Lucas 1:51 - La'aqtaqa Ñim Lo'onatac 'Enauacna 2013

⁵¹ Ñim Lo'onatac 'Enauacna do'onataxaatega da lta'araic la'añaxac, qataq datauec naqa'en na ño'oxonnaxaicpi.

Nuevo Testamento Toba Sur

⁵¹ Qataq ñimayi ÿataqta qaica ca 'en'am da l'amaqchic da i'ot, cha'ayi loxonec 'enauac na ñi'oxonnaxaicpi.

Nuevo Testamento Toba Sombrero Negro

⁵¹ Yataqachiñe 'uo da'me lañoqotaĝanaĝac ta'le t'onataĝan, qama'le 'yodedegue gaa'me jo'ne 'uo da'me ni'yoĝodenaĝa'j:

Lucas 1:51 Referans Kwoze

Salmos 98:1

Qauo'oñi qome ca dalaxaic no'onec da qauo'onaxañiito'ot Ñim Nataxala', cha'aye Ñimaye ỹo'ot na huo'o da na'aalaxa, cha'aye na aloiguishec qataq qui'itta lhuaq ivira'a da doxonaxan.

Isaías 52:10

Ñim Nataxala' ỹachaxan da la'añaxac ỹauaachigui naqa'en 'enauac na ỹotta'a't shiỹaxauapi. Qaq 'enauac nam netalec ana 'alhua, ỹaỹaten qome da Ñim Qanatamnaxala' qomi' nca'alaxatrec.

Isaías 51:9

Ñaq 'anlouec, ñaq 'anlouec, 'am lhuaq Ñim Nataxala', ñaq 'auauo'o da 'ara'añaxac. Ñaq 'anlouec 'eeta'am 'anqa'en som hua'au, som na'a'q maye mashe qaỹoqtegue. 'Am 'aucolaxattac co'ollaxa so Rajab som shiguiỹac maye 'etaxat le'ec,

Romanos 1:21

cha'aye namayepi ỹaỹaten da huo'o Ñim Lo'onatac 'Enauacna, qalaxaye saishet da huo'o ca 'enec naqa'en qataq saishet da ỹami' ca na'achecỹaxac. Nachaqrata da iuennatega dam qaica ca naigui qataq da ỹo'ot ca qauem.

Daniel 4:37

Qaq ỹoqo'oye aỹem Nabucodonosor, nagui sho'oxoren, qataq huo'o naq 'enec ñaqa'en, qataq sho'oxoren Ñim Nta'a maye neto'ot na piguem, cha'aye 'enauac nam ỹo'otpi ỹataqta 'eesa, qataq nalochiguiñi, qataq ishet da ỹo'ot da qaica ca 'enec naqa'en nam 'eetega 'amaqtaqaicpi.»

Isaías 63:12

cam ỹo'ot co'ollaxa da nnaictague' so Moisés dam ỹo'oxoraic la'añaxac, qataq ỹauaachigui naqa'en so lalamaxat nhuo' le'ecpi da icolaxachigui so 'etaxat aso auaxai da yaqto' ivira'a da chochaq tatec da na'aqtaguec,

Isaías 40:10

Mashe nvi' Nam Nataxala', nactaigui da la'añaxac, qaq na lhuaq huetaigui da la'añaxac da ilo'ogue na lalamaxatpi. Qataq ñe'eguelaxat na lalamaxat nhuo' le'ecpi da ime da nca'alaxatec.

Salmos 118:15

Na lma'pi na shiỹaxauapi no'on da lataxac, qalaq huo'o da na'alaxac da qantootalec da noxonaxanaxac maye, 'eeta': «Da la'añaxac Ñim Nataxala' ivira'a da doxonaxan.

Salmos 89:10

'Am, dapaxañi 'anqa'en co'ollaxa so 'etaxat le'ec Rajab 'eeta'am 'anqa'en ca leuaxaic, qataq 'aurolec na 'añaxaic 'arhuaq da 'aulagaxattac so 'ampa'aguenaxauapi.

