Lucas 1:33 - La'aqtaqa Ñim Lo'onatac 'Enauacna 2013

³³ Camaye choche tatec qome da ilotague' na Israel le'ecpi, qaq de'era lo'onataxanaxac da nta'a, damaye qaica ca loga't.

Nuevo Testamento Toba Sur

³³ yaqto' camayi chochi tateec qome da ilotague' na llalaqpi so Israel. De'eda l'onataxanaxac da nta'a, damayi qaica ca loga't.

Nuevo Testamento Toba Sombrero Negro

³³ qaedi nale'en yelolo'te ga'me noyaqapi jo'ne c'oqo'tepi di'me Jacob. Da'me yelolegue ga'me jiyaĝadipi ja yitaĝa 'uo ga'me loiquiaqa'.

Lucas 1:33 Referans Kwoze

Daniel 2:44

Qaq qom ñaq huetaigui da lo'onataxanaxac que'eca nta'alpi, nache Ñim Lo'onatac 'Enauacna maye neto'ot na piguem, nauaxaỹaxaasheguem qome ca no'onataxanaxac maye saishet qome da nlaguiñi, qataq saishet qome da anac ca laỹepi ỹotta'a't shiỹaxauapi da ilo'ogue, nacherata da camaye nlaxaañi da lo'onataxanaxac na laỹepi nta'alpi, qaq camaye chochaq tatec qome.

Hebreos 1:8

Qalaxaye da detaxaỹa So Llalec, qalaq 'eeta': «Da 'aro'onataxanaxac chochaq tatec, qaica ca loga't, qataq 'auo'onataxana da 'ara'añaxac da 'aupagaqchiichigui da 'eesa lataxac.

Daniel 7:27

Qaq da lo'onataxanaxac, la'añaxac qataq da llo'oxoyec 'enauac nam nta'alpi maye netalec ana 'alhua, qoỹanem qome nam nhuo' le'ecpi maye lalamaxat Ñim Nataxala' maye Nataỹaña 'Enauacna. Qaq dam lo'onataxanaxac qalaq chochaq tatec qome, nache 'enauac qome na nhuo' le'ecpi ana 'alhua do'onataxanot qataq ỹalaxaguet.

2 Samuel 7:16

Na 'aỹa'alaqpi, qataq da 'aro'onataxanaxac da 'am nta'a, damaye nache 'eetai' qome. Qataq aca 'anso'onaxaqui da 'am nta'a, qaica ca iraxanapigui'.›»

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Salmos 45:6

Da 'aro'onataxanaxac 'am maye 'Aro'onatac 'Enauacna damaye chochaq tatec, qaq de'era 'aro'onataxanaxac damaye ỹataqta nalochiguiñi.

Miqueas 4:7

Qaq anamayepi nache sauaxaỹaxaneguet anam no'onañi co'ollaxa, qaq nache sachegoxotchigui qome ca shiỹaxauapi maye ỹataqta 'añaxaicpi. Qaq aỹem Nataxala' selo'ogue qome namayepi, qom huaña añi qasoxonaxa Sión, nagui qataq nache 'eetai' qome.

Daniel 7:18

Qalaxaye ime qome nache da no'onataxanaxac qoỹanem na nhuo' le'ecpi maye lalamaxat Ñim Nataxala' maye Nataỹaña 'Enauacna, nache chochaq tatec qome da lalamaxat.

Gálatas 3:29

Cha'aye da mashe qana'ayeetaua'a So Cristo, qaq nataqa'en qami' lalamaqa'ate llalqa so Abraham, qaq nataqa'en qauacoñiiguet qome cam ỹachaxanapec co'olloxocheye Ñim Lo'onatac 'Enauacna.

Romanos 9:6

Qaq saishet da sheetega da Ñim Lo'onatac 'Enauacna da huo'otaq sa ipaguelec nam ỹachaxanapecotpi nam Israel le'ecpi. Qalaxaye saishet da 'enauac na judiopi da nhuanaua'a nam ỹataqta 'eesa Israel le'ecpi.

Gálatas 6:16

Qaq Ñim Lo'onatac 'Enauacna ỹami' qome da nlagaxayec nam lataxac de'era, qataq ỹachaxana da lchoxonnataxanaxa nam lalamaxatpi Ñimaye.

Filipenses 3:3

Cha'aye nam ỹoqta na'añeguishecpi qataq ỹataqta 'eesa, qaq nache qomi' maye chegoqchigui So Saqcha'a La'añaxac Ñim Lo'onatac 'Enauacna maye sho'oxonnaqtac, qataq ỹo'ot da qana'amqaanaxac, cha'aye qomi' lalamaqa'ate So Cristo Jesús, qataq nache saishet da ñaquitaqtega ca choche la'añaxac ca shiỹaxaua.

Mateo 1:1

So Jesús chegoxoguet so David qataq so Abraham. Qaq 'ana ana lmalate 'enauac som lauo' le'ecpi maye hua'auñipi, co'ollaq saxanaxa da nvi' Somaye:

Abdías 1:21

Qaq nam dauegaxanpi qalaq tasheguema qome añi qasoxonaxa Sión, da yaqto' nmit nam shiỹaxauapi maye nalec aye qasoxonaxapi maye na'alhua so Esaú. Qaq huaña, nache de'era no'onataxanaxac, ilo'ogue qome Ñim Nataxala'.

2 Samuel 7:13

Nache camaye nacheca qome ca no'oxoosheguem que'eca nỹec da yaqto' huaña da Aỹem qanatamnot, qaq camaye sanagui da nache 'eetai' qome da nta'a.

Salmos 89:4

‹Nache 'eetai' qome da sa seraxanai' ca 'am chegoxoguet, da 'aro'onataxanaxac da 'am nta'a, nache sanem qome 'enauac ca 'aỹa'alaqpi.›»

Isaías 9:7

Camaye nso'ongui qome añi nso'onaxaqui so David, huaña nache nquictauec da la'añaxac ivitta'a da ilo'ogue 'enauac ana 'alhua, nache saishet qome da imeuo da nlagaxayec, qataq da lo'onataxanaxac ỹataqta na'atchiguiñi qome, cha'aye na'attalec da no'on qataq nalochiguiñi lataxac, qaq nache chegoqchiguiña nagui nache chochaq tatec qome. Qaq 'era da ỹo'ot qome Ñim Nataxala' maye Qaica ca Ỹaqalanapec souaxat da lta'araic lauotaxanaqtaic.

Isaías 16:5

nache huo'o qome ca 'oonolec maye chegoxoguet so David, ca ivira'a da nta'a, qaq dam lo'onataxanaxac maye saldaỹai', qalaq na'attalec qome da nchoxonnataxanaxa, qataq huo'o naq 'enec qanqa'en da huo'o ca nmit nasouaxashet, qataq lapaxañi qome nam no'on lataxacpi, qataq saỹaỹaloxon da ỹo'ot ca nalochiguiñi lataxac.

Jeremías 23:5

Ñim Nataxala', 'enapec: «Anacte' caua na'axa'te maye huaiguilo qome da sauo'o ca nta'a maye chegoxoguet so David, cam nta'a maye no'on da lataxac, qataq camaye do'onataxana qome da nalochiguiñi qataq da no'on lataxac, da hueta'a ne'ena 'alhua.

Daniel 4:34

Qaq co'ollaq ipacchigui som qalapaxañi da ñeuaxanaguec, nache aỹem Nabucodonosor samato'ot na piguem, nache ñanomteguet da aỹem qanataren nache qaica so aỹoic, qaq huaña nache sanot da ña'achecỹaxac Ñim Lo'onatac 'Enauacna maye Nataỹaña 'Enauacna nache sho'oxoren Ñim nache 'eetai' da nca'altauec, sheeta': «Da 'ara'añaxac qalaq chochaq tatec qome, da 'aro'onataxanaxac qalaq qaica ca loga't.

Daniel 6:26

qataq samaxasoxoolec da 'enauac ne'ena selotague' 'alhua, da huo'o naq 'enec qanqa'en, qataq qaỹalaxaguet Ñim Natamnaxala' ñi Daniel. Cha'aye Ñimaye, nacheñi Ñim Lo'onatac 'Enauacna maye nca'altauec, qataq nache 'eetai' da sa imeuo. Da lo'onataxanaxac saishet qome da nlaguiñi, qataq da la'añaxac qaica ca loga't.

Lucas 1:34

Nache aso María inat so namaxashec, 'eeta': –¿Chaq hua'ague ca 'eetec ca lataxac de'era ye aỹem saxanaxa da saron?