Lucas 1:35 - La'aqtaqa Ñim Lo'onatac 'Enauacna 2013

³⁵ Nache so namaxashec 'enapeco': –Qomye So Saqcha'a Na'añaxac Qui'itta anac qome da 'am tanguit, nache da la'añaxac Ñim Lo'onatac 'Enauacna maye 'amaqtaqaic 'am ipelteelec. Qaq ỹoqo'oye que'eca nogotolec, camaye da nachaalataxac ỹataqta imato'ot Ñim Lo'onatac 'Enauacna, nache camaye da le'enaxat 'eeta' «Llalec Ñim Lo'onatac 'Enauacna.»

Nuevo Testamento Toba Sur

³⁵ Nachi so namaxashic 'enapeco': –Qomyi ca Espíritu Santo qome 'am tanguit, nachi da l'añaxac ñi Dios mayi 'amaqtaqaic 'am ipelteelec, 'eeta'am ca l'oc. Qaq ÿoqo'oyi que'eca nogotolec mayi ñiguiñi, camayi ÿataqta qoÿanot da hueto'ot ñi Dios, nachi qaÿamata'ac da llalec ñimayi.

Nuevo Testamento Toba Sombrero Negro

³⁵ Ñe'me piyem le'ec 'yateguet: —Joñe'me Dios Lepaqal jo'ne ja 'nalegue am neda'ña qomle, nataq'aen ñe'me Dios jo'ne napacalegue ena'uac am yachalegue qomle da'me 'lañaĝac. Qo'che' ñe'me notolec jo'ne niyiñe qomle qoyiyaĝanaĝatapec ja 'nalegue, Lec'oĝot joñe'me Dios.

Lucas 1:35 Referans Kwoze

Mateo 1:18

Da lañoxoc So Jesús 'eeta': Aso late'e María co'ollaq mashe detaxaỹapegue' so José da huotaique da lhua. Qaq co'ollaq saxanaxa da huarona't, nache asomaye mashe hualaxai, chegoqchigui da la'añaxac So Saqcha'a Na'añaxac Qui'itta.

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Juan 1:34

Qaq aỹem mashe sauaachigui Namaye, nache sa'axattac da Namaye, nachena na Llalec Ñim Lo'onatac 'Enauacna.

Mateo 1:20

Qaq co'ollaq ñaq tatapigui lauel de'era so José, nache anac so lamaxashec Ñim Lo'onatac 'Enauacna, huaigui naqa'en so lo'ochaxa da nachaxana somaye. Nache 'enapega, 'eeta': –José, 'am maye 'auachegoxoguet so nta'a David, saishet qome da 'añi'i da 'apaca'aguet añi María da 'arhua. Cha'aye dam llalec maye huetaigui añimaye, chegoqchigui da la'añaxac So Saqcha'a Na'añaxac Qui'itta.

Marcos 1:24

Somaye ỹataqta ỹa'alaxalec So Jesús, 'eeta': –¡'Am Jesús maye 'am Nazaret le'ec! ¿Ta'ainco' da qomi' 'atapegueua'alo? ¿Qomi' 'auanaỹalo peta'a da qomi' 'aulaxachiguilo? Aỹem 'am sauatton, da 'am Llalec Ñim Lo'onatac 'Enauacna.

Mateo 27:54

Nache so huataxanaq lta'a maye Roma le'ec qataq som nalleppi maye nauaatalec So Jesús co'ollaq ỹauaachigui so nacholaxanaxa qataq nam laỹepi maye yo'oq, nache ỹataqta iviloxolaqchet da lcolanaxa. Nache somayepi 'enapeco': «¡Ñi'iñi ỹale ỹoqta 'eesa da Llalec Ñim Lo'onatac 'Enauacna!»

Hebreos 4:15

Da lle'eguenataxanaxac so pa'aguenataxanaxaic co'ollaq ỹe'eguen So Jesús, nache 'eeta'am da lle'eguenataxanaxac nagui da qomi' ỹe'egue'n da yaqto' ỹauo'o ca qarasouaxashet, qalaxaye So Jesús co'ollaxa saishet da huo'o ca lasouaxashet. Qaq ỹoqo'oye Somaye ỹaỹaten da saqalaq da qaỹalaxaguet Ñim Lo'onatac 'Enauacna.

Lucas 1:27

da ira'a da la'aqtaxanaxac aso qa'añole le'enaxat María. Asomaye mashe huotaique da huaroneguet so José, maye chegoxoguet so nta'a David.

Gálatas 2:20

Cha'aye aỹem sogote nataqa'en da seleu, iỹatcheguem So Cristo co'ollaq qaiuaxaneguet so npe'enaxaqui. Qaq ỹoqo'oye nagui saishet da maiche ỹalamaxat da ñachaalataxac, cha'aye nacheso So Jesucristo som aỹem nachattaigui. Qaq nagui ñeca'altauec souaxat da ipi'iỹaxac som Llalec Ñim Lo'onatac 'Enauacna, cha'aye Somaye aỹem ỹauotec qataq nañaneguet da l-leuaxa da yaqto' aỹem nca'alaxatec.

Hechos 8:36

Qaq co'ollaq ivitra som huaña da huo'o na 'etaxat, nache se'eso ỹale maye 'amaqtaqaic 'enapeco': –Ne'ena huo'o na 'etaxat, qaq ¿negue'to' ca iqalaatac da saishet da aỹem 'anachelaxan?

Da na'aqtaguec so Job 25:4

Qaq ¿peta'a huo'o ca choche shiỹaxaua, da 'enapec no'on da lataxac, qataq qaica ca ỹasouaxat da ỹauaachigui Ñim Lo'onatac 'Enauacna?

Juan 20:31

Qalaxaye de'era qoỹiyiñi, damaye qoỹiyiñi, yaqto' qami' ishet da qaua'amaqchiñi da So Jesús, nacheso Som Lca'aguishec Ñim Lo'onatac 'Enauacna maye maiche Llalec, qataq yaqto' qami' ishet da huo'o da qarca'alaqai chochaq tatec da qaua'amaqchiñi Somaye.

Marcos 1:1

'Era da 'eetec da na'aqtaguec co'ollaq cheta'ague da qaỹa'axat da no'on na'axaỹaxac maye ỹa'axat da llec So Qarataxala' Jesucristo maye Llalec Ñim Lo'onatac 'Enauacna, qataq Lca'aguishec Ñimaye.

Salmos 2:7

Qaq aỹem sa'axatec qome da lhuennataxac Ñim Nataxala', cha'aye Ñimaye aỹem 'enapega, 'eeta': «'Am, nache 'am ỹalec, aỹem 'am seco'oic na na'a'q.

Da na'aqtaguec so Job 14:4

Cha'aye, ¿negue't ca ishet da nqatec ca qui'itta, da ỹachegoxotaigui ca nshepaxan? ¡Qomye, qaica!

Efesios 2:3

Qaq nataqa'en 'enauac da shenaqta nache shenaqta'am namayepi soua hua'au' vi'iye, da qolaqtague' nam maiche shenaqtapeguecpi, qataq so'otaqtac dam lqopitaxanaqtaic da qarapachiỹaxac qataq nam maiche qarhuennataxacpi. Qaq ỹoqo'oye ỹataqta 'itchiguiñi da qomi' huetaleguete da qaica ca 'ena'am lchec lalemataic Ñim Lo'onatac 'Enauacna da shenaqta'am 'enauac nam laỹepi shiỹaxauapi.

Mateo 14:33

Nache 'enauac so netangui aso nllocta, ỹa'aroto naua l-llectel So Jesús, nache 'eeta': –¡Ỹoqta 'eesa, da nache 'am maye 'am Llalec Ñim Lo'onatac 'Enauacna!

Mateo 4:3

Nache nvi' so pa'aguenataxanaxaic da ỹe'eguen Somaye. Nache 'enapego', 'eeta': –Da ỹoqta 'eesa da 'am Llalec Ñim Lo'onatac 'Enauacna, qaq no'on qome da nañigui nauole 'ayiiña 'anqa'en ne'ena coma'pi.

Salmos 51:5

Cha'aye saỹateeta da qauem da ỹañoxoc, nale'ena da aỹem 'etaxaloxoic, co'ollaq ñaq sootaigui na lauel aso ỹate'e.

Da na'aqtaguec so Job 15:16

¡Qaq ỹoqo'oye nataqa'en saishet da sa npi'itaxana na shiỹaxauapi maye ỹataqta qauem qataq qaiqaiga da lataxac, maye da ỹo'ottac na saỹaỹamaxañesat qalaq 'eeta'am da nỹomigui na 'etaxat!

Lucas 1:34

Nache aso María inat so namaxashec, 'eeta': –¿Chaq hua'ague ca 'eetec ca lataxac de'era ye aỹem saxanaxa da saron?

Lucas 1:36

Nataqa'en añi 'arhuo' lashe Elisabet, na'aictaxa da mashe ỹa'axaino'ole, qalaxaye nataqa'en añimaye huo'o ca llalec. Na shiỹaxauapi ipettega da mashe saishet da huo'o ca llalec, qalaxaye añimaye mashe ivi' naua seis ca'agoxoiqa da hualaxai.