Génesis 6:5

Qaq Ñim Nataxala' ila'a co'ollaxa da so shiỹaxauapi ana 'alhua ỹapacauec da ỹo'ottac na qauem, qataq da nache lhuennataxac da ỹo'ottac na qauem,

Apocalipsis 18:8

Qaq ỹoqo'oye 'oonolec na'a'q ca imaigui da ỹaconeguet 'enauac na nhuaxanaguecpi: lqouaxa, nque'eenaxac qataq da l-leuaxa. ¡Qataq qairolec ca norec da qaỹavigaxat, cha'aye Ñim Nataxala', Ñim Lo'onatac 'Enauacna maye qaica ca ỹaqalanapec, maiche lhuennataxac da ỹauo'o ca nhuaxanaguec!»

1 Pedro 5:5

Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»

2 Corintios 10:5

qataq da ño'oxonnaxac nam huotaique da npaxateguet da yaqto' saishet da ivira da ỹoqta qaỹauatton Ñim Lo'onatac 'Enauacna. Sachegoxotaqchigui de'era na'añaxac da so'ogoxonaxa da yaqto' na 'etaxaloxoicpi naralaxa't naua lhuennataxaco, nache ỹalaxaguet So Cristo.

Salmos 89:13

Na 'arhuaq ỹataqta huo'o da la'añaxac, ỹataqta huo'o da la'añaxac na 'oiguishec 'arhuaq qataq qaramta.

Salmos 63:5

Qataq ỹataqta machiguiñi da ñachaalataxac, sheeta'am ca chectac ca ỹataqta no'on nallec, qataq da setaqa qalaq samachiguiñi, da 'am sho'oxoreetac.

Salmos 52:9

Qaq 'enauaque naua na'axa'te da 'am sho'oxoreetac, souaxat na 'auo'otpi qataq 'am sacheto'ot da ñaquitaxac da salectaigui na 'am quetague'pi, cha'aye ỹataqta 'am soxoraic.

Salmos 33:10

Ñim Nataxala' saishet da ipaigui naqa'en na 'eetapeguecpi na ỹotta'a't shiỹaxauapi, qataq saipaigui naqa'en na 'eetapeguecpi na nhuo' le'ecpi.

Deuteronómio 4:34

¿Qataq huo'o peta'a ca atamnaxala' da nqatec ca shiỹaxauapi da ỹachegoxottoigui ca laỹepi nhuo' le'ecpi da yaqto' ỹauo'o lalamaxatpi, ỹauota'a na na'anecpi, ñe'eguenataguecpi, qataq na ỹo'ot da na'aalaxa, alaataxac, lchecỹaxac, huo'otaq da irolec da lta'araic la'añaxac da 'eeta'am da qami' ỹo'oteque Ñim Nataxala' maye Qanatamnaxala'ai, co'ollaq qami' nqateeguesopa ye Egipto?

Éxodo 18:11

qataq da 'eetec da qami' sa iyacna'ape. Qaq nagui aỹem saỹateeta da Ñim Nataxala' ỹataqta 'amaqtaqaic, napacalec 'enauac na laỹepi atamnaxala'pi.»

Génesis 8:21

Qaq co'ollaq ivirot Ñim Nataxala', dam ỹataqta ama laitaỹaxac, nache 'enapeco': «Saishet qome da qaltaq she'eguelaxalec da sasaxalec ca qauem ỹa'aqtac ana 'alhua, souaxat nam qauem maye ỹo'otpi na shiỹaxauapi, cha'aye namayepi nache nacta'ai' co'ollaxa da iuennatega da ỹo'ot da qauem. Qataq nataqa'en saishet qome da qaltaq she'eguelaxa da ñelaxaañi 'enauac na shiguiỹacpi, da 'eeta'am de'era so'ot nagui.

Génesis 11:8

Qaq 'era da 'eetec Ñim Nataxala', co'ollaq laguelec naqa'en 'enauac ana 'alhua, nache somayepi ỹaxaañi co'ollaxa da no'oxooteguisheguem so huaqta'a't nỹecpi.

Jeremías 49:15

Aỹem 'am so'otec qome da qaica ca 'ara'amaqchec da 'aualectaigui na laỹepi shiỹaxauapi qataq 'am qaỹo'otan da 'aualectaigui na ỹalleppi.