñimaye qomi' nca'alaxateeguesopa nam qomi' ipa'agueeta'ape qataq 'enauac nam qomi' nquiỹategalo.

Lucas 24:21

Qaq qomi' huo'o da qanaquitaxac da nacheso Somaye, som nca'alaxatec taxa na Israel le'ecpi. Qaq nagui mashe ivi' naua tres na'axa'te da qanayeuaigui de'era.

Hebreos 9:12

Qaq So Cristo saishet da inoxoneua'a yi'iye ndaqa' da ỹanoto Ñim Lo'onatac 'Enauacna naua ltago'q ca shiguiỹac, nachaqrata da ỹaareuo naua maiche ltago'q qataq 'oonolec da pa'auo, qataq sa iuen da ỹe'eguelaqtalec da huenoxoneuo.