Lucas 1:48 - La'aqtaqa Ñim Lo'onatac 'Enauacna 2013

⁴⁸ Qataq Ñim Lo'onatac 'Enauacna tatelec aỹem da lmeenaxanaxac, aỹem l-lata maye qaica ca ỹa'amaqchec. Qaq nagui nache 'enauac na shiỹaxauapi qom aỹem iỹaxana qalaq, 'eeta': ‹¡María, da lqouagaxanaqtaic Ñim Lo'onatac 'Enauacna 'am huetalec!›

Nuevo Testamento Toba Sur

⁴⁸ Cha'ayi ñi Dios tachigui lauel ana qaica ca l'amaqchic l-lata, qaq nagui nachi chigoqchiguiña da 'enauac na shiÿaxauapi aÿim ÿamata'ac da ÿataqta samachiguiñi.

Nuevo Testamento Toba Sombrero Negro

⁴⁸ qa'a jayem yachalegue da'me lec'atenaĝanaĝac jayem nelochi'ña, jayem jo'ne jayem lalemaĝajete, jo'ne joĝodaic jena'me yeuel. Qama'le chiyoqotelegue nayi da'me jayem qoyinapi'ya 'uo da'me yamaic,

Lucas 1:48 Referans Kwoze

Salmos 138:6

Ñim Nataxala', qaỹoqotcheguema, qalaxaye ilo'oguet cam qaica ca ye, da lmeenaxanaxac Ñimaye qaỹoqta naqa'en na ño'oxonnaxaicpi.

Malaquías 3:12

Qaq huaña nache 'enauac na ỹotta'at shiỹaxauapi, qami' ỹamata'aque qome da ỹataqta qauamaichiguiñi, cha'aye qami' qoñeetalec qome na 'alhua maye ỹataqta 'onaxaic. Qaq 'era da ỹa'aqtac Aỹem Nataxala' maye Qaica ca Seqalanapec.

1 Samuel 1:11

nache ỹanot da la'aqtac, 'eeta': «'Am Nataxala' maye Qaica ca 'Auqalanapec, qom 'aula'a da lta'araic lhuogoxo ana'ana 'aramaxashe, qataq da aỹem 'auennata'a, nache 'auauo'o qome ca ỹalec. Nache camaye 'am sanot qome, da yaqto' 'enauaque naua na'axa'te da 'am do'onataxaatacot. Qataq 'Am sanot da ỹa'aqtac, da saishet qome da qanpetec na laue camaye.»

Lucas 11:27

Qaq co'ollaq ña ỹa'axattac de'era So Jesús, nache nvireuo aso 'alo, nache ỹa'alaxalec Somaye, 'eeta': –¡Ỹataqta machiguiñi acam 'alo maye 'am deco'oic co'ollaxa, qataq 'am illepaxaatac!

Salmos 136:23

Ñim saishet da qomi' icoua'aisalo na'aictaxa da qomi' qaỹachetraiya', cha'aye da lauotaxanaqtaic chochaq tatec.

Lucas 1:42

ime, nache asomaye ỹataqta nlamaxaren da 'enapega aso María, 'eeta': –Ñim Lo'onatac 'Enauacna ỹactec da 'am ỹanem lqouagaxanaqtaic, qaq saishet da qoneta'am na laỹepi 'alpi. Nataqa'en na 'aỹa'alec qome ỹanem da lqouagaxanaqtaic.

Lucas 1:28

Nache so namaxashec taua'a ca hueta'a aso María, nache iquin, 'eeta': –¡Ñim Lo'onatac 'Enauacna 'am ỹanem da lqouagaxanaqtaic maye ỹataqta no'on! Ñim Nataxala' 'am hueta'aguet.

Isaías 66:2

¡Ye Aỹem maiche ỹo'onatac 'enauac nam huo'o, qaq 'era da 'eetec da huo'omshe yo'oq namayepi! Qaq 'era da la'aqtac Ñim Nataxala'. Cam shiỹaxaua maye selotagui nacheca cam choxoraq qataq daquicotac, maye huo'o naq 'eneque naqa'e'n naua ỹa'aqtaqa.

2 Samuel 7:8

Ỹoqo'oye qonapega qome ñi ỹamaxashec David, da Aỹem Nataxala' maye Qaica ca Seqalanapec, da ỹa'aqtac 'eeta': ‹Aỹem, 'am sachegoxottelec co'ollaxa aso nlo qaguetapi maye 'aulotague', da yaqto' 'am sanagui da lataxala' ñaqa'en na ỹalamaxat nhuo' Israel le'ecpi,

1 Samuel 2:8

Ñim Lo'onatac 'Enauacna nachaalataxaañi cam choxoraq maye huetaiya', qataq nqateeguesop ca lasoguiñi cam deuenaxaatapigui', da yaqto' nso'ona'ai' naqa'en na 'amaqtaqaic shiỹaxauapi, nache ỹanagui cam lo'onataxanaxac maye huo'o da llo'oxoyec, cha'aye Ñim Nataxala' nacheñi ñim ỹo'o't co'ollaxa soua nlletrañi ana 'alhua, qaq nache ỹanaleguete da yaqto' na'atchiguiñi naqa'en ana 'alhua.

Génesis 30:13

Qaq huaña nache aso Lea qaltaq, 'enapeco': «¡Ỹataqta huo'o da ỹamaicỹaxac! Qaq nagui na 'alpi aỹem ỹamata'ac qome da, aỹem machiguiñi. Qaq ỹoqo'oye ne'ena nogotolec le'enaxat qome da Aser.»

Salmos 102:17

Qom ilo'oguet da natamnaxac nam qaica ca mpaxattalecpi, qataq saishet da sa hua'axaỹa da nachoxonnaxac namayepi.

Salmos 72:17

Qataq nache 'eetai' qome da sa imeuo da le'enaxat, qataq da na'aqtaguec nache 'eetai' qome 'eeta'am añi nala'. Qataq chegoqchigui qome da le'enaxat camaye, da 'enauac na ỹotta'a't shiỹaxauapi ỹaconeguet da nchoxonnataguec, qataq 'enauac namayepi da ỹamata'ac da machiguiñi.

Lucas 1:45

¡Ñim Lo'onatac 'Enauacna 'am talec naqa'en da lta'araic lqouagaxanaqtaic, cha'aye 'aua'amaqten dam ỹachaxanapec!

Lucas 1:49

Cha'aye Ñim Lo'onatac 'Enauacna maye qaica ca ỹaqalanapec ỹataqta lta'araic da aỹem ỹo'otec. ¡Da le'enaxat Ñimaye ỹataqta Qui'itta!