Lucas 1:49 - La'aqtaqa Ñim Lo'onatac 'Enauacna 2013

⁴⁹ Cha'aye Ñim Lo'onatac 'Enauacna maye qaica ca ỹaqalanapec ỹataqta lta'araic da aỹem ỹo'otec. ¡Da le'enaxat Ñimaye ỹataqta Qui'itta!

Nuevo Testamento Toba Sur

⁴⁹ Cha'ayi ñi Dios mayi qaica ca ÿaqalanapec ÿataqta lta'adaic da aÿim i'otec; da l'enaxat ñimayi ÿataqta qui'itta.

Nuevo Testamento Toba Sombrero Negro

⁴⁹ qa'a ñe'me Dios jo'ne napacalegue ena'uac ye'tem da'me 'yoyaĝac jogaa'me p'ajodaye jo'ne uo'oe. ¡Yataqachiñe ja 'nalegue joñe'me!

Lucas 1:49 Referans Kwoze

Salmos 111:9

Ỹanem da huesochiguiñi na lalamaxat nhuo' le'ecpi, qataq lapaxañi da chochaq tatec naỹamaxataxac. Da le'enaxat Ñimaye ỹataqta qui'itta qataq chaqaic.

Salmos 99:3

Ỹataqta qaỹo'oxoren qome da lta'araic qataq chaqaic le'enaxat Ñimaye. ¡Ñimaye ỹataqta qui'itta!

Jeremías 10:6

Qaq 'Am Nataxala' qaica ca 'am 'eeta'am: 'Am 'amaqtaqaic, da 'are'enaxat qalaq lta'araic qataq 'añaxaic.

Efesios 3:20

Qaq ỹoqo'oye 'onaxaic nagui da qaỹo'oxoren qome Ñim Lo'onatac 'Enauacna, Ñim 'añaxaic maye ishet da ỹactec naqa'en ca qomi' ỹanema, napacalec cam seỹaxanaqaique, huo'otaq cam tatapigui ye qarhuel, da chegoqchigui naqa'en da la'añaxac maye do'onataxaatapoigui da qanachaalataxac.

Génesis 17:1

Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Apocalipsis 15:4

'Am Ita'a, 'enauac da huo'o naq 'enec qanqa'en 'am qataq 'am qaỹo'oxoreetac, cha'aye 'am 'oonolec da 'am qui'itta. 'Enauac na ỹotta'a't shiỹaxauapi ana 'alhua, anac da 'am ỹo'oxoren, cha'aye ỹaỹateeta da 'am ỹataqta no'on da 'arataxac.»

Salmos 99:9

Qavio'oxoyiñi qome Ñim Nataxala' maye Qanatamnaxala', qataq qaua'ayiỹoto naua qarllectelli' qom qoviita'a añi qui'itta nqasoxonaxa, cha'aye ỹataqta qui'itta Ñim Nataxala' maye Qanatamnaxala'.

1 Samuel 2:2

¡Qaica ca Qui'itta da 'eeta'am 'Am, Nataxala'! ¡Qaica ca qomi' npaxattaleguete, da 'eeta'am 'am Qanatamnaxala'! ¡Qaica ca lỹa nachaq'amta!

Éxodo 15:11

'Am Nataxala', ¿negue'tom ca lỹa atamnaxala' maye ishet da 'Am qanaloqnaxaneguet? ¡Ỹataqta qaica ca lỹa qui'itta qataq 'amaqtaqaic da 'Am 'eeta'am! ¡'Aushet da 'auo'ot ca huo'o da na'aalaxa qataq ca huo'o da lchec! ¡Qaq 'itchiguiñi da 'Am qaỹo'oxoren!

Isaías 6:3

Nache ñi 'oonolec soomaye na'axanneque naua la'aqtaqa da detaqtega't, 'eeta': «Qui'itta, qui'itta, ỹataqta qui'itta Ñim Nataxala' maye Qaica ca Ỹaqalanapec. Da llo'oxoyec Ñimaye ỹataqta imattalec ana 'alhua.»

Jeremías 20:11

Qalaxaye 'am Nataxala', aỹem qoueta'aguet qoneta'am ca alaataxaic maye saqanauec, nam aỹem icaatacpi qalaq huañi qome, nache saishet da aỹem loxonec, namayepi saipac qome cam 'eetapeguec, nache huo'o da la'aloxo, nache chochaq tatec qome da ne'enaguec qataq saishet da qaicoua'ai.

Apocalipsis 4:8

Qaq ñi 'oonolec se'esoua cuatro shiguiỹa'c qalaq ivi' seis ana laua't ñi 'oonolec, qataq nlaxagui ana la'aitepi qataq saishet da ỹa'axaneguet da lo'onaxanaxa'c ye na'a'q qataq ye pe da 'eetra': «¡Ỹataqta qui'itta, ỹataqta qui'itta, ỹataqta qui'itta Ñim Nataxala', Ñim Lo'onatac 'Enauacna maye qaica ca ỹaqalanapec, maye nache 'eetai' da huo'o, Ñim nca'altauec qataq mashe nayeetai'!»

Marcos 5:13

Nache So Jesús ỹasheetem somayepi. Nache se'eso saqcha'a na'añaxacpi leguemaxaicpi ca'ai se'eso ỹale, nache taigui aso cos late'epi. Qaq asomayepi ỹataqta nqalgaqangui so tocot, nache tangui aso lapel, choche ivitta'a da 'ogaxaipi.

Isaías 1:24

Qaq ỹoqo'oye Ñim Nataxala' maye Qaica ca Ỹaqalanapec, Ñim La'añaxanec na Israel le'ecpi, da la'aqtac, 'eeta': «¡Nache tachiguiña nagui! Aỹem sataỹa'aguet qome nam aỹem ipa'agueetacpi, ñaq sepalaique ca ivi'.

Salmos 24:8

¿Negue't que'eca nta'a maye ỹo'oxoraic? Qomye nacheñi Ñim Nataxala' maye 'amaqtaqaic qataq 'añaxaic, Ñim Nataxala' maye 'añaxaic da huo'o da alaataxac.

Isaías 63:1

Negue't ne'ena maye chegaqa'a ye Bosra yem 'amaqtaqaic huaqta'a't nỹecpi ye Edom ỹaatrañi naua alogo togaxaraiqa, qataq qashelectrapiguiñi naua alogo qataq ỹataqta chaqaic da lqueuoxoc. Nachaỹem, maye sa'axatta'a ca nauegaxanaxac, qataq Aỹem 'añaxaic da seca'alaqtaxan.

Lucas 1:48

Qataq Ñim Lo'onatac 'Enauacna tatelec aỹem da lmeenaxanaxac, aỹem l-lata maye qaica ca ỹa'amaqchec. Qaq nagui nache 'enauac na shiỹaxauapi qom aỹem iỹaxana qalaq, 'eeta': ‹¡María, da lqouagaxanaqtaic Ñim Lo'onatac 'Enauacna 'am huetalec!›

Lucas 1:50

Ñimaye nache 'eetai' da ỹauotec 'enauac nam ỹo'oxoreetac Ñimaye.