Lucas 1:36 - La'aqtaqa Ñim Lo'onatac 'Enauacna 2013

³⁶ Nataqa'en añi 'arhuo' lashe Elisabet, na'aictaxa da mashe ỹa'axaino'ole, qalaxaye nataqa'en añimaye huo'o ca llalec. Na shiỹaxauapi ipettega da mashe saishet da huo'o ca llalec, qalaxaye añimaye mashe ivi' naua seis ca'agoxoiqa da hualaxai.

Nuevo Testamento Toba Sur

³⁶ Nataq'en añi 'adhuo' lashi Elisabet, añimayi huo'o ca llalec, nai'ctaxa da mashi ÿi'axaina'. Añim qoÿiitegacnaxa da qaica ca llalec, qaq nagui mashi ivi' naua seis ca'agoxoiqa da hualaxai.

Nuevo Testamento Toba Sombrero Negro

³⁶ Nataq'aen jañe'me Elisabet jo'ne mach'e adajodo nach'e ena'am 'uo qomle ga'me c'oĝot, chaqaedi da'me te'me 'yaĝaina'; jañe'me jo'ne qo'yaĝatetac ja yaqanatet ta'le 'uo ga'me c'oĝot, nayi yenoĝodegue seis gaa'me auoĝoyaqa da'me qo'uaĝai.

Lucas 1:36 Referans Kwoze

Lucas 1:5

So Zacarías maye ntaxaỹaxanaxanec da qaitaxaỹapegue' Ñim lo'onatac 'Enauacna, maye huetaigui so na'a'q co'ollaq so Herodes maye 'amaqtaqaic lta'a na judiopi. Somaye do'onataxaategueua'a aso no'onaxanaxaqui late'erai, ỹalectaigui som ntaxaỹaxanaxanecpi da qaitaxaỹapegue' Ñim Lo'onatac 'Enauacna maye chegoxoguet so Abías. Qaq aso lhua le'enaxat Elisabet, asomaye nataqa'en maiche chegoxoguet so ntaxaỹaxanaxanec le'enaxat Aarón.

Lucas 1:35

Nache so namaxashec 'enapeco': –Qomye So Saqcha'a Na'añaxac Qui'itta anac qome da 'am tanguit, nache da la'añaxac Ñim Lo'onatac 'Enauacna maye 'amaqtaqaic 'am ipelteelec. Qaq ỹoqo'oye que'eca nogotolec, camaye da nachaalataxac ỹataqta imato'ot Ñim Lo'onatac 'Enauacna, nache camaye da le'enaxat 'eeta' «Llalec Ñim Lo'onatac 'Enauacna.»

Lucas 1:37

De'era ỹachaxan da Ñim Lo'onatac 'Enauacna ỹataqta qaica ca ỹaqalanapec.

Génesis 11:30

Qaq aso Saraí, qalaq qaica co'ollaxa ca llalec, cha'aye asomaye saishet da deco'o.

Génesis 16:1

Qaq aso Saraí ye sareco'o, nache so lhua Abram qaica co'ollaxa ca llalaqpi, qalaxaye huo'o co'ollaxa aso l-lata Egipto lashe maye le'enaxat Agar.

Génesis 18:11

Qaq so Abraham qataq aso Sara soomaye mashe ỹa'axaiqolqa, ỹoqo'oye aso Sara mashe vi'iiguet da na'axac.

Génesis 21:2

nache asomaye hualaxai, nache huo'o so llalec so Abraham co'ollaq somaye mashe ỹataqta ỹa'axaiquiolec. Qaq so nogotolec co'ollaq ñiguiñi nache huetoigui som ỹecchiguiña co'ollaxa Ñim Lo'onatac 'Enauacna.

2 Reyes 4:17

Qaq asomaye hualaxai co'ollaxa, qaq nache huetoigui se'eso lỹa vi'i da ñiguiñi so llalec, qaq nache ipacchigui da la'aqtac so Eliseo.

Eclesiastés 3:2

Huo'o ye laloqo' da huo'o na ñiguiñi, qataq huo'o ye laloqo' da huo'o na ileu. Huo'o ye laloqo' da qoỹaañi na nañiguishec, qataq huo'o ye laloqo' da qanqat na ala na nañiguishec.

Hebreos 11:11

So Abraham huo'o da lpi'iỹaxac Ñimaye, ỹoqo'oye na'aictaxa da aso lhua Sara ñaq saxanaxa da deco'o qataq somaye mashe ỹa'axaiqui, qalaxaye nache 'ena'am Ñim Lo'onatac 'Enauacna ỹami' da la'añaxac somaye da yaqto' huo'o ca llalec. So Abraham ỹataqta huo'o da lpi'iỹaxac Ñim Lo'onatac 'Enauacna, da Ñimaye ipaqueelec dam ỹachaxanapeguem somaye da huo'o ca llalec